DÍA DA MULLER

Pola conmemoración do día da muller, parte do alumnado de valores éticos, inspirados na canción de Rozalén, pintou unha porta violeta como metáfora do feminismo, como símbolo da igualdade que se reivindica neste día, unha porta que se a atravesamos nos fará a todas e todos máis libres. No vídeo utilizamos a versión en galego da canción de Rozalén interpretada por Son da Cabana.

 

Enlace ao vídeo

 

Dentro do proxecto da biblioteca “Muller tiñas que ser!” o alumnado de 1º ESO, co gallo do 8M, fixo un traballo sobre mulleres da Mariña que son importantes nas súas vidas ou nas da comarca.  

 

 

 

Admisión de alumnado

O prazo para a solicitude dunha praza nun centro non adscrito para o curso 2021/22 é do 1 a 22 de marzo.

Pódese facer de forma telemática dende aquí, tedes que ir a solicitudes, admisión e crear.

Homenaxe a Yayoi Kusama

Este ano, no Entroido, fíxose unha homenaxe especial a unha artista xaponesa moi orixinal: Yayoi Kusama. A obra de Yayoi caracterízase por fotografías onde os protagonistas e os decorados están cheos de puntos de cores, o que fai que a súa obra esté impregnada de luz e cor .

Durante as clases de Educación Plástica de 4º ESO realizáronse debuxos sobre a autora que estiveron expostos na Biblioteca e agora están nos corredores do centro. A coordinadora da Biblioteca elaborou un resumo da vida da personaxe que recomendamos que o vexades.

Vida de Yayoi Kusama

 

 

 

    

Entroido 2021

Con motivo do entroido traballouse con todo o alumnado a través dunha unidade didáctica a figura da artista xaponesa Yayoi Kusama.

Podedes ver imaxes da celebración dende o instagram da biblioteca.

 

 

Días non lectivos

Os días non lectivos elixidos polo centro son o 18 e 19 de febreiro de 2021, xoves e venres despois do Entroido, polo que non haberá clases dende o 13 ao 21 de febreiro, ambos inclusive.

Desexamos que disfrutedes desa semana de Entroido!

Inicio das clases

Voltaremos ás clases o vindeiro venres 8 de xaneiro de 2021.

Documental "Grandes historias das heroínas do rural"

As ANPAs do CEiP Castro de Ouro e do IES Alfoz-Valadouro realizaron o documental "Grandes historias das heroínas do rural" para homenaxear a todas as mulleres de Alfoz e O Valadouro que adican a súa vida ao rural.

Horario espello e Addenda das NOF

Por mor da situación actual, aprobouse, por Claustro e Consello Escolar, unha addenda ás NOF do centro e o horario espello que se levaría a cabo se algún/s aula/s tivesen que confinarse. Podedes consultar os dous documentos:

Horario espello

Addenda das NOF

25N - Día Internacional contra a violencia de xénero

Conmemoramos este día con carteis, dous lemas "Que o silencio non sexa cómplice" e "Entre tod@s imos silenciar o ruido machista" e un vídeo gravado no curso pasado.

Adxudicación de máscaras para o alumnado

A Consellería de Cultura, Educación e Universidade realizará unha achega complementaria para a adquisición de máscaras para o alumnado matriculado nos niveis de ensino obrigatorio e educación especial.

As máscaras distribuiranse entre o alumnado pertencente a familias cunha renda per cápita igual ou inferior a 6.000 €, que foi o límite de referencia no curso 2020/21 para ter dereito á axuda para adquirir material escolar. Polo tanto:

 - Non terá que presentar solicitude o alumnado beneficiario da axuda de material escolar no curso 2020-2021 porque se lles adxudicarán directamente.

 - Terá que presentar solicitude o alumnado que non foi beneficiario da axuda de material escolar no curso 2020-2021 que cumpra algunha das seguintes condicións:

 

  • Que pertenza a unha familia cunha renda per cápita igual ou inferior a 6.000 €.
  • Alumnado matriculado en educación especial.
  • Alumnado suxeito a tutela ou garda da Xunta de Galicia. 
  • Alumnado cun grao de discapacidade igual ou superior ao 65%.

 

 

Para realizar esa solicitude terán que cubrir o anexo I e II, que poden descargar dende aquí, e presentala no noso centro dende o 16 ata o 27 de novembro de 2020.

 

Podedes consultar a orde do 6 de novembro de 2020 (DOG).

 

 


Distribuir contido