Normalización Lingüística

O EDLG promove o cinema en galego

Sáb, 16/12/2023 - 21:28 — IES A Sangriña

Cinema en galego

O Equipo de Dinamización da Lingua Galega do IES A Sangriña está a levar a cabo unha campaña de promoción de filmes aos que o alumnado pode acceder no noso idioma en diferentes plataformas como Netflix, Amazon Prime, RTVE Play, Filmin ou a propia web da TVG.

Os filmes están a ser divulgados cun grande mural ubicado no vestíbulo do centro onde se penduran carteis de elaboración propia que inclúen unha imaxe da película e unha breve sinopse. Ademais, estes mesmos materiais están a ser difundidos diariamente nas redes sociais do EDLG (tedes a ligazón ao Instagram nunha icona na marxe dereita desta web).

Boa parte dos contidos poden localizarse tamén na web https://pipocas.amesa.gal da Mesa pola Normalización Lingüística, repositorio que vos convidamos a visitar.

Actividades do Equipo de Dinamización da Lingua Galega

Sáb, 09/12/2023 - 20:46 — IES A Sangriña

Actividades EDLG novembro 2023

Compartimos con vós algunhas fotografías das diferentes actividades organizadas durante o último mes polo Equipo de Dinamización da Lingua Galega e o Departamento de Lingua Galega.

Luís "O Caruncho" impartiu no noso centro un fantástico Obradoiro de Regueifa, no que participou o alumnado de 2º de ESO. Entregáronse os premios do III Certame de contos de misterio e terror. QUEN DIXO MEDO!!! e o alumnado celebrou o magosto cunha xornada lúdica onde ademais de comer as castañas que tan ben nos preparou o alumnado do ciclo de Mantemento de Vehículos todos e todas gozaron de practicar unha grande variedade de xogos populares.

LETRAS GALEGAS 2023

Xov, 11/05/2023 - 09:03 — IES A Sangriña

1 adxunto

OS MAIOS

Xov, 04/05/2023 - 22:25 — IES A Sangriña

Neste vídeo queremos compartir con vós a celebración da festa dos Maios no IES A SANGRIÑA do ano 2023. Alumnos e alumnas de 1º de ESO puxemos un grande maio no instituto e un panel informativo. Despois fomos visitando todas as aulas do centro para poñer un maio en cada porta. O vídeo acompáñase do poema de Curros Enríquez "O Maio", musicado por músicos galegos para un proxecto do Consello da Cultura Galega. Os textos son de orgullogalego.gal.