You are hereOrientación
Orientación
Segunda sesión de "Wellness: aprende a sentirte ben".
O alumnado de 2º de bacharelato tivo a segunda sesión do programa Wellness: aprende a sentirte ben, para afianzar o que aprenderon sobre as estratexias para controlar a ansiedade e a relaxación de mente e corpo.
STOP ACCIDENTES no IES de MELIDE
No IES de Melide buscamos sensibilizar ao alumnado sobre a importancia da condución segura e sostible, libre de sustancias e de riscos innecesarios. Para iso, contamos unha vez máis, coa colaboración de STOP ACCIDENTES.
Nesta ocasión, o alumnado de 4º de ESO tivo unha charla de sensibilización sobre as condutas de risco ao volante, e o alumnado de 1º e 3º de ESO, sobre o uso seguro da bicicleta na vía urbana e semiurbana.
MEMORIAS DUN EX NAZI
A semana pasada o Ies recibiu a David Saavedra, autor do libro "Memorias de un ex nazi", para falarnos da súa experiencia e para sensibilizar ao alumnado de 4º de ESO, 1º de Bacharelato e FP, sobre os perigos da radicalización do pensamento.
CAMPAÑA DE VERÁN da Xunta de Galicia.
A xunta de Galicia publicou o programa de CAMPAMENTOS DE VERÁN para este ano 2023. Hai moitas e variadas opcións para desfrutar do tempo de lecer dunha forma saudable e no medio natural, facendo actividades como kaiak, windsurf, escalada, sendeirismo, tiro con arco, etc.
Para máis información pincha aquí ou aquí.
Bolsas EUROLINGUA venairlanda. Cursos de inglés en Irlanda.
Publicada a convocatoria para as bolsas para estudar inglés en Irlanda este verán 2023.
As persoas interesadas teñen que ter nacido antes do 31 de decembro do 2008 e solicitalas antes do 19 de abril.
Para conseguila, terase en conta a media do expediente académico (mínimo de 6) que valerá o 71% e os méritos, que son o 29%. Estes méritos consisten en:
- Proxecto, en inglés ou español coa temática " A importancia do inglés para viaxar"
- Test de motivación.
- Interese polo idioma, acreditado a través dunha carta de recomendación do profesorado de inglés.
Para obter máis información, pincha aquí.
DEIXA A TÚA PEGADA POLAS MULLERES DA TÚA VIDA
O alumnado do Ies de Melide conmemorou o 8 M a través de diferentes actividades ao longo do día. Aquí deixamos as creacións da materia de Plástica e o cartaz que fomos construíndo pouco a pouco entre todas: DEIXA A TÚA PEGADA POLAS MULLERES DA TÚA VIDA.
Sensibilización sobre os problemas de ADICIÓNS SEN SUSTANCIAS
A asociación AGALURE visitou o IES de Melide para sensibilizar ao alumnado de 4º de ESO e FP básica sobre os perigos das adicións sen sustancias. Falamos do uso, abuso e adición aos videoxogos ou ás apostas e sobre as alteracións comportamentais que implican.
Campionato de xadrez no IES de Melide.
Xa comezou o campionato de xadrez do IES!
Dentro das actividades dos RECREOS INCLUSIVOS, intentamos ofrecer actividades adaptadas a todo tipo de intereses, para que todo o alumnado se sinta partícipe do centro. Con estas iniciativas buscamos a mellora da conviencia e a inclusión de todos e todas nos tempos de lecer.
"APRENDE A SENTIRTE BEN, BASE DO BENESTAR EMOCIONAL"
2º de Bacharelato é un curso complicado, con moita presión e tensión que repercute no estado emocional do alumnado. Por iso, no Ies de Melide contamos cun apoio externo que nos está axudando a xestionar o noso estado físico e mental.
Os alumnos e as alumnas de 2º de Bacharelato, tiveron a primeira sesión do programa Wellness Experiencia, a través do cal aprenderon a tomar conciencia do seu corpo e das súas sensacións, practicando tamén técnicas e estratexias de relaxación.
Visita á Universidade de Santiago de Compostela (USC)
O alumnado de 2º de Bach visitou esta semana a USC, dentro do programa A PONTE. Nesta viaxe a Santiago, coñeceron diferentes facultades segundo os seus intereses, podendo elexir entre 17 percorridos diferentes.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- seguinte ›
- última »