Ciencias Naturais, Ciencias Sociais, Cultura Clásica, Economía, Educación Física, Educación Plástica, Filosofía, Física e Química, Grego, Latín, Lingua Española, Lingua Francesa, Lingua Galega, Lingua Inglesa, Lingua Portuguesa, Linguas clásicas, Madeira, Matemáticas, Música, Orientación, Relixión, Tecnoloxía, Xeografia e historia

No Ies de Melide promovemos a innovación educativa, e dende o Departamento de Orientación queremos colaborar cun programa piloto de orientación académico profesional a través de medios dixitais. É un programa promovido pola Servizo de Inclusión, Orientación e Convivencia da Consellería de Educación. 

A través da realización de diferentes probas e tests de personalidade realizados a través dun ordenador ou dun dispositivo móbil, a aplicación informática elaborará un informe cun perfil de personalidade do alumnado participante, así como orientacións académicas e profesionais específicas e adaptadas as súas características. 

Nesta ocasión, será o alumnado de 4º da ESO o que participará neste programa innovador. 

                             Alumnado de 4º de ESO realizando a primeira parte da proba 

 Queremos convidar ás familias do alumnado do IES de Melide á próxima charla-obradoiro da Escola de Nais e Pais que terá lugar o luns 7 de febreiro ás 18:10 na biblioteca do instituto.

  Nesta ocasión trataremos o tema "Previr dificultades de aprendizaxe e desmotivación. Cómo guiar no estudo sen sobreprotexer" con Virginia Castro Crespo.

  Consideramos interesante abordar esta temática pois neste momento do curso escolar, moitos alumnos e alumnas síntense sobrepasados e desmotivados cara os estudos, comó acompañar e apoiar aos nosos fillos e fillas sen sobreprotexer, cómo identificar e previr as dificultades de aprendizaxe? Nesta sesión, intentaremos dar respostas a estas cuestións e outras que xordan.

 Enviaremos un tríptico informativo para que confirmen a asistencia. Tamén poderán facelo chamando ao IES.

PROBAS DE ACCESO A GRAO MEDIO: Para alumnado con 17 anos ou que os faga no ano da proba (2022), que non cumpran requisitos de acceso ao grao medio. 

- Prazo de solicitude: do 3 ao 16 de marzo

- Partes da proba: 

      PARTE SOCIOLLINGÜÍSTICA: Lingua Castelá, Lingua Galega, Ciencias Sociais

        PARTE MATEMÁTICA: Matemáticas

        PARTE CIENTÍFICO- TÉCNICA: Ciencas da natureza, Tecnoloxía

PROBAS DE ACCESO A GRAO SUPERIOR: Para alumnado con 19 anos ou que os faga no ano da proba (2022) e que non cumpran os requisitos de acceso ao grao superior. 

- Prazo de solicitude: do 31 de xaneiro ao 11 de febreiro

- Partes da proba:

       PARTE COMÚN: Lingua Castelá, Lingua Galega,  Matemáticas

        PARTE ESPECÍFICA: A) Economía da Empresa, Lingua Estranxeira e Filosofía

                                      B) Debuxo Técnico, Tecnoloxía Industrial e Física

                                      C) Ciencias da Terra e Ambientais, Química e Bioloxía

Para máis información deixamos aquí a orde da convocatoria : 

PROBAS DE ACCESO A GM E GS

 Este curso celebramos o Día do Peón, como ven sendo tradición no IES de Melide, e contamos coa participación do alumnado de 1º de ESO, entre os que había expertos e expertas xogadoras con habilidades extraordinarias para facer bailar os peóns que se repartiron entre os alumnos e alumnas do primeiro curso. Enmarcamos a actividade no programa de Recreos inclusivos que estamos a desenvolver este curso e que busca a integración do alumnado novo e a promoción dos xogos populares no ámbito escolar. 

O alumnado de 1º, 2º e 3º de ESO traballou sobre a inclusión das persoas con discapacidade gracias a colaboración da asociación AMARAI, ASOCIACIÓN DE PERSOAS CON DISCAPACIDADE DE ARZÚA E DA TERRA DE MELIDE. 

Dende o Departamento de Orientación recomendamos ter en conta este programa de educación non formal para a mocidade galega promovido pola Xunta de Galicia. 

O obxectivo é realizar actividades formativas e de lecer nos albergues xuvenís de Galicia nas fins de semana de novembro e decembro. 

Destinatarios/as: mocidade de 14 a 30 anos

Prezo: 25 euros 

Actividades: tiro con arco, escalada, obradoiros de cine, sendeirismo, astronomía, etc

 Consulta máis información aquí.

 Aproveita a oportunidade!!!

Ciclo de Madeira do IES de Melide 

1º PREMIO BOAS PRÁCTICAS DE EDUCACIÓN INCLUSIVA 2021

O Departamento de Madeira do IES de Melide acaba de recibir o 1º premio de boas prácticas de educación inclusiva 2021. No traballo obxecto do premio, o departamento de madeira recompilou os vocablos máis empregados nas aulas e realizou o glorasio de Linguaxe de Signos coa finalidade de facilitar a inclusión no ámbito educativo do alumnado con discapacidade auditiva.

Este glosario leva asociado un gran traballo de investigación que se desenvolveu grazas á colaboración do Ciclo de Madeira do IES de Melide co departamento de Lingua Galega e á intérprete de signos Lola Corzo García. Traballo que trascende ademáis o ámbito do ensino, pois foi moi ben recibido polo sector produtivo, pois ata o de agora non había ningunha recompilación de vocablos deste sector na Linguaxe de Signos e facilita a incorporación ó sector de persoas con discapacidade auditiva.

PARABÉNS 

https://www.observatoriodalingua.gal/gl/actualidade/nova/un-glosario-dixital-en-lingua-de-signos-sobre-carpinteria-realizado-polo-ies-de

https://www.lavozdegalicia.es/noticia/santiago/melide/2022/01/08/distinguen-glosario-signos-ciclo-madera-melide/0003_202201S8C8991.htm

https://www.elcorreogallego.es/galicia/oito-centros-de-ensinanza-galegos-reconecidos-pola-sua-educacion-inclusiva-JE10144915

 O Ciclo de Carpintería e Moble do IES de Melide pon en marcha un ano máis a poxa anual de mobles. Poden consultarse a continuación os mobles que saen a subasta no seguinte catálogo:

CATÁLOGO POXA MOBLES CURSO 2021-22

Se queres coñecer a relación entre a astronomía e a mitoloxía clásica, pincha nesta ligazón.