DESPEDIDA DA AUXILIAR DE CONVERSA.
O pasado mércores día 31 de maio despedimos á nosa auxiliar de conversa americana neste curso 2022/2023, Andrea Ochoa, que colaborou nas clases de Física e Química Bilingüe en Inglés. Ademais ensinounos o modo de vida e a cultura do seu país.
Desexámoslle o mellor nos seus plans futuros.
FONDO SOLIDARIO LIBROS DE TEXTO CURSO 2023-2024.
Prazo de presentación de solicitudes: Do 20 de maio de 2023 ao 21 de xuño de 2023 (incluído)
As solicitudes presentaranse preferiblemente por vía electrónica no formulario normalizado (Anexo I e II), dispoñible na aplicación informática "fondo libros" (https://www.edu.xunta.es/fondolibros), a través da sede electrónica da Xunta de Galicia (https://sede.xunta.gal).
Opcionalmente, poderán presentarse as solicitudes presencialmente no centro docente ou en calquera dos lugares e rexistros establecidos na normativa reguladora do procedemento administrativo común.
Aquí pode consultar a Orde que regula o procedemento.
Convocatoria Becas NEAE curso 2023-2024.
Aberto o prazo para solicitar Becas para Alumnado con Necesidade Específica de Apoio Educativo, convocadas polo Ministerio de Educación e Formación Profesional.
Prazo de presentación de solicitudes: desde o 8 de maio ata o 20 de setembro de 2023.
As persoas interesadas deben presentar a solicitude na secretraría do centro. Máis información no seguinte enlace: BECAS NEAE
Liñas de transporte e os mapas co percorrido.
Nos anexos tedes as tres liñas de transporte das que dispoñemos no IES O Mosteirón. Aparecen os mapas para visualizar os percorridos.
Así celebramos o día da Paz no Mosteirón...
O camiño que nos leva a acadar a Paz... así o fixemos no IES O Mosteirón. Grazas á colaboración do Departamento de Educación Plástica e Visual, ao Departamento de Tecnoloxía e a todo o alumnado participante.
Cartel Colaboración AACCEE Concello de Sada. Curso 22-23.
CONTACONTOS
Bo día,
o luns 12 o departamento de galego, inglés e biblioteca organizaron un contacontos galego-inglés para todo o alumando do centro.
Adxuntamos imaxes.
VISITA AS TÚAS INSTITUCIÓNS 28 OUTUBRO 3ºESO
Bo día,
O pasado venres 28 de outubro os alumnos de 3º ESO visitaron Santiago de Compostela, onde ademais da Catedral, coñeceron o Parlamento Galego e a Xunta de Galicia. Unha toma de contacto moi interesante dos poderes lexislativo e executivo da Comunidade Autónoma de Galicia.
Engadimos fotos da saída realizada:
MAGOSTO 24 OUTUBRO 2022
Bo día,
Subimos fotos da actividade do pasado luns 24 de outubro do Magosto celebrado no IES O Mosteirón.
Cada 1€ recadado por cucurucho de castanas vai integramente destinado como axuda para a viaxe de fin de curso do noso alumnado de 4º ESO.
Parabéns ao alumnado de 4º ESO pola organización e a todos pola vosa participación.
Fotos realizadas pola profesora Dª Natalia Veira Pol.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »