Francés

Departamento de Francés

Le tour du monde de Nellie Bly

Lun, 13/03/2023 - 00:48 — IES A Sangriña

O pasado xoves 2 de marzo o noso alumnado de francés tivo a ocasión de asistir no centro cultural de Beade e da man de BHM Producións á peza de teatro “A volta ao mundo de Nellie Bly”, baseada na propia novela A volta ao mundo en 80 días de Xulio Verne. Puideron gozar desta famosa historia novelesca en formato dramático e, grazas á montaxe do escenario, puideron percorrer virtualmente o mesmo periplo do propio Phileas Fogg en 1872. Velaquí algunha mostra visual desta experiencia cultural e xeográfica tamén.

Reunión do alumnado da viaxe a París.

Lun, 09/12/2019 - 12:52 — IES A Sangriña

Alumnado do centro obtivo o DEPLE e o DELF (B1)

Lun, 24/06/2019 - 11:21 — IES A Sangriña

Este curso, algunhas alumnas e alumnos de Portugués e Francés, animados polo profesorado que imparte estas materias, presentáronse ás probas libres para obter o B1.

Os alumnos Alex Rodríguez Guisantes, David Domínguez Vasconcellos, Miguel Moreira Rodríguez, Alberto Romeu García e Raúl Méndez García acudiron este curso acompañados polo seu profesor Alberto Viso Outeiriño aos exames libres. Superaron con moito éxito as probas do Instituto Camões, Universidade de Lisboa e o Ministéiro de Negócios Estrangeiros de Portugal para a obtención do DEPLE, equivalente ao B1 no marco de referencia europeo para o coñecemento de linguas estranxeiras. As notas dos nosos rapaces estiveron entre o notable e o sobresaliente.

Asemade, examináronse por libre do DELF, proba equivalente ao B1 de lingua francesa, Víctor Adrover Amado, Gonzalo Español Alonso, Claudia Gómez Lomba, Diego Lima González e Sandra Martínez Alonso, acompañados pola súa profesora Rosalina Domínguez Muíños, quen os preparou durante o curso para este exame.

Muitos parabéns e félicitations a este grupiño de alumnas e alumnos! E, por suposto, tamén aos seus profesores Alberto Viso e Rosalina Domínguez, quen prepararon e acompañaron a este grupiño de rapazas e rapaces!

Na foto, o alumnado no exame de francés.

Viaxe cultural a Francia

Lun, 03/06/2019 - 13:08 — IES A Sangriña

O Departamento de Francés do IES A Sangriña, en colaboración co Departamento de Francés CPI Suárez Marquier do Rosal, organizou unha viaxe didáctica a Francia, en abril deste curso 2018-2019, na que participou alumnado de 3º e 4º de ESO, e 1º de Bacharelato.

Saíron na noite do 4 de abril, durantes os dous primeiros días visitaron Bordeaux. Polo camiño pararon tamén en Poitiers e Tours, para coñecer un pouco de cada vila. E finalmente remataron en París. Levaban unha axenda ateigada de visitas ben interesantes: un percorrido nocturno pola cidade, visitaron o Museo do Louvre, a catedral de Notre-Dame, o Palais de Luxembourg, a Sorbonne, o Quartier Latin, Trocadero, a Torre Eiffel, o centro Pompidou, Montmartre, o Sacré-Coeur e demais lugares históricos e culturais, realizaron un paseo en barco polo Sena e incluso puideron pasar un día en Disneyland París.

A primeira fotografía foi tomada en Bourdeaux, as seguintes en París.