Vicedirección

Visita guiada á EXPONAV

Xov, 30/10/2014 - 06:54

Os alumnos de 1º da ESO xunto cos seus profesores de Educación Plástica e Visual e de Ciencias Sociais acudiron o martes 29 de outubro a visitar esta impresionante exposición museo adicada a presentar o apasionante mundo da construcción naval.

Coñeceron o desenvolvemento da arquitectura e da construcción dos buques e os materiais empregados así como diversos aspectos relacionados con esta materia: desde a evolución que sufriron as tecnoloxías e ferramentas, ata o momento más importante dun barco, o da botadura e a frotadura.

Foto ampliada

Visita WORKSHOP-REPSOL

Mér, 29/10/2014 - 07:34

O venres 24 o alumnado de 1º de bacharelato, xunto cos seus profesores da matemáticas, acudiron á Escola Politécnica Superior do Campus de Esteiro.

Alí puideron asistirir a unha interesante exposición na que se amosaban traballos que xurdiron da colaboración entre Empresa e Universidade, tales como sistemas de localización en interiores, aplicacións das algas ou biocombustibles, entre outros.

Literaturizarte no Sofía

Lun, 27/10/2014 - 08:22

Para continuar co traballo feito polos alumnos de EPV coas meninas e a reciclaxe que aínda podedes ver na exposición da entrada do centro, o equipo da biblioteca, capitaneado por Ana Seco, elaborou todo este itinerario lector sobre as meninas na literatura.

Podedes consultar toda a información sobre as lecturas baseadas no famosísimo cadro de Velázquez. E se tedes aínda máis curiosidade, non dubidedes en acercarvos á biblioteca e preguntarnos como conseguir estas lecturas.

MARCHAS CICLISTAS POPULARES

Ven, 24/10/2014 - 10:34

Se sodes afeccionados ao ciclismo interesaravos esta actividade.

O "club ciclista Ferrol" e o Concello de Ferrol organizan marchas ciclistas todos os meses deste curso 2014-2015. A primeira será esta fin de semana, o domingo día 26, e haberá outras o 30 de novembro, o 28 de decembro, o 25 de xaneiro, o 22 de febreiro, o 29 de marzo, o 26 de abril, o 31 de maio e o 21 de xunio.

Todas as marchas saen sempre da praza de Armas ás 11:00 da mañá. Animádevos!

Máis información.

Concertos da "Sociedad Filármonica Ferrolana" no teatro Jofre

Xov, 23/10/2014 - 10:47

A "Sociedad Filarmónica Ferrolana" quere contribuir á formación musical dos adolescentes y por esa razón asignou ao noso instituto un número de entradas para cada un dos concertos desta tempada que se celebrará no Teatro Jofre.

Se estades interesados en asistir, poñédevos en contacto coas vosas profesoras de música, Dolores ou Almudena, ou ben con Daniel e eles conseguiranvos entradas gratuítas.

Podedes consultar a programación nesta ligazón.

Reciclarte no IES Sofía Casanova

Mar, 14/10/2014 - 12:57

Se te achegas ao noso centro estes días, poderás contemplar unha exposición de meninas feitas polos alumnos de 4º de ESO do curso pasado con obxectos reciclados.

A actividade foi coordinada pola profesora de EPV María Lanza. Estes artefactos son os mesmos que decoraban as fiestras e as árbores de Canido durante a última edición das Meninas os días 5 e 6 do pasado mes de setembro.

Ver traballos

.