ASÍ CELEBRAMOS O DÍA DE ROSALÍA DE CASTRO NO IES O MOSTEIRÓN...
Así celebramos o día de Rosalía no noso instituto... da man do Equipo de Dinamización Lingüística que guiou ao alumnado participante.
... E... que bonitiño quedou todo.
Noraboa!!!
O ALUMNADO DE 4º ESO VISITA O CITIC
Aquí podes ver unha reportaxe do CITIC sobre a visita do alumnado de 4º ESO do noso centro ás súas instalacións... a verdade é que desfrutaron un montón!!!
Reserva de prazas alumnado centro adscrito. Curso 24/25.
O número de postos escolares dispoñibles no centro de adscrición son suficientes para atender a demanda existente para o vindeiro curso 24/25: Todas as solicitudes foron admitidas.
¿QUERES COÑECER O NOSO CENTRO? XORNADA DE PORTAS ABERTAS.
¿QUERES COÑECER O NOSO CENTRO?
Desde o 15 de xaneiro ata o 5 de febreiro está aberto o prazo de solicitudes de admisión para centros adscritos.
Vén a visitarnos!!!
XORNADA DE PORTAS ABERTAS: Xoves 25 de xaneiro ás 18:30 h.
Instrucións para a reserva de praza en centros adscritos. CURSO 24-25.
Fase de reserva de prazas en centros de adscrición
De conformidade coa disposición adicional primeira da Orde do 12 de marzo de 2013 que regula o procedemento de admisión de alumnado en centros docentes sostidos con fondos públicos, o día 15 de xaneiro de 2024 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa.
As familias poderán cumprimentar as solicitudes de reserva de xeito manual ou a través da aplicación admisionalumnado no menú:
Solicitudes – Reserva – Crear
IMPORTANTE: Esta solicitude deberase presentar no centro educativo de orixe ou en calquera dos lugares que establece a Lei 39/2015, do 1 de outubro, do Procedemento Administrativo Común, incluída a SEDE ELECTRÓNICA, para o que se precisará de Chave365 ou certificado dixital, e sendo ésta a canle preferible de presentación.
- O prazo de solicitudes abranguerá do 15 de xaneiro ao 5 de febreiro do 2024, ambos incluídos.
- A consulta das listaxes de alumnado admitido, que se publicarán antes do día 22 de febreiro, debe realizarse no centro no que está matriculado no presente curso ou na aplicación admisionalumnado.
Normativa de aplicación
- Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
- Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).
- Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa e derroga o artigo 44 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).
Pódese descargar a solicitude no arquivo adxunto (en galego e en castelá).
Visita ao Parlamento de Galicia e á Xunta de Galicia
O 9 de xaneiro o alumando de 3º ESO visitou as Institucións do Parlamento de Galicia no Pazo do Hórreo e a Sede da Xunta de Galicia en San Caetano.
Patinaxe sobre xeo na Coruña....
Para celebrar o remate do primeiro trimestre e despois do esforzo feito por todo o alumnado... o 21 de decembro fomos desfrutar da patinaxe sobre xeo na pista instalada na praza de María Pita.
Digital Week-Peares 2023.
Na semana do 26 de novembro ao 2 de decembro, 22 alumnos/as de 4º ESO, acompañados da profesora da Sección Bilingüe de Física e Química, desfrutaron dunha inmersión lingüística en Inglés e afondaron en coñecementos relacionados coa creación de páxinas web, deseño 3D e robótica. Foi unha experiencia que lles fixo a tod@s saír da zona de confort pero da que troixeron vivencias inolvidables!!!
Festa de Magosto
Este luns día 30 de outubro pola tarde, terá lugar a festa do Magosto no noso centro. Para celebrar este evento faremos castañas asadas e unha actividade de Samaín organizada polo alumnado de 4º de ESO. Os cartos que se recaden con estas actividades destinaranse integramente á excursión de fin de curso de 4º.
Agradecemos de antemán a colaboración de toda a comunidade educativa.
Día de acollida familias-titores/as
O 25 de setembro terá lugar no noso centro o día de acollida para familias. Será as 18:00h para 1º e 2º de ESO, e as 18:30h para 3º e 4º. Agardámosvos a tod@as.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »