IES María Casares

A consulta da listaxe provisional de persoas admitidas poderá realizarse de dúas formas:

 Presencialmente: Única e exclusivamente no taboleiro de anuncios situado no interior do edificio escolar.

• Non presencial: Única e exclusivamente a través da aplicación admisionalumnado empregando a Chave365 ou certificado dixital da Fábrica de Moneda y Timbre.

 Prazo para formular reclamación ante o Consello Escolar: 5 días hábiles contados a partir do seguinte ao da súa publicación(do 26 abril ao 3 de maio)

Esta fin de semana (19-21 abril) no Palacio de congresos e exposicións "Adolfo Suárez" de Marbella máis de 80 estudantes de toda España competiron na liga Junior Esports.

O IES María Casares estivo representado polo equipo Referéndum formado por Sebastián López Ferreiros, Ángel e Jaime Ortega Piñón, Francisco Gómez Pazos e Mario Caramelo Méndez acompañados do profesor Andrés Lariño Lago.

Referéndum conseguiu un pleno de vitorias o que os leva a ser os campións na súa categoría, esta vitoria serve para quitar a espiña da final de fai dous anos celebrada en Madrid.

Parabéns a todo o equipo, que abandona o centro este curso para continuar a súa formación académica.

Podes ver a retransmisión do evento en Twitch link aquí

Parabéns CAMPIÓNS!!

Recordamos ás familias que o vindeiro luns 22 de abril é un dos días de carácter non lectivo elixidos polo centro e aprobados pola Xefatura Territorial. 

O venres 12 de abril, o alumnado de 2º e 4º ESO asistiu a unha charla impartida pola matemática e profesora de estatística na UDC María Amalia Jácome Pumar.

Nela coñeceron a figura de Florence Nightingale, unha pioneira tanto da enfermaría moderna como da estatística, e que foi considerada como a persoa que máis vidas salvou na guerra de Crimea (1853-1856).

Tamén descubriron como é o traballo de investigación en estatística, e cal é a importancia que ten en áreas como a medicina, así como o recoñecemento que teñen as mulleres que están a levar a cabo eses proxectos.

O pasado 12 de marzo  o alumnado de 1º  de bacharelato de Economía e o de 2º de bacharelato de Empresa e Diseño de modelos de negocios asistiron no  noso instituto á conferencia "Empresa familiar nas aulas", organizada polo departamento de Economía grazas á colaboración da Asociación Galega da Empresa Familiar.

 Nesta ocasión, contamos con Bartolomé Pidal , presidente do Grupo Nortempo e Fundación que nos explicou a importancia do papel das empresas familiares no desenvolvemento do noso país. Tamén nos falou dos valores das empresas familiares e dos retos que se presentan para a súa continuidade.

Posteriormente o 14 de marzo a alumnado de 1º de bacharelato visitou as instalacións da empresa Nortempo, explicáronnos todo o traballo que se leva a cabo  nos distintos departamentos e o alumnado realizou unha práctica dun proceso de selección de persoal.  

Grazas a Bartolomé Pidal   e o personal de Nortempo por achegarnos a súa experiencia  e por toda a súa atención!