Como actividade final dun amplo traballo realizado no Proxecto Competencial de 3º de ESO sobre as Culturas do Mundo, o alumnado organizou na última semana do trimestre unha interesante xornada gastronómica, á que incluso algún pai se sumou, o cal desde aquí queremos agradecer.
O proxecto consistiu nunha investigación sobre diferentes lugares escollidos, os cales incluían os países de procedencia de parte do noso alumnado, como Brasil, Marrocos, Australia, Portugal ou Galicia. Deste xeito, elaboraron diferentes murais, expostos no vestíbulo do centro, nos que recollen información cultural, gastronómica e turística dos lugares investigados. Parabéns ao alumnado participante e ao Departamento de Música por esta actividade tan bonita que pon en valor a nosa diversidade e estreita lazos entre o alumnado da nosa comunidade.
