Skip to Content

Accede aquí á prematrícula online de ESO e Bacharelato

Ven, 03/05/2024 - 03:07 — IES A Sangriña

Prematrícula IES A SANGRIÑA

Accede desde esta publicación á nova canle do IES A Sangriña para as prematrículas e as matrículas da ESO e do Bacharelato. A continuación, facilitámosche as ligazóns de acceso aos formulario web de prematriculación. Podes realizar este proceso entre os días 3 e 13 de maio, ambos incluídos.

O proceso de prematriculación implica:

  1. Cubrir o formulario web cos datos de identificación tanto do/a alumno/a como do seu responsábel legal.
  2. Achegar todos os datos necesarios (marcados no formulario cun asterisco vermello).
  3. O envío dunha única prematrícula por estudante (que se identificará co DNI do/a alumno/a).
  4. O emprego dunha conta de e-mail válida e actualizada por parte do responsábel legal do alumno, pois será nese enderezo onde se recibirá o comprobante da prematrícula.
  5. O número de DNI do responsábel legal do/a alumno/a poderá repetirse, pois un mesmo responsábel legal pode ter ao seu cargo a varios/as estudantes.
  6. Cando o formuario nos avisa de que nos encontramos diante da última pantalla e podemos premer en "Confirmar e enviar" debemos ser concientes de que a nosa prematrícula se consignará no sistema, non podendo empregarse o DNI do alumno en novos formularios.
  7. Unha vez que o sistema nos indique que a prematrícula se realizou correctamente e a recibamos no noso e-mail, procederemos a imprimir o correo electrónico e a entregalo asinado. O alumnado procedente doutros centros farao na secretaría do IES A Sangriña (de luns a venres entre as 9:00 e as 14:00); os estudantes do noso instituto entregaranllo aos seus titores ou titoras. Só tras este trámite se considerará que o proceso de prematriculación foi concluído con éxito.

O luns 13 de maio será o derradeiro día habilitado para a entrega do comprobante da prematrícula asinado.

Accede desde as seguintes ligazóns ás prematrículas da ESO e do Bacharelato:

Fotos da leitura continuada da República dos Sonhos e mais

Lun, 13/05/2024 - 18:41 — IES A Sangriña

A República dos Sonhos Sangriña

O Departamento de Português organizou uma viagem académica a Santiago de Compostela para participar na Leitura Continuada da obra A República dos Soños de Nélida Piñón que reuniu a numerosas numerosas personalidades da cultura e representantes políticos.

A homenagem, organizada pela AGAL (Associaçom Galega da Língua) com a colaboração da Secretaría Xeral de Política Linguística, decorreu no aniversário do nascimento (3 de maio) de uma das autoras em língua portuguesa que maior vínculo teve com a Galiza, não apenas afetivo, mas também académico e literário através da sua obra mais celebrada: A República dos Sonhos. Neste romance o vínculo entre a Galiza e o Brasil comparece através de um dos motivos mais frequentados da literatura de ambos os países: a emigração.

Esta actividade viu-se complementada com um ateliê de leitura, leccionado pola Professora Carme Saborido, encaminhado a facilitar a leitura na norma internacional da língua portuguesa aos estudantes que não frequentam as aulas desta disciplina.

Além disso, aproveitamos a viagem para fazer uma jinkana em que os alunos e as alunas aplicaram, entre outras, as suas habilidades linguísticas e visitar duas exposições na Cidade da Cultura:

  • Galiverso dos Museus, que é uma iniciativa da Xunta de Galicia que utiliza tecnologias imersivas e de realidade virtual com o objetivo de mostrar de uma forma diferente o nosso património material e imaterial (artístico, arquitetónico, natural, etc.).
  • Tesouros reais. Obras mestras do Terra Sancta Museum, é uma exposição internacional que traz a Santiago de Compostela o extraordinário e pouco conhecido tesouro artístico do Museu Terra Santa de Jerusalém, constituído por doações de monarquias católicas europeias ao longo de 500 anos.

A seguir, publicamos en pdf algumas fotografias desta viagem:

Álbum fotográfico da Spring Week

Lun, 13/05/2024 - 14:17 — IES A Sangriña

Spring Week A Sangriña 2024

Publicamos agora un álbum fotográfico con algúns dos mellores momentos da participación do noso alumnado de 2º de ESO na Spring Week, unha estancia lingüística organizada pola Xunta de Galicia para que estudantes de centros públicos e concertados practiquen inglés durante unha semana.

Na seguinte ligazón, podedes acceder ás fotografías:

Congreso de emprendemento dixital SED Talks 2024

Lun, 13/05/2024 - 10:07 — IES A Sangriña

Congreso de emprendemento dixital SED Talks 2024

O mundo empresarial está en continua evolución e nestes tempos o uso da tecnoloxía e a contorna dixital converteuse nun elemento clave para o bo funcionamento e crecemento de empresas e proxectos. Por iso, non podemos ignorar este aspecto na formación das nosas alumnas e alumnos.

No Congreso SED Talks 2024, celebrado o venres 3 de maio no Club Financeiro de Vigo, os alumnos de 1º de CS e CM de Administración (e algún de Informática) puideron coñecer experiencias de emprendedores dixitais de éxito, as súas estratexias e consellos.

Grazas a Benlly Hidalgo  por facilitar as entradas aos nosos alumnos, e a estes por facer que  nos sintamos orgullosos de acompañalos.

PROCEDEMENTO DE RECLAMACIÓN das cualificacións obtidas na avaliación final de 2º de Bacharelato curso 23-24

Lun, 06/05/2024 - 19:17 — IES A Sangriña

 

Consulta documento pdf informativo sobre a Orde do 26 de maio de 2023 e na Instrución 10/2023 da Dirección Xeral de Ordenación e Innovación Educativa pola que se establecen para o curso 2023/4 os prazos e o procedemento para as reclamacións das cualificacións finais obtidas do segundo de bacharelato ou da decisión de titulación nesta etapa premendo aquí.

MOI IMPORTANTE. Suspensión das clases en HORARIO MATINAL do día 6 de maio no IES A Sangriña

Dom, 05/05/2024 - 14:43 — Xefatura

Debido a unha grave avaría no suministro eléctrico do IES A Sangriña e previa autorización solicitada á Xefatura Territorial da CECUFP de Pontevedra, SUSPÉNDENSE AS CLASES EN HORARIO MATINAL no IES A SANGRIÑA o día 6 de MAIO. O horario lectivo vespertino (tarde) NON sufrirá cambios. Aqueles exames programados para a mañá do día 6 de maio, e sobre todo os de 2º de Bacharelato, poderán excepcionalmente ser reprogramados para calquera das tardes desta semana lectiva do 6 ao 10 de maio.

Desculpade as molestias provocadas por esta circunstancia allea completamente á nosa vontade.

A Dirección.

"As alumnas" visítannos da man de Paula Carballeira

Xov, 02/05/2024 - 16:37 — IES A Sangriña

Paula Carballeira IES A Sangriña

O pasado martes día 30 de abril visitou o noso centro a escritora Paula Carballeira. Pero a súa visita xa comezara previamente, a pasada semana, cando "As alumnas" se meteu nas nosas aulas a través dunha serie de lecturas dramatizadas en 1º de Bacharelato nas que participaron os departamentos de Lingua Galega e Lingua Castelá. Esta obra, Premio Nacional de Literatura Dramática e Premio Follas Novas 2023 á mellor Obra de Teatro, foi o eixo sobre o que xirou esta actividade organizada pola Bibliotrega Magdalena Garabatos.

  • "As alumnas" foi escrita a partir dunha proposta de Fran Rei como representante de Culturactiva. Elvira Fontao e Rosa Lires, antigas alumnas de María Barbeito, volven atoparse na data da morte da mestra, no ano 1970. Xa son mulleres. Atrás queda a infancia, o mundo que lles abriu a mestra antes de que o Comité de Depuración a afastase do seu traballo na escola. Así, a memoria, as lembranzas que se van desenvolvendo neste xogo de persoas adultas que é o teatro, fannos descubrir como as decisións que se tomaron, e o medo e a rebeldía, marcan o seu destino.

Paula Carballeira (Maniños, Fene, 1972) é licenciada en Filoloxía e cun curso de Especialización en Arte Dramática, narradora oral profesional desde 1994, actriz, directora e escritora. Candidata dous anos consecutivos ao Astrid Lindgren Memorial Award, ten unha ampla produción literaria en narrativa e teatro, aínda que tamén escribe poesía e ensaio. Moitos dos seus libros foron premiados e traducidos a diferentes idiomas. Como actriz, é membro da compañía teatral Berrobambán desde 1996 e participou en varias series e programas da Televisión de Galicia. Como dramaturga recibiu o Premio Nacional de Literatura Dramática no ano 2023 por "As alumnas", publicado en Editorial Galaxia, onde tamén publicou "Daniel no peirao" (2023), un texto de teatro infantil arredor dun episodio da infancia de Castelao, ademais de "Nunca mascotas" (2016), "O lobishome de Candeán" (2012) e "As outras historias" (2011), entre outros.

Nota biográfica da autora na páxina web da Editorial Galaxia. Para consultar a información completa dos seus libro, preme aquí.

Relato e fotos da nosa viaxe ao 25 de abril

Xov, 02/05/2024 - 15:54 — IES A Sangriña

Visita 25 abril Portugal IES A Sangriña

Entre os pasados días 24 e 28 de abril, o departamento de Portugués programou unha das súas grandes viaxes deste curso. O alumnado de 1º de Bacharelato de Lingua Portuguesa desprazouse a Lisboa para participar nos actos conmemorativos do 50 aniversario do 25 de abril. Gozamos do espectáculo de luz e cores na Praça do Comércio, presenciamos o desfile do exército (cos capitáns de abril a empregar material da época), cantamos o Grândola a meia noite no Largo do Carmo e participamos no desfile/manifestación  na Avenida da Liberdade.

Ademais, visitamos algúns dos atractivos turísticos máis importantes de Lisboa, como o Panteão Nacional, o Mosteiro dos Jerónimos, a Torre de Belém ou o Estadio dos Belenenses. Chegamos até a visitar o subsolo da cidade, entrando no Reservatório da Patrialcal e na Galeria do Loreto. Durante a nosa visita, prestamos tamén moita atención, aos vestixios da presenza de emigrantes galegos/as en Lisboa e deleitámonos con comidas tradicionais de diferentes países lusófonos, pois comemos en restaurantes caboverdianos, brasileiros e mozambicanos e degustamos os deliciosos pastéis de Belém. 

O Quake, simulador do terremoto de Lisboa, fixo as delicias da rapazada e a viagem complementouse coa visita á praia de Parede, en Cascais, e á cidade do Barreiro, na marxe sur do río Douro.

A continuación, publicamos en pdf algunhas fotografías desta viaxe:

María Reimondez fala con nós sobre "Corredora" e "Cobiza"

Xov, 02/05/2024 - 14:24 — IES A Sangriña

María Reimondez IES A SANGRIÑA

O pasado luns día 29 de abril visitou o noso centro a escritora María Reimóndez para conversar co noso alumnado de 1º de ESO e de 1º de Bacharelato, que neste ano académico leron dous dos seus libros, "Corredora" e "Cobiza".

  • En "Corredora", cóntasenos ahistoria de Genet Mullugueta, que naceu nunha aldea de North Wolloh en Etiopía. Dende noviña o que máis lle gustaba era correr e correr polo ventre da montaña. Mais a fame, a guerra e a figura do pai obrígana a acompañar a súa nai e a pedir esmola polas rúas inseguras e caóticas de Addis Abeba.
  • "Cobiza" é unha apaixonante novela de ciencia ficción feminista que foi merecedora do I Premio Pinto e Maragota á diversidade sexual e de xénero organizado polo Concello de Pontevedra e Xerais. Forma parte dunha triloxía da que, en 2023, saiu xa a segunda parte "Multitudes".

María Reimóndez (Lugo, 1975) é tradutora e intérprete de profesión e feminista por convicción. Conta cunha ampla lista de títulos, dende a poesía ao ensaio, pasando pola narrativa. Como poeta destaca "Galicia en bus" (2018), co que gañou o Premio de Poesía Johán Carballeira, e en ensaio, a obra "Feminismos" (2013), en coautoría con Olga Castro, E "A casa do amo" (Xerais, 2024). Como narradora para o público mozo destacan "Usha" (2006); "Corredora" (2017); "Fóra do normal" (2018), Premio Agustín Fernández Paz; "A formiga destemida" (2020), "Bárbaras!" (2021) e "Furia", Premio Jules Verne 2023. Para persoas adultas, "O club da calceta" (2006), Premio Arcebispo Xoán de San Clemente 2007, traducida ao castelán, italiano e francés e adaptada á escena e ao cine ou as novelas do Ciclo dos Elementos: "En vías de extinción" (2012); "Dende o conflito" (2014), Premio Xerais de Novela; "A música dos seres vivos" (2015); "As cousas que non queremos oír" (2017) e "As estacións do lobo" (2019). Na colección Milmanda publicou "Cobiza" (2021), I Premio Literario Pinto e Maragota á diversidade sexual e de xénero e "Multitudes" (2023).

Nota biográfica da autora na páxina web de Edicións Xerais. Para consultar a información completa dos seus libros, preme aquí.

O IES A Sangriña recibe mensaxes procedentes doutros mundos

Mér, 01/05/2024 - 08:46 — IES A Sangriña

portugues sangriña

O alumnado de portugués do IES A Sangriña tivo a honra de recibir unha “misión especial” procedente do IES Poeta Díaz Castro de Guitiriz. Ambos os centros realizarán contactos entre eles con escolas doutras latitudes (Cabo Verde, Brasil, Timor Leste, Portugal...), co obxectivo de estabelecer un primeiro contacto. As caixas van cheas de mensaxes e obxectos en que os/as estudantes mostran aquilo que consideran máis representativo dos seus lugares de orixe, da maneira en que o fixo a NASA coa súa sonda Pioneer 10. De Guitiriz obtivemos un exemplar da revista da Asociación Xermolos, adhesivos e marcadores feitos polo propio alumnado cos logotipos do Clube da Capivara e unha camiseta oficial do Clube. 

O galego continúa a levarnos lonxe!

Distribuir contido


by Dr. Radut