Orientación

A Xunta acaba de publicar a convocatoria das axudas para a formación en linguas estranxeiras para este verán 2024. Estas estadías terán unha duración de 3 semanas en diferentes países como Canadá, Reino Unido, Francia ou Portugal. 

Na axuda está incluído o seguinte: 

- As actividades, o monitorado acompañante, os gastos de docencia e material escolar, as actividades culturais e deportivas realizadas durante o periodo da formación, os gastos de mantemento e aloxamento e o seguro de accidentes e de responsabilidade civil. 

As persoas destinatarias son os alumnos e alumnas de 1º e 2º de bacharelato que cumpran os seguintes requisitos:

- Ter aprobado todas as materias do curso 22-23 e ter unha nota de mínimo 6 na materia de lingua estranxeira que queren perfeccionar. 

Para obter máis información ou facer a solicitude consulta esta ligazón ou consulta co departamento de orientación. 

Xa está publicada a convocatoria para a realización das probas de acceso a ciclos medios e superiores. Esta proba está destinada a persoas que non teñan o requisito de acceso ( a ESO ou o Bacharelato). 

As condicións para presentarse son as seguintes:

- Para acceso a ciclo medio: ter 17 anos ou cumplilos neste ano.

- Para acceso a ciclo superior: ter 19 anos ou cumplilos neste ano. 

A proba consiste en diferentes exames que inclúen as materias correspondentes ao nivel educativo. 

As datas para a inscrición na proba son as seguintes:

- Para acceso ciclo medio: 26 de febreiro a 8 de marzo.

- Para acceso ciclo superior: 29 xaneiro a 9 febreiro.

As datas de realización dos exames son as seguintes:

- Para acceso ciclo medio: 23 de maio.

- Para acceso a ciclo superior: 18 de abril.

 Para máis información pincha aquí ou consulta co departamento de orientación.

Publicado o calendario e inscrición nos ciclos de formación profesional (ciclos de grado medio, grado superior e para a fp dual). O prazo de presentación das solicitudes comprende dende o 23 de xuño ás 9:00 ata o 5 de xullo á 13:00. 

Para máis información consultar nesta ligazón.

Dende o Departamento de Orientación facilitamos o proceso, realizando a matrícula con vós para solucionar posibles incidencias. 

Publicada a convocatoria para a solicitude dunha praza nos centros residenciais docentes(CDR) de Coruña, Vigo e Ourense, para estudos postobrigatorios.

O prazo de presentación das solicitudes comeza hoxe día 7 de xuño e remata o 1 de agosto de 2023. 

Para máis información consultar a convocatoria na seguinte ligazón. 

A Universidade da Coruña e de Santiago de Compostela teñen aberto o prazo para solicitar as residencias universitarias públicas para o alumnado que vai cursar un grao universitario no curso 23-24. 

Para máis información consultar os seguintes ligazóns:

A CORUÑA   Convocatoria 

SANTIAGO   Convocatoria 

Para resolver calquera dúbida ou informarse sobre as residencias en calquera outra cidade, contactar co Departamento de Orientación. 

Recordamos que o prazo para solicitar as axudas para alumnado NEAE está aberto ata o 20 de setembro de 2023.

Estas axudas están destinadas a: 

- Alumnado que precisa determinados apoios e atencións educativas especiais derivas de discapacidade, de trastornos graves de conduta ou de trastornos da comunicación e da linguaxe asociados a necesidades educativas especiais. 

- Alumnado con TEA que require esas axudas e apoios educativos especiais. 

- Alumnado con necesidades específicas de apoio educativo derivadas de ALTAS CAPACIDADES. 

NOVIDADE DESTE CURSO: ofrécese a posibilidade de recibir un subsidio de cuantía fixa para gastos adicionais de carácter xeral.

Para realizar a solicitude e obter máis información prema aquí.

Os recreos inclusivos buscan ofrecer actividades variadas e diferentes para que todo o alumnado poida participar segundo os seus intereses. O clube de ganchillo triunfa nalgúns tempos de lecer entre alumnos, alumnas e profesorado. Aquí deixamos unha mostra!

O venres rematou o torneo de xadrez no Ies de Melide cunha final moi igualada! Durante dous meses o alumnado participou neste campionato para poñer a proba os seus coñecementos de estratexia. Pronto entregaremos os trofeos aos gañadores! 

Publicación das instruccións para o acceso e admisión nas ensinanzas profesionais de Artes Plásticas e Deseño. 

- As probas específicas de acceso, tanto para o grado medio como para o superior, terán lugar o 3 de xullo.

- O prazo de inscrición para esas probas comprende ata o 22 de xuño. 

Para máis información consultar a resolución.

Durante dous días, o Ies de Melide contou coa colaboración de máis de 20 profesionais de ámbitos e áreas diferentes, que explicaron a súa experiencia e deron os seus consellos ao alumnado de 4º de ESO e 2º de bacharelato. 

Aprenderon dunha psicóloga, dunha veterinaria, dun enxeñeiro industrial e dunha enxeñeira química, dun mestrE, dun preparador físico, dunha filóloga, de profesores dos ciclos da familia de administración e finanzas, de informática e de agraria, dunha educadora social, etc. Foron unhas xornadas moi completas e repletas de información!