Como hai políticos que cren que a nosa lingua non serve para ser científica, nos centros de ensino empeñámonos en demostrar que si. E resulta ben doado! 

Un ano máis, no noso centro decidimos dar o protagonismo ao alumnado de Diversificación para que fosen eles e elas quen demostrase que a ciencia pode explicarse en galego, converténdose en profesorado por un día. E que ben o fixeron!

 As experiencias xiraron arredor da luz e da óptica.

     Ver Fotos

Como xa ven sendo tradicional, o pasado mércores 9 de abril de 2015 o alumnado de 1º de Bacharelato da modalidade  de Ciencias e Tecnoloxía visitou o parque eólico de Sotavento, situado na Serra da Loba. Nesta visita puideron afianzar os seus coñecementos de física e tecnoloxía acerca das enerxías renovables. 

Como en anos anteriores, fomos recibidos e moi ben atendidos polo persoal deste parque, que é moito máis que unha central de produción de enerxía eléctrica, senón que funciona como unha aula divulgativa das vantaxes das fontes de enerxía renovables e de promoción de condutas sostibles e respetuosas co medio, tan necesarias para fomentar na cidadanía un consumo enerxético responsable.

Esta actividade estivo organizada polos departamentos de Física e Química, Bioloxía e Tecnoloxía

O día 8 de xaneiro o alumnado do bacharelato científico puido iniciarse nun dos campos da física no que máis se está a investigar na actualidade: a Física Nuclear. Foi grazas ao profesor Héctor Álvarez Pol da Facultade de Física da USC, departamento de Física de Partículas, que se achegou ao noso centro para impartir a conferencia que levaba por título: Do corazón da materia ao interior das estrelas. Nela o alumnado do bacharelato científico puido viaxar desde o máis pequeno da materia (os núcleos atómicos) ata o máis grande (as estrelas), coñecer como se formaron os elementos da Táboa Periódica e entender o fenómeno da radioactividade.

Agradecer ao profesor Héctor Álvarez a charla amena e didáctica que nos impartiu. Foi un pracer.

No seguinte arquivo adxunto podedes consultar os criterios de cualificación e a forma de organizarse a materia de Física de 2º de Bacharelato.

No seguinte arquivo adxunto podedes consultar os criterios de cualificación e a forma de organizarse a materia de Física e Química de 1º de Bacharelato.

O pasado luns día 12 de novembro estivemos visitando a Escola Técnica Superior de Enxeñeiros de Minas e a Escola de Enxeñería de Telecomunicación da Universidade de Vigo. A visita estivo organizada polos departamentos de Tecnoloxía e Física e Química e orientada para o alumnado de 4º da ESO.

Na visita mostráronnos diversos laboratorios e explicáronos algo sobre os proxectos que alí se realizan. Ademais o alumnado recibiu información sobre as titulacións que se imparten nestes centros e das tarefas que realizan os estudantes cando rematan as súas titulacións.

Máis información nos arquivos adxuntos

Os alumnos que cursan a materia de Física de 2º de Bacharelato realizaron o venres 21 de xaneiro unha visita á Facultade de Física da Universidade de Santiago para contemplar a exposición “Desentrañando os misterios do Cosmos coa Física de Astropartículas”.

 Alí, nunha visita guiada que durou algo máis dunha hora, profesores da facultade explicaron aos alumnos do IES Laxeiro cales son as principais liñas de investigación que se están desenvolver actualmente para desentrañar os misterios do Cosmos e en cales ten participación directa a Universidade de Santiago, como por exemplo a investigación de raios cósmicos e de neutrinos procedentes do espazo. Tamén visualizaron un vídeo documental sobre un proxecto que se está a desenvolver nun centro detector de raios cósmicos situado na Pampa Arxentina e no que a facultade de Santiago ten participación.

O pasado xoves día 4 tivo lugar o Día da Ciencia e da Tecnoloxía en galego, xornada de promoción da Ciencia galega e, sobre todo, de reivindicación para que se permita que as materias de matemáticas, física e química e tecnoloxías poidan ser impartidas en galego.

No IES Laxeiro, gracias ao traballo conxunto dos departamentos de Bioloxía e Xeoloxía, Física e Química, Matemáticas e Tecnoloxía,  organizáronse varias actividades para celebrar esta xornada.

O pasado venres día 3 de abril dous alumnos de 2º de Bach A, Xosé López e David Barreira, asistiron en Santiago a unha Masterclass en Física de Partículas. A xornada tivo lugar na Facultade de Física da Universidade de Santiago de Compostela e foi organizada polo Instituto Galego de Física de Altas Enerxías e pola Organización Europea para a Investigación Nuclear (CERN).