 |
O profesor de matémáticas deste centro Luís Puig Mosquera participou no acto académico da Real Academia de Ciencias de Galicia, celebrado en Compostela, co motivo do Día da Ciencia en Galicia. Neste acto rendeuse homenaxe como Científico Galego 2020 ao enxeñeiro Andrés Comerma. O catedrático de matemáticas Luís Puig, na súa conferencia "Andrés Comerma, un personaxe polifacético", glosou a figura do enxeneiro Andrés Comerma, autor do deseño e proxecto do dique da campá, no arsenal de Ferrol, un dos máis grandes do mundo na súa época. O acto estivo presidido polo presidente da Real Academia Galega de Ciencias, Juan M. Lema Rodicio, e polo presidente da Xunta de Galicia, Alberto Núñez Feijoo. |
