Segundo informa unha circular informativa de agosto, a consellería informa aos centros que o programa de gratuidade de libros mantense para a ESO neste curso 2009-2010. A primeiros de setembro o centro comunicará o procedemento para a tramitación da solicitude de libros.
Poden consultarse as convocatorias neste enlace e ler a circular na seguinte páxina.
INFORMACIÓN AOS CENTROS EDUCATIVOS A Consellería de Educación informa aos centros educativos das novidades no programa de libros de texto para o vindeiro curso escolar: A Consellería de Educación e Ordenación Universitaria aportará 180 € por alumno de familias con rendas baixas grazas ao novo sistema de axudas á compra de libros en centros públicos e concertados, que vai sustituír progresivamente ao mecanismo de préstamo vixente. O novo programa dotará ás familias de bolsas que cubrirán a compra en función do nivel da renda, asegurando axudas para as familias con menos recursos. A bolsa cubrirá a totalidade do gasto en libros para familias con ingresos de ata 5.400 euros anuais por persoa no fogar –ou ata 6.000 €, se a familia é monoparental- cunha axuda máxima de 180 euros por cada neno. Para as familias con ingresos entre 5.400 e 9.000 euros por persoa no fogar –ou entre 6.000 e 9.000 € no caso das monoparentais-, a Consellería garante unha axuda aproximadamente da metade do custo. Ademais, a bolsa será de ata 250 euros para o alumnado de Educación Especial, independentemente dos ingresos familiares. A convocatoria de solicitudes de bolsas sairá publicada este verán e abrirá un prazo durante o mes de setembro para que as familias soliciten as axudas nos centros educativos. A Consellería implantará un sistema de tramitación que non supoña un traballo adicional para os centros, do que se informará en canto se ultimen os detalles. Implantación progresiva O sistema de axuda á compra de libros comezará nos dous próximos cursos para 1º, 2º 5º e 6º de Primaria e Educación Especial, que son os niveis nos que o calendario fixaba a reposición total. No curso 2011-12 sumaranse 1º e 3º da ESO, para pasar a cubrir todos os niveis a partir do curso 2012-13. Polo tanto o programa actual de préstamo irá desaparecendo paulatinamente durante a implantación do novo sistema, polo que o vindeiro curso os alumnos de 3º e 4º de Primaria e os de Secundaria recibirán os lotes xa existentes nos centros no mes de setembro. Durante o mes de xullo sariá publicado no DOG a convocatoria de reposición para estes cursos nos que se mantén o préstamo o vindeiro curso, que será similar á de anos anteriores en canto a importes máximos. Santiago de Compostela, 26 de xuño de 2009 O DIRECTOR XERAL DE CENTROS E RECURSOS HUMANOS José Manuel Pinal Rodríguez
O BONO-BOCATA é un servizo da cafetería do centro que permite adquirir cinco medios bocadillos de 0,85€. Deste xeito as familias que o desexen poden organizar o 'bocata' de media mañán sen que os seus fillos teñan que manexar cartos, asegurándose asi mesmo de que fan unha dieta equilibrada e saudable.
Rógase ao alumnado de promocións anteriores dos Ciclos Formativos Superiores de Educación Infantil, Axencias de Viaxes e de Información e Comercialización Turística que o desexen, fagan chegar ao centro o seu curriculo actual para poderllo ofertar ás empresas que se poñen en contacto co centro.
Federico Pedreira Nores, alumno de 1º curso de Bacharelato do IES SOFÍA CASANOVA consegue o Primeiro Premio entre as 44 poesías presentadas ao concurso de Poesía Minerva 2009, convocado polo Colexio Peleteiro de Santiago coa súa triloxía "Pausas". Noraboa a Federico nesta a súa primeira incursión na poética.
