Skip to Content

Inglés

Apartado do departamento de Inglés

Urban Art Projet: vídeo final

Ven, 23/06/2017 - 15:14 — IES A Sangriña
16/06/2017 12:20
Etc/GMT+1

O proxecto Urban Art Project, que involucrou ao alumnado de 3° de ESO A e aos Departamentos de Música, Plástica e Inglés durante mais dun trimestre, acaba de concluír co produto final, que, como sabedes, consistía na realización dun vídeo promocional da nosa vila.
Podedes ver o vídeoclip e algunhas imaxes da súa realización en diferentes localizacions da Guarda.
O pasado venres dia 16 tivo lugar no centro a presentación do videoclip coa asistencia do alcalde da Guarda, Antonio Lomba, e mais a concelleira de Cultura, Elena Baz.
Este proxecto superou todas as expectativas e tanto o instituto como o concello -os cales o apoiaron desde o comezo- amosáronse plenamente satisfeitos.
Queremos agradecer a Brais Martínez a súa colaboración na realización do vídeo, e a Nadia Vázquez a súa achega como gaiteira.
Parabéns a todas e todos os que fixestes posible este proxecto.

Urban Art Project

Lun, 24/04/2017 - 10:51 — IES A Sangriña
21/04/2017 10:00
Etc/GMT+1

Urban Art Project é un proxecto interdisciplinar da Sección Bilingüe de 3º ESO do IES A Sangriña, coordinado polos profesores Beatriz Nuñez (Plástica), Alfredo Garrido (Música) e Rosana Moreira (Inglés). Ten como obxectivo implicar o alumnado na vida económico-social da súa vila a través da arte. O proxecto comprende a elaboración dun grafitti mural de benvida á Guarda e un vídeo promocional da vila, para o cal o centro conta coa axuda de Brais Martínez Villa.
No proxecto, contamos tamén coa colaboración da Concellaría de Cultura do Concello da Guarda.

Un proxecto con varias fases.

Agora, coa realización deste mural, completamos a primeira fase. Coa elaboración do graffiti completamos a primera fase do proxecto, que tivo o seguinte proceso: primeiro visitamos a ruta dos graffitis en Vigo "Vigo, cidade de cor". Acompañounos o artista Ramón Trigo, que lle explicou ao alumnado todo o proceso creativo do seu mural. O seguinte paso foi un encontro no noso centro coa concelleira de Cultura, Elena Baz, quen lle explicou a rapazas e rapaces participantes a importancia deste proxecto para o Concello e animounos a traballar con ilusión.
Agora, coa realización deste mural, completamos a primeira fase do proxecto. 

A Guarda sen plásticos (manequín challenge)

Mar, 21/02/2017 - 22:57 — IES A Sangriña


Este manequín challenge forma parte do Proxecto Interdisciplinar de 1º ESO: "A Guarda sen plástico" onde traballan os Departamentos de Inglés, Matemáticas, Plástica e Bioloxía conxuntamente. Foi producido polo alumnado de 1º ESO coa axuda de Maria José Saborido, Beatriz Núñez, Pablo Gaiteiro, Sandra Santos e Xoana Alonso. Tamén axudou o persoal da cafetaría: Javi e Tamara.

O proxecto está dividido en tres fases:

  1. Formación do alumnado sobre o uso dos plásticos e os efectos no medio, que se desenvolveu no primeiro trimestre.
  2. Realización dunha enquisa e análise matemático das respostas, que se está a levar a cabo esta mesma semana no centro.
  3. Interpretación e publicación dos resultados por distintos medios. Comparación entre os resultados da nosa enquisa e os resultados das enquisas doutros institutos europeos. Farase durante o terceiro trimestre.

Dentro do proxecto, creouse un TwinSpace en eTwinning. Este portal europeo permite a grupos de estudantes de toda Europa estar en contacto con estudantes doutros países para facer traballos xuntos. Neste caso, estamos en contacto con un instituto de Sassuolo (Italia) e outro de Kutaisi (Georgia) cos que imos comparar os resultados da enquisa.

The Big Challenge

Ven, 17/06/2016 - 13:52 — IES A Sangriña

O noso alumnado vén de participar no concurso estatal The Big Challenge, no que obtivo moi bos resultados, incluso algúns grupos acadaron os primeiros postos provinciais. Elsa Vázquez, de 4º ESO A, foi a ganadora provincial do seu nivel.

The Big Challenge é un concurso estatal que vai dirixido ao alumnado de Secundaria e no que poden participar todos os centros de ensino de España que teñan o inglés como lingua estranxeira. A data é a mesma para todos os centros participantes. A proba consiste en 54 preguntas tipo test cunha única resposta correcta entre catro posibilidades, e comprende cuestións de vocabulario, gramática, pronunciación e civilización (cultura xeral de Estados Unido e Gran Bretaña). Cada nivel ten un cuestionario específico e tense que responder en 45 minutos.
O principal obxectivo deste concurso é favorecer a aprendizaxe do inglés a través dunha actividade lúdica de carácter pedagóxico.

 Na imaxe, un dos grupos participantes coas súas profesoras.

Distribuir contido


by Dr. Radut