8M

DÍA DA MULLER

Celebramos o 8 de marzo e unímonos á facer deste día un día de reivindicación e celebración coa letura dun pequeno comunicado e coa música de "Fillas de Cassandra- II": Lisístrata (varre vasoira)

RESOLUCIÓN DO 28 DE FEBREIRO DE 2024

ACREDITACIÓN DAS COMPETENCIAS DIXITAIS DO ALUMNADO DE 4º DA ESO E DE 2º DE BAC

Imaxe: https://esgalicia.gal/gl/vivir-en-galicia/galicia-primeira-comunidade-en-emitir-un-certificado-de-competencias-dixitais

Infórmase de que o alumnado de 4º da ESO e de 2º de BAC poderá acreditar a súa competencia dixital realizando unha proba no propio centro educativo. O alumnado de 4º da ESO poderá acreditar un coñecemento medio en competencias dixitais e o alumnado de 2º de BAC sobre seguridade e privacidade (área 4 MGCD). Ditas probas realizaranse no mes de abril para o alumnado de 2º de BAC e no mes de maio para o alumnado de 4º da ESO.

O alumnado interesado en realizar dita proba deberá solicitar o anexo IV da resolución na conserxería do Centro e traela cuberta pola persoa responsable do/da menor ampliándose o prazo ata o 15 de marzo e deixala na propia conserxería do centro.

Para máis información sobre o proceso da resolución e o contido do Marco Galego de competencias dixitais poden consultar o enlace e os arquivos adxuntos

https://www.edu.xunta.gal/portal/competenciadixital/alumnado

INFÓRMASE QUE:

Para a admisión no Grao en Ciencias da Actividade Física e do Deporte é requisito previo a superación dunha proba física, que recibe cualificación de Apto/Non apto.

NÚMERO PREMIADO

0435

No recreo da ESO de hoxe venres, 1 de marzo, sorteuse a cesta con produtos de entroido. O boleto agraciado ten o número 0435. Parabéns á persoa agraciada e desexamos que desfrute moito de todo o contido en dita cesta.

23 DE FEBREIRO: LEMBRANDO A ROSALÍA DE CASTRO

Aniversario do nacemento de Rosalía de Castro

 

 

 

XVII FEIRA DAS CIENCIAS

27 e 28 de FEBREIRO de 2024

Cartaz da feira realizado pola alumna de 2º de BAC E Antía Martínez Fernández

Un curso máis celebraremos no noso IES a Feira das Ciencias onde alumnado e profesorado dos Departamentos de Bioloxía, Física e Química, Matemáticas, Tecnoloxia, Debuxo e Música expoñerán as prácticas que levan preparando ao longo destes dous meses. Como cada edición as prácticas están destinadas a ensinar o traballado realizado entre profesorado e alumnado "voluntario" ao resto de compañeiros e compañeiras de todo o Instituto así como ao resto do profesorado. Contaremos tamén coa visita do alumnado de 4º da ESO do CPI Alcalde Xosé Pichel de Coristanco. O mércores 28, de 16.00 a 18.30, será a xornada de "Portas Abertas" para todas aquelas persoas que queiran achegarse para observar o traballado que se expón nas distintas prácticas.

Esperamos que sean dúas xornadas de verdadeiro coñecemento e desfrute da ciencia, da música e do deseño.

Seredes benvidas e benvidos.

EXCURSIÓN DO ALUMNADO DE 4º DA ESO

SORTEO CESTA CON PRODUTOS DO ENTROIDO

O alumnado de 4º da ESO sortea unha suculenta e ben cargada "CESTA DO ENTROIDO" que levará a persoa agraciada co número do boleto que algún alumno ou alumna de 4º da ESO lle vendera antes do 1 de marzo que é o día que se realizará o sorteo de maneira pública ás 11.10 da máñan.
Os boletos son a 2€ e o importe de cada un vai integramente para o alumnado de 4º da eso que o está a vender e así poder costear a súa viaxe de final de etapa a Andalucía.

Agradecemos á secretaría do Ies Alfredo Branhas pola xenerosa aportación mercando os produtos de dita cesta que ascende a un prezo aproximado de 300€ e a autoservicio "Casa Francisco" pola súa xenerosa aportación regalando unha botella de viño blanco así como o soporte dos productos (a cesta) e o marabilloso empaquetado.
Se aínda non tedes o voso boleto non dubidedes en mercarllo a algún destes alumnos e alumnas de 4º (dito boleto ten que ter o carimbo do centro educativo).
Estades inda a tempo de buscar a sorte... E de axudar ao alumnado a costearse a súa viaxe de fin de etapa.

O número publicarase nas nosas redes e na páxina web do centro tendo un prazo de dez días para vir recoller a cesta . De non ter aparecido a persoa co boleto premiado volverase sortear.

Moita sorte e bo proveito.

A Xunta convoca 648 prazas de estadías lingüísticas de verán no estranxeiro para o alumnado de Bacharelato.

DOG - ORDE do 29 de xaneiro de 2024 pola que se convocan axudas para a realización de actividades de formación en linguas estranxeiras no ano 2024, destinadas ao alumnado dos centros docentes sostidos con fondos públicos, en réxime de concorrencia competitiva (código de procedemento ED504B).

>> O período de realización destas actividades comprenderá desde a primeira semana do mes de xullo ata finais do mes de agosto de 2024, coa excepción das actividades para o 2º curso de bacharelato, que se desenvolverán no mes de agosto.

>> As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal

>> O prazo para a presentación de solicitudes será dun mes, a partir do 13 de febreiro de 2024.