You are hereClub de lectura
Club de lectura
Club de Lectura: El señor del cero 09/05/2017
Nós, tamén camiñamos polas Matemáticas.
Os alumnos de 1º de ESO participaron nunha sesión do Club Debate para compartir o libro de Isábel Molina El señor del cero. Cristina, a profesora de Matemáticas, dinamizou a sesión na que descubrimos a historia do número cero e a súa importancia nas Matemáticas e nas nosa vidas.
Tamén a novela, a presentación e os breves vídeos proxectados serviron para reflexionar sobre a historia, os mosteiros medievais, a toleracia / intolerancia…
Foi unha sesión moi interesante e orixinal.
Club de Lectura musical
Resultou moi interesante a sesión do Club de lectura musical dirixida pola profesora de Música, Victoria.
A través dunha serie de pezas musicais, os participantes reflexionaron sobre as súas semellanzas e diferenzas, sobre as letras, as melodías.... A atención, a reflexión e a interrelacion de música, poesía e diálogo conseguiron unha interesante e orixinal sesión.
CLUB DE LECTURA. (14/02/2017)
Núñez Singala, autor do libro Instrucións para tomar café, foi un invitado de luxo no Club de Lectura para compartir connosco a súas opinións e moitas das súas vivencias e estratexias relacionadas co seu oficio de escritor. Foi unha sesión interesante e divertida.
Lectura de poesía o 31 de xaneiro
Club de lectura de poesía no que os participantes de 1º e 2º de ESO camiñaron pola poesía recitando, debatendo, cantando ou interpretando fermosos poemas escollidos por eles mesmos. Foi un encontro moi interesante e emocionante
20 de Decembro. Eu son Suleiman
A través de vídeoconferencia, os alumnos de 1º de BAC conectaron con Antonio Lozano, autor do libro Eu son Suleiman e cun mozo inmigrante de Mali que viviu experiencias moi parecidas ao protagonista do libro. Aproveitando recursos TIC e desde un enfoque integrador das linguas o alumnado de BACH do IES Saturnino Montojo e o do IES Punta Candieira de Cedeira compartiu os duros camiños dos migrantes.
Empregando o galego, o francés e o castelán refixemos o camiño de Suleiman, un camiño de sufrimento, de angustia e de morte, pero tamén un camiño cheo de esperanza e loita para conseguir o soño da dignidade, da liberdade e da xustiza social.
Reunión do clube de lectura sobre o libro O ferreiro da lúa chea
O martes día 22 de novembro tivo lugar na Biblioteca unha nova sesión do Club de lectura sobre o libro O ferreiro da lúa chea de Mª Isabel Molina. Participaron os alumnos de 1º de ESO e algúns profesores. A sesión estivo moi animada e transportounos ao Camiño de Santiago na Idade Media. Repetiremos , porque os libros abren camiños, e máis cando se comparten.
- « primeira
- ‹ anterior
- 1
- 2
- 3
- 4
- 5
- 6