Ádega Castro, responsable en Vigo do Proxecto Novicom, dirixido a fomentar o coñecemento e a sensiblización cara as persoas de trata, realizou este 5 de abril, un obradoiro co alumnado de 4º de la ESO co obxectivo de achegar aos adolescentes esta realidade silenciada e incómoda, coñecida como a escravitude do século XXI. Este fenómeno o  sofren especialmente as mulleres e as nenas explotadas sexualmente e laboralmente, no servizo doméstico, para contraer matrimonios forzosos, para a extracción e venda de órganos, para pedir esmola,etc.

Dende a fundación Amigos de Galicia, Nuria Costa, explicoulle ao alumnado de 4º da ESO o valor do voluntariado social. Como ser solidario con pequenas accións.

O alumnado de 3º da ESO recibiu unha charla sobre educación afectiva e sexual impartida por Fe Framil e Ramón González.

Nuria Costa, da fundación Amigos de Galicia, impartiu  unha charla- coloquio para o alumnado de 3º de ESO que levou por título: Medrando en IGUALDADE. Nela tratáronse temas como estereotipos de xénero, violencias machistas, micromachismos....

Teresa Losada e José Manuel Garrido, investigadores do Dpto de Física da Terra e Astrofísica da Universidade Complutense de Madrid, dentro do proxecto Ciudad Ciencia (iniciativa do CSIC e FECYT) no cal está o Concello de Nigrán impartiron un obradoiro sobre meteoroloxía e clima ao alumnado de 2º da ESO e de 4º da ESO.

O alumnado de 1º de Bacharelato visitou a Feira de estudos da Universidade de Vigo e coñeceu o clima universitario.

Aarón Nercellas de Alén Space, empresa pioneira do New Space e, nacida na área de nanosatélites da Universidade de Vigo cuio obxectivo é comercializar  solucións vinculadas coa tecnoloxía aeroespacial achegouse ao noso centro para falarnos desta temática. Na foto alumnos cunha maqueta do Lume-1 lanzado no Soyuz-2.1a desde o cosmódromo ruso de Vostochny que será unha valiosa ferramenta para a detección temperá de incendios forestais.

Oscar Alfeirán, da Escola Superior de Hostalería de Galicia, explicoulles ao alumnado de 1º de Bacharelato da materia de Economía a oferta educativa do seu centro. Logo, traballaron na hipotética venda dun produto turístico de Nigrán.

Hoxe, 30 de xaneiro día da paz e a non violencia o alumnado de 1º e 3º de ESO, dentro do programa TEI, realizou unha serie de xogos e actividades cooperativas.

María Pacín, socia fundadora da asociación TEAVI (Trastorno de Espectro autista de Vigo) e psicóloga do gabinete Litus informou ao profesorado do IES das características do alumnado con Síndrome de Asperger, das súas necesidades educativas  e das estratexias didácticas máis favorecedoras para atender á diversidade.