IES María Casares

O mércores 13 de decembro de 2023 o alumnado de 2º de bacharelato asistiu a unha charla de orientación no centro, impartida por Celso Rodríguez Fernández, dentro do programa “ A ponte”, da Universidade de Santiago de Compostela. (VER PRESENTACIÓN "A PONTE")

Nesta sesión de 2 horas,  recibiron información sobre a oferta e organización da USC, ABAU e proceso de admisión na Universidade en Galicia.
A actividade enmárcase dentro do Plan de Orientación Académica e Profesional do centro.

Unha das moitas cousas curiosas que ten María Casares é que na mesma semana podemos recordar o seu nacemento (21 de novembro) e o seu pasamento (22). Así é que este ano decidimos recordar a súa figura con dous actos.

Tivemos a inmensa honra de recibir no noso centro aos pintores Alfonso Costa e Isabel Pintado que nos comentaron e ilustraron con imaxes o proceso creativo da súa exposición "Escenarios da paixón. Homenaxe a María Casares".

Como eles mesmos recoñeceron, nese traballo creativo xogou un papel moi importante a poeta Eva Veiga, que tamén participou no acto lendo e comentando algún dos poemas que escribira para o catálogo da exposición.

Foi un momento dunha fondura e fermosura poco habituais nos centros de ensino. Alí falouse do poder transformador da arte, da palabra e, como non da poesía. Alí falouse do verdadeiro artista, inconforme con si mesmo e en continua evolución. Alí falouse de amor e de paixón.

No outro acto, o profesor Fernando Domènech glosou a intensa vida de María Casares nunha charla que resultou ben animada grazas as numerosas preguntas dos rapaces. 

O pasado 24 de outubro o alumnado de 4º ESO de Tecnoloxía e de Dixitalización visitou o MUNCYT. Nesta ocasión tiveron a  oportunidade de realizar diferentes prácticas cun equipo de
electrónica e realizar unha visita polas diferentes salas do mesmo.
Coñeceron algún dos inventores españois menos familiares para o público, subiron á cabina dun Boing 747 (neste caso o que trasladou a obra de Picasso, O Guernica, desde o seu exilio en Nova York a España), tamén vimos o deseño dun pequeno acelerador de partículas e mesmo un ordenador con válculas de vacío no lugar de transistores.

O pasado fin de semana celebrouse o Campionato de España de clubs sub14 en Torrevieja, donde tivemos representación de alumnado do noso centro co Club Atletismo Sada, obtendo a 6ª posición entre 60 equipos procedentes de todas as comunidades autónomas. Destacar a prata obtida por Hugo Zuluaga na proba de 1000 metros, e a boa participación das alumnas Martina Bujía, Daniela Mariño e Laura Ríos, que axudaron a acadar ese magnífico posto.

Moitas felicidades a todos, e a seguir adestrando!!

O pasado 3 de outubro un grupo de estudiantes do grao básico de electricidade tivo unha actividade de surf na praia de Bastiagueiro.

As condicións do mar eran boas para surfear, con olas grandes e a maioría atrevéronse a probalas, incluído o titor do grupo, José María.

Algúns conseguiron poñerse de pé á primeira e outros caeron unhas cuantas veces, pero a sensación xeral foi moi boa.

Desexando volver coller olas...