Taboleiro

Convócanse na Comunidade Autónoma de Galicia os premios extraordinarios de educación secundaria obrigatoria ao rendemento académico (procedemento ED311D) correspondentes ao curso 2018/19.

Poderanse conceder ata un máximo de 20 premios. Cada premio estará dotado con 750 €. O alumnado que obteña o premio extraordinario recibirá, ademais, un diploma acreditativo e o/a secretario/a do centro educativo onde estea depositado o expediente académico anotaralle nel a distinción.

Requisitos de participación.

Poderá optar aos premios extraordinarios de educación secundaria obrigatoria ao rendemento académico o alumnado que reúna os seguintes requisitos:

1. Ter cursado durante o ano académico 2018/19 cuarto curso de educación secundaria obrigatoria no réxime ordinario en calquera dos centros da Comunidade Autónoma de Galicia.

2. Estar proposto polo equipo docente para a expedición do título de graduado en educación secundaria.

3. Ter obtido no conxunto dos catro cursos de educación secundaria obrigatoria unha nota media igual ou superior a 9,00 puntos.

Todos os requisitos deberán posuírse o día en que remate o prazo de presentación de solicitudes.

Forma e prazo de presentación de solicitudes

O prazo de presentación de solicitudes será dun mes; comezará o día 6 de xuño de 2019 e rematará o día 5 de xullo de 2019.

As solicitudes (anexo I) presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, (https://sede.xunta.gal). Será imprescindible cubrir previamente os datos na aplicación que se atopa no enderezo https://www.edu.xunta.es/premiosedu desde onde deberá xerarse o formulario normalizado cuberto cos datos correspondentes.

Opcionalmente, poderanse presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común.

Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

As solicitudes subscribiranas directamente as persoas interesadas con plena capacidade de obrar ou, se é o caso, os/as representantes legais dos/as solicitantes.

A publicación da relación provisional do alumnado admitido e excluído realizarase no portal educativo https://www.edu.xunta.gal e na páxina de inicio da aplicación https://www.edu.xunta.es/premiosedu. Unha vez publicadas as listaxes provisionais de admitidos/as e excluídos/as, ábrese un prazo de dez días, para emendar as carencias ou deficiencias detectadas na documentación achegada.

Realización da proba para a obtención do premio

O alumnado deberá realizar unha proba que terá lugar o día 5 de setembro de 2019 e realizarase nos lugares e no horario que se darán a coñecer mediante resolución publicada no Diario Oficial de Galicia, e no portal educativo da Consellería de Educación, Universidade e Formación Profesional (https://www.edu.xunta.gal). Para a realización das probas, os candidatos e as candidatas acreditarán a súa identidade co DNI, pasaporte ou calquera outro documento recoñecido en dereito.

A proba estructurarase en dúas partes:

A primeira parte constará de diversas cuestións referidas ás seguintes materias de cuarto curso: Lingua Galega e Literatura, Lingua Castelá e Literatura, e Primeira Lingua Estranxeira, agás no caso de alumnado con exención en Lingua Galega e Literatura, que quedará exento da realización da correspondente parte da proba, sempre e cando a dita exención se acredite documentalmente.

Na segunda parte, o alumnado dará resposta a diversas cuestións teóricas e/ou prácticas de tres materias do currículo de cuarto curso:

– Xeografía e Historia.

– Unha materia xeral do bloque de materias troncais cursada polo alumnado: Matemáticas Orientadas ás Ensinanzas Académicas ou Matemáticas Orientadas ás Ensinanzas Aplicadas.

– Unha materia para escoller de entre as materias de opción do bloque de materias troncais cursada polo alumnado: Bioloxía e Xeoloxía, Economía, Física e Química, Latín, Ciencias Aplicadas á Actividade Profesional, Iniciación á Actividade Emprendedora e Empresarial, ou Tecnoloxía.

Cada parte da proba desenvolverase nun tempo máximo de dúas horas.

Máis información.

O Proxecto ESTALMAT-Galicia para Estímulo do Talento Matemático en estudantes da Comunidade Autónoma, anuncia a Convocatoria 2019 da proba de selección dirixida a estudantes nacidos nos anos 2006 ou 2007.

O proxecto ESTALMAT-Galicia iniciou a súa andadura no curso 2007-2008, integrado no Proxecto ESTALMAT-España, iniciativa da Real Academia Española de Ciencias Exactas, Físicas y Naturales. Conta co apoio da Consellería de Educación, Universidade e Formación Profesional, da Facultade de Matemáticas da Universidade de Santiago de Compostela (USC) e das Deputacións da Coruña e Lugo.

O obxectivo do proxecto é detectar e prestar atención a nenos e nenas con talento matemático que, en moitos casos, poden pasar inadvertidos ou quedar desatendidos.

O funcionamento básico do Proxecto ESTALMAT consiste en seleccionar 25 estudantes cada ano, mediante unha proba que pretende detectar aptitudes matemáticas avanzadas.

Os alumnos e as alumnas seleccionadas participan en actividades formativas adaptadas ao desenvolvemento do seu talento nos dous cursos seguintes (20 sesións cada curso), con posibilidade de continuar outro ano mais (12 sesións). As sesións son totalmente gratuítas para os participantes e teñen lugar na Facultade de Matemáticas da USC nas mañás dos sábados. O equipo docente está composto por máis de 50 profesores do ensino medio e das universidades galegas.

Inscrición:

1. Datas de inscrición: do 2 ao 31 de maio de 2019, ambos inclusive. Excepcionalmente poderán terse en conta solicitudes posteriores a esa data.

2. Procedemento: É necesario por cuestións organizativas da proba cumprimentar o formulario adxunto de inscrición dispoñible na páxina web do proxecto (http://www.estalmatgalicia.com), a partir do 2 de maio. No lugar correspondente do formulario, pode incluírse o nome dun profesor ou profesora que avale o interese e aptitude do estudante polas matemáticas. Esta posibilidade é opcional e non afecta nin condiciona a avaliación.

Proceso de selección: Constará de dúas fases:

1. Proba de aptitude. Terá lugar o sábado 8 de xuño, ás 10 horas, na Facultade de Matemáticas da Universidade de Santiago de Compostela. Consistirá na resolución de varios problemas.

2. Entrevista persoal. Unha vez corrixidas as probas, levarase a cabo unha entrevista individual cos 25 nenos e nenas preseleccionados na proba de aptitude, acompañados de seu pai e a súa nai ou titores, que previamente serán avisados persoalmente. Está encamiñada a avaliar o interese e o grao de compromiso co proxecto.

As listas provisional e definitiva dos estudantes seleccionados faranse públicas na páxina web do proxecto: http://www.estalmatgalicia.com

Convócanse, en réxime de concorrencia competitiva, 250 bolsas para alumnos de 1º de ESO e 250 bolsas para alumnos de 2º de ESO para a participación nunha das colonias de dúas semanas de duración, organizadas polo Ministerio de Educación e Formación Profesional durante os meses de xullo e agosto de 2019.

BENEFICIARIOS:

1. Para alumnado de 1º ESO:

• Estar matriculado en centros sostidos con fondos públicos durante o presente curso 2018/2019.

• Obter, como mínimo, “notable” (7) como nota media das seguintes materias: Lingua Castelá e Literatura, Matemáticas, Ciencias da Natureza, Ciencias Sociais e Inglés no curso 2017/18.

• Obter, como mínimo, “notable” (7) como nota de Inglés no curso 2017-2018.

• Os alumnos cualificados con necesidade específica de apoio educativo, poderán optar cunha nota mínima de “aprobado”(5) tanto na nota media das cinco materias anteriormente citadas como na de Inglés no curso 2017/18.

• Non ser beneficiario da bolsa en convocatorias anteriores.

2. Para alumnado de 2º ESO:

• Estar matriculado en centros sostidos con fondos públicos durante o presente curso 2018/2019.

• Obter, como mínimo, “notable” (7) como nota media das seguintes materias: Lingua Castelá e Literatura, Matemáticas, Bioloxía e Xeoloxía, Xeografía e Historia e Inglés no curso 2017/18.

• Obter, como mínimo, “notable” (7) como nota de Inglés no curso 2017-2018.

• Os alumnos cualificados con necesidade específica de apoio educativo, poderán optar cunha nota mínima de “aprobado”(5) tanto na nota media das cinco materias anteriormente citadas como na de Inglés no curso 2017/18.

• Non ser beneficiario da bolsa en convocatorias anteriores.

SOLICITUDES: A solicitude deberase cumprimentar mediante o formulario que estará dispoñible na sede electrónica do Ministerio de Educación e Formación Profesional na dirección https://sede.educacion.gob.es.

O prazo para a presentación de solicitudes será do 27 de abril ao 22 de maio de 2019.

CONTÍA DA AXUDA: A contía das bolsas aboarase directamente ás empresas que resulten adxudicatarias. Para completar o precio total do programa, o alumnado abonará 30euros (si pertencen ao grupo I), 60 euros (si pertencen ao grupo II) ou 190 euros (si pertencen ao grupo III). Correrá a cargo das familias dos participantes o traslado, tanto de ida como de regreso, entre o domicilio e o lugar no que se desenvolva a colonia.

Máis información.

O venres, 12 de abril de 2019, realizarase unha actividade de educación vial na que participarán a Coordinadora e o Xefe provincial de Tráfico de Ourense, o Teniente da Guardia Civil de Tráfico, así como persoal de Protección Civil e Policía Local da Pobra de Trives. A partir das 11:00 horas, alumnado do CEIP Manuel Bermúdez Couso e 1º de ESO do IES Xermán Ancochea Quevedo, participarán no percorrido dun circuito de educación vial nas instalacións do polideportivo cuberto do instituto. Para facer esta actividade, é preciso que o alumnado que poida traia este día casco, bicicleta ou patíns. Ás 12:30 horas está programada outra actividade en forma de charla, destinada ao alumnado de 4º de ESO, Bacharelato e Formación Profesional do instituto, que versa sobre o acceso aos permisos de conducir, accidentes viales de mozos e mozas na provincia de Ourense, novidades na normativa de tráfico e realización de probas de alcol e drogas voluntarias aos asistentes, con entrega do material didáctico dispoñible.

Convócanse 80 bolsas en réxime de concurrencia competitiva para participar no Programa “Campus de Profundización Científica para estudantes de ESO” en Soria, durante o mes de xullo de 2019, dirixidas ao alumnado que se atope cursando no ano académico 2018/2019, 4º de ESO en centros docentes españois sostidos con fondos públicos. O obxecto deste Campus é favorecer o desenvolvemento do interese científico por parte dos estudantes, potenciar as súas capacidades demostradas no ámbito das ciencias, así como fomentar o esforzo individual e a motivación do alumnado, á vez que se integra nun ámbito no que prima a convivencia e o intercambio de experiencias culturais e educativas entre estudantes procedentes das distintas Comunidades Autónomas.

O Campus desenvolverase en dúas quendas de 40 alumnos/as que terán lugar nas seguintes datas:

• Primeira quenda: do 3 ao 11 de xullo de 2019.

• Segunda quenda: do 15 ao 23 de xullo de 2019.

REQUISITOS:

1. Alumnado que no curso escolar 2018/2019 esté cursando ensinanzas de 4º de ESO en centros educativos españois sostidos con fondos públicos.

2. Obter unha nota media no curso escolar 2017/2018 superior ou igual a 9 puntos.

3. Que durante o curso 2018/2019 estén cursando as seguintes asignaturas: Física e Química e Bioloxía e Xeoloxía.

SOLICITUDES: Os estudantes solicitantes, que reunindo os requisitos esixidos, desexen participar nesta convocatoria formalizarán a súa solicitude mediante o cumprimento da solicitude na páxina web do Ministerio de Educación e Formación Profesional. A solicitude debe realizarse en sede electrónica pola nai, pai ou titor do alumnado.

O prazo para a presentación de solicitudes será ata o 25 de abril de 2019.

CONTÍA DA AXUDA: a bolsa cubre os gastos de matrícula no curso, materiais, actividades, aloxamento, asistencia de monitores e manutención do alumnado que contará, asimesmo, cun seguro que cubra as continxencias de accidentes e responsabilidade civil durante o desenvolvemento do Campus. O traslado do alumnado desde os seus lugares de orixe ata o Campus asignado, así como desde este ata os seus domicilios será por conta do alumnado, sen que proceda o abono de bolsa algunha por este concepto.

Máis información.