Ata o día 23 de marzo podedes gozar da exposición “Aves de Galicia” que se exhibe no vestíbulo do instituto.
A través desta exposición tedes a posibilidade de coñecer as diferentes especies de aves que podedes atopar en Galicia e os diferentes tipos de hábitats da avifauna da nosa comunidade. A mostra pretende tamén valorizar os recursos ornitolóxicos galegos e promover o gusto pola observación das aves, así como diversos consellos para afeccionarse ao seu estudo e espertar unha actitude positiva.
A exposición foi cedida gratuitamente polo Centro de Extensión Universitaria e Divulgación Ambiental de Galicia (CEIDA).
