Ciencias Naturais, Ciencias Sociais, Cultura Clásica, Economía, Educación Física, Educación Plástica, Filosofía, Física e Química, Grego, Latín, Lingua Española, Lingua Francesa, Lingua Galega, Lingua Inglesa, Lingua Portuguesa, Linguas clásicas, Madeira, Matemáticas, Música, Orientación, Relixión, Tecnoloxía, Xeografia e historia

Xa comezou o campionato de xadrez do IES!

Dentro das actividades dos RECREOS INCLUSIVOS, intentamos ofrecer actividades adaptadas a todo tipo de intereses, para que todo o alumnado se sinta partícipe do centro. Con estas iniciativas buscamos a mellora da conviencia e a inclusión de todos e todas nos tempos de lecer. 

2º de Bacharelato é un curso complicado, con moita presión e tensión que repercute no estado emocional do alumnado. Por iso, no Ies de Melide contamos cun apoio externo que nos está axudando a xestionar o noso estado físico e mental.

Os alumnos e as alumnas de 2º de Bacharelato, tiveron a primeira sesión do programa Wellness Experiencia, a través do cal aprenderon a tomar conciencia do seu corpo e das súas sensacións, practicando tamén técnicas e estratexias de relaxación. 

O alumnado de 2º de Bach visitou esta semana a USC, dentro do programa A PONTE. Nesta viaxe a Santiago, coñeceron diferentes facultades segundo os seus intereses, podendo elexir entre 17 percorridos diferentes. 

Aberto o prazo de inscrición para a realización das probas de acceso ao Grao de Ciencias da Actividade Física e de Deporte da UDC. 

As probas terán lugar o día 22 de abril e o 20 de xuño e consistirán na superación de tres bloques:

 Bloque 1. Proba 1. Adaptación ao medio acuático.

 Bloque 2. (Ellexir unha) Proba 2. Proba de axilidade no chan. 

                                     Proba 3. Carreira con obstáculos.

                                     Proba 4. Proba de habilidade co balón.  

Bloque 3. Proba 5. Proba de resistencia cíclica.

 Para consultar os baremos das diferentes probas e máis información sobre o proceso, consultar este documento. 

Durante o pasado mes de novembro e parte de decembro, o profesor do departamento de música David Canoura, tivo a oportunidade de seguir un programa de formación do profesorado PIALE no Canadá xunto con outros profesores e mestres da xeografía galega. O programa deulle a oportunidade de traballar durante un mes nun centro da capital do país, o Canterbury High School de Ottawa, e convivir cunha familia local durante ese tempo.

A parte da inmersión na cultura e tradicións do país e da aprendizaxe da língua, o programa permitiu ao profesorado participante aprender do funcionamente do sistema educativo canadense e da didáctica específica da súa materia.

Para contarnos a súa experienca, teremos unha serie de conferencias nos próximos días no na Biblioteca do IES de Melide. O martes 17 e xoves 19 para profesorado e alumnado no recreo das 11:10 e o mércores 25 ás 18h para público xeral e veciñanza da comarca.

O alumnado de 3º de ESO participou nunha charla sobre o consumo e adicións dentro do Plan Proxecta QUÉROTE + no que participa o centro. 

O Ies de Melide participa no Plan Director, a través do cal a garda civil leva a cabo un programa de sensibilización nos centros educativos. 

Nesta ocasión, 1º e 2º da ESO tiveron unha charla sobre RISCOS DE SEGURIDADE NAS NOVAS TECNOLOXÍAS E REDES SOCIAIS e o alumnado de 3º e 4º da ESO e 2º de FPbásica, sobre os riscos do CONSUMO DE DROGAS E ALCOHOL. 

A asocación de mulleres con discapacidade de Galicia, ACADAR, visitou o noso Ies para falar co alumnado de todos os cursos da ESO sobre a igualdade de xénero, a violencia e a situación das mulleres con discapacidade. 

Desta forma, iniciamos o noso traballo de sensibilización para o 25 N, día Internacional da Eliminación da Violencia de Xénero.  

OUTONO XOVE é un programa que busca ofrecer actividades formativas e de lecer para a mocidade galega de entre 14 a 17 anos, durante as fins de semana  nos albergues xuvenís da Xunta de Galicia.

As actividades son variadas, dependendo do programa: manexo de dron, bicicleta de montaña, arte urbana, impresión 3D, orientación, xogos de escape, realidade virtual, xeolocalización, etc. 

O prezo é de 25 euros (desconto por ser familia numerosa) que inclúe a manutención de venres a domingo e o aloxamento. 

O prazo de inscrición está aberto. Non perdas a oportunidade!!

Para máis información preme aquí. 

O prazo para solicitar, en orde de preferencia e a través da aplicación NERTA, os graos universitarios do Sistema Universitario de Galicia, está aberto dende o día 21  ata o día 30 de xuño. 

Neste documento podes consultar as datas importantes de todo o procedemento de admisión e matrícula.

Moito ollo nos días dos chamamentos! Comezan o día 14 de XULLO!!