Actividades

Despois de que xurdise este tema no Club de Lectura de Iridium, consideramos que tiña importancia suficiente para darlle unha volta máis nun faladoiro.

Houbo moita participación. A meirande parte do alumnado considera que, aínda que nun primeiro momento a imaxe que cada un transmite pode ser importante, finalmente son os valores, persoais e humanos, os que prevalecen.

Entre os participantes non había ningún que recoñecese ter unha especial obsesión pola imaxe e, en xeral, consideraban que na vida cotiá non os marcaba excesivamente.

Páxina completa

Despois do descanso de Nadal, tocaba reflexionar sobre un tema moi común nesta época do ano. Foi ilusionante plantexarse, con ánimo e bo humor, que queremos mellorar nas nosas vidas neste ano 2019 que comeza. Os propósitos foron ben variados:

• Mellorar nos estudos e nas cualificacións.
• Seguir sendo feliz.
• Colaborar coas tarefas da casa.
• Organizarse mellor e aproveitar ben o tempo.
• Non ter propósitos: vivir o presente, e xa está…

En fin, esperemos que se cumpran…

A última semana de clases tocaba reflexionar sobre o Nadal.

Coma sempre, tivemos moitos alumnos que compartiron e contaron que son para eles estas datas tan significativas.

Xurdiron temas como os dos agasallos, o consumismo excesivo, as reunións familiares, o descanso… Debatemos un pouquiño antes de desfrutar do Nadal.

É unha obra de doada lectura que permite reflexionar sobre diversos temas, entre eles, o tema da auga que traballamos no Proxecto de Dinamización, Vieiros de auga.

Por outra parte, supón un compromiso cos máis desfavorecidos, tanto na temática, como na finalidade de parte dos beneficios da venda da obra (Galaxia destínaos a UNICEF).

O alumnado leu con moito pracer a obra. Todos coinciden en valorar moi positivamente a novela.

Comentáronse con moito interese algunas das temáticas da obra e das particularidades da súa protagonista. Así, algúns dixeron que lles encantaría ter un ollo de cada cor, por exemplo.

Falou de súa experiencia vital como escritor, dos cambios na súa profesión, de xornalista a novelista.

Comentou a novela Denébola a roxa. Fixo unha defensa do feminismo a partir da obra: quería que Denébola fose unha muller forte e adiantada ao seu tempo. Precisamente chama a atención que nunha novela de piratas a protagonista sexa unha muller.

O alumnado de ALFIN de 1º de BAC visitou a Biblioteca Municipal da Praza de España.

Azucena Vizcaíno Fernández fixo un percorrido co alumnado no que se trataron as seguintes cuestións:

• Aproximación á necesidade da formación ALFIN na aula de Informática da Biblioteca.
• Funcionamento e finalidade da Biblioteca.
• As bibliotecas no século XXI.
• Actividades: clubs de lectura, club de cine, charlas científicas…
• Percorrido e explicación dos diferentes espazos e instalación.

Na fin da visita, que resultou moi amena e pedagóxica, os alumnos recibiron un pequeño agasallo.

Como en cursos anteriores, vivimos a formidable experiencia de compartir as vivencias na emigración con persoas que, a través de fundación ABANCA, nos contaron historias que nos apaixonaron.

O mellor de todo é o interese mostrado por ambas partes e a relación interxeneracional que se produce.

Como acontecera xa nos pasados anos, non nos chegou o tempo a nada. Trátase dunha actividade moi produtiva que nos encantaría repetir. 

Partindo da lei francesa que prohibe o emprego de teléfonos en centros escolares, os alumnos de 1º,2º,3º e 4º de ESO explicaron, con moito tino, os pros e contras da utilización libre dos móbiles nas escolas e institutos.

A participación do alumnado foi tan importante en número, que tivemos que continuar con este asunto en dúas sesións separadas máis (1º, 2º ESO/3º e 4º de ESO), para que todos puidesen dar a súa opinión.

Foi un éxito total. Esta actividade é unha das máis demandadas polo noso alumnado.

Este ano os alumnos de ALFIN de 1º de BAC colaboran coa elaboración das presentacións que se realizan nas xuntanzas, así como na divulgación da propia actividade.

14/11/2018 1º/2º ESO                                     20/11/2108 3º/4º ESO

Enfrontamos un novo e espiñoso tema co que o alumnado nos sorprendeu e sensibilizou coas súas opinións, reflexións e experiencias persoais.

Despois do desafogo e o relato dalgúns episodios vividos polos participantes, reflexionaron sobre o problema, as súas causas, as vías de solución…

Recoñeceron que para evitar este tipo de conflitos é preciso desenvolver a empatía cos demais, pero que, se se produce, é moi importante que o centro actúe adecuadamente e que as familias estean informadas e colaboren positivamente na resolución satisfactoria do problema.

Coma sempre, contamos coa axuda dos alumnos de ALFIN e aprendemos moito os uns dos otros. E compartimos e reflexionamos…