Skip to Content

Mellora da competencia Comunicación Lingüística

Contratos programa: Mellora da competencia Lingüística

Mar, 23/06/2020 - 12:24 — luis

Dende o Departamento de FOL a tarefa que desenvolvemos co alumnado da optativa Iniciación á actividade emprendedora e empresarial de 4º da ESO consistiu en traballar a oralidade á vez que se coñecían e se poñían en práctica ferramentas de procura de emprego.

A tarefa consistiu en que o alumnado buscase nalgún portal de emprego da rede unha oferta de traballo relacionada cos seus intereses profesionais. Posteriormente, debía de obter un pantallazo de devandita oferta e subila á aula virtual.

Coa axuda de videotutoriais a profesora facilitoulles instrucións sobre como redactar unha carta de presentación adaptada a unha oferta de traballo concreta. Igualmente, a profesora proporcionoulles uns enlaces onde podían atopar diversos exemplos de cartas de presentación para tomar como referencia.

Unha vez redactada a carta de presentación debía de ser subida á aula virtual a través do correspondente buzón de entrega.

Finalmente, tras traballar preguntas tipo e respostas adecuadas nunha entrevista de traballo tipo, pedíaselle ao alumnado que simulase o rol de ser entrevistador e entrevistado en relación a devandita oferta e que gravase en audio as preguntas e respostas que suscitaría e respondería no seu caso.

Fotos da execución da tarefa:

Contratos programa: Competencia Lingüística

Ven, 19/06/2020 - 12:43 — luis

Tal como temos anunciado nunha entrada anterior, durante a primeira semana do mes de xuño levamos a cabo, dentro do proxecto Contratos Programa da Xunta de Galicia, diferentes obradoiros de Regueifas para mellorar a competencia lingüística do noso alumnado.

Nesta ocasión, o regueifeiro Quique Estévez foi o encargado de impartir os obradoiros, vía telemática, para o alumnado de 2º, 3º e 4º ESO. O alumnado de 1º non puido gozar desta clase práctica de oralidade por problemas coa conectividade da aplicación WEBEX.

Quique Estévez despois de explicar brevemente que é unha regueifa, a súa orixe, as diferentes melodías que existen para cantar regueifas, as distintas variantes de improvisación no mundo, deunos algúns trucos para comezar a compoñer regueifas.

Ao rematar o obradoiro e como tarefa práctica de desenvolvemento de regueifas, o alumnado compuxo algunha estrofa seguindo certas pautas como determinadas palabras ou algún verso que tiñan que incorporar nas súas coplas.

Deixámosvos algunha fotografía dos obradoiros, así como exemplos de regueifas cantadas polo alumnado e nalgún caso coa participación de familiares.

Contratos programa: Competencia Lingüística

Mér, 10/06/2020 - 09:32 — luis

Para acadar os obxectivos que nos marcamos de mellorar a comunicación oral e promover a autoestima e a seguridade de todo o alumnado da ESO á hora de falar en público levarmos a cabo, ao longo de todo o curso, tanto na aula de xeito presencial, da que fomos dando boa conta, como a partir de abril, de xeito telemático, diferentes exposicións orais e oratoria improvisada nas materias lingüísticas de castelán e galego.

Deixámosvos, como mostra, algúns collages do alumnado da ESO e algúns vídeos para observar a mellora que foi acadando o noso alumnado.

 

Contratos programa: Competencia Lingüística

Dom, 31/05/2020 - 11:41 — luis

Dentro do proxecto Contratos-Programa 2019-2020 para seguir adquirindo destrezas que melloren a competencia lingüística do noso alumnado levaremos a cabo, durante a primeira semana de xuño, diferentes obradoiros de REGUEIFAS, concretamente co alumnado de 2º, 3º e 4º ESO, xa que co alumnado de 1º ESO estamos a ter problemas coas aplicacións de videoconferencias.

Os obradoiros desenvolveranse de xeito telemático dada a situación que estamos a vivir.

Animámosvos a que participedes. Iremos pendurando algunha fotografía que dea conta do ben que o pasaremos.

Contratos programa: Mellora da competencia lingüística

Mar, 26/05/2020 - 00:00 — luis

Seguimos traballando a oralidade durante estes días de pandemia para que o noso alumnado se sinta cada vez máis seguro falando en público.

Desta volta, en colaboración co Club de lectura Papel e tinta do noso instituto,  tiveron que converterse en booktubers por un día. Escolleron un libro de lectura e falaron del, animando ao resto de compañeiras e compañeiros a que o lesen.

Deixámosvos, como mostra, algúns booktubers do alumnado de 1º, 2º, 3º e 4º ESO.

 

Contratos programa: Mellora da competencia lingüística

Mér, 04/03/2020 - 01:00 — luis

Seguimos traballando a comunicación lingüística para que o noso alumnado vaia mellorando a súa autoestima e seguridade á hora de enfrontarse a falar diante dos seus compañeiros ou dun dispositivo de gravación (cámara, móbil, etc).

Durante o mes de febreiro, mes de Entroido, o alumnado de 2º ESO traballou o léxico da gastronomía e o texto instrutivo polo que tiveron que facer unha actividade denominada “As miñas dotes na cociña”, debían pensar nun prato ou sobremesa e elaboralo explicando cada un dos pasos dados para elaborar ese suculento manxar. Xa vedes que temos moita variedade para escoller: roliños de salchicha, sánwich vexetal e normal, ovos recheos e de sobremesa: biscoito, filloas, madalenas, flan de ovo e  rosquillas.

Que fame!!!!

Moitas grazas tamén ás familias pola súa colaboración e a súa axuda á hora de realizar esta tarefa.

Deixámosvos, como mostra, algúns vídeos do alumnado de 2ºESO.

Imos mellorando, aínda que, en ocasións, cómpre pasar máis tempo na cociña!!!

 

Contratos programa: Mellora da competencia lingüística

Ven, 20/12/2019 - 01:00 — luis

Co fin de mellorar a comunicación oral do noso alumando da ESO, explicámoslle unhas nocións básicas sobre a comunicación verbal e non verbal para que vaia tomando consciencia da importancia de controlar a voz, os xestos, a mirada, etc á hora de falar. O resultado foi moi positivo, aínda que temos algún/algunha rapaz/-a que ten moita vergoña e, de momento, non se atreve a que o gravemos. Agardamos que, pouco a pouco, vaia desaparecendo ese medo a falar en público.

Deixámosvos algúns vídeos do alumnado:

 

Distribuir contido


by Dr. Radut