Skip to Content

ABAU 2024 MATRÍCULA ORDINARIA

Ligazón á documentación a presentar para matricularse na ABAU 2024Lembrade que o prazo límite para a matrícula nas probas ABAU 2024 é o día 16 de maio, de 8:30 a 14:30 

Deberedes acudir a Administracion do centro coa documentación en regra indicada no adxunto para formalizar a matricula e co teléfono móbil que facilitastes nos vosos datos.

Podedes realizar os pagos das taxas no momento no que teñades a confirmación da promoción, que se enviará por ABALAR o día 15 de maio unha vez finalizada a avaliación.

No adxunto encontraredes os ligazóns de acceso aos documentos para cumprimentar a matrícula e para realizar os pagos das taxas.

Acreditación competencia dixital alumnado 4º ESO

A proba terá lugar o vindeiro 29 de maio ás 9 h e terá unha duración máxima de 90 minutos.

A resolución do 28 de Febreiro de 2024 dita instrucións para a acreditación das competencias dixitais do alumnado.

Véxase aquí as ligazóns a toda a  información.

Resumo con toda a información.

Resolución 28 de febreiro de 2024.

 Anexo IV

Competencias dixitais e Demo da proba

DÍA DAS LETRAS GALEGAS: Luísa Villalta

No IES Xoán Montes celebramos as Letras Galegas 2024 que este ano adícase á figura de Luísa Villalta!

Durante os recreos proxectamos este fantástico vídeo de homenaxe elaborado polo alumnado de 1ºESO coordinados pola profesora Ana Rico. O cartel que serve de portada foi elaborado polo alumno de 1ºESO Mario Vázquez.  

Vídeo homenaxe a Luísa Villalta elaborado por alumnado de 1ºESO

Noraboa a Lucía Ramil polo seu premio no XIV Concurso de marcapáxinas Letras Galegas

Queremos dar a noraboa a alumna Lucía Ramil de 2º BAC por gañar un accésit no 14º Concurso de marcapáxinas Letras Galegas 2024, organizado polo IES San Clemente. Como sabedes, este ano adícase á figura de Luísa Villalta e Lucía compuxo un fermoso marcapáxinas para a ocasión.

marcapáxinas

 

Peche da Liña Emocional do Plan de Formación do Profesorado do IES Xoán Montes

A Liña Emocional do IES Xoán Montes acaba de rematar a súa formación por este curso, e que mellor resumo que esta imaxe de diversidade, como unha maneira de axudarnos a recordar que todas e todos os alumnos son únicos, diferentes, perfectos e marabillosos. 

diversidade

A beleza da Diversidade. Imaxe de Inés Iglesias

Bolsas e axudas para alumnado con necesidad específica de apoio educativo

O Ministerio de Educación acaba de abrir o prazo para a solicitude de "Becas y ayudas para alumnos con necesidad específica de apoyo educativo". 

O prazo está aberto dende o 30 de abril ata o 13 de setembro de 2024.

Podes consultar toda a información aquí.

bolsas

Saída extraescolar de 1ºESO a Lalín

O alumnado de 1ºESO desfrutou dunha completa xornada visitando a zona de Lalín organizada polo Departamento de Galego. Pola mañá aprenderon a facer pan na casa do Patrón. Aproveitando que o tempo acompañaba, deron un fermoso paseo polos arredores da casa do Patrón. A xornada finalizou no Pazo de Liñares onde se ubica o Museo do xoguete e as marionetas.

Velaquí unhas imaxes que ilustran a xornada:

pan 

Aprendendo a facer pan. Imaxe de Adrián Laureda

O día de Europa no IES Xoán Montes

Moitas foron as actividades que se levaron a cabo ao longo da mañá por parte do alumnado, profesorado e conserxes do noso centro.

Algunhas imaxes:

Traballo do alumnado de 2º ESO na materia de Historia e Xeografía. Fotos de Beatriz López

9 de maio Día de Europa

Cada 9 de maio, celebramos o Día de Europa en honor á Declaración Schuman, que foi pronunciada o 9 de maio de 1950, propoñendo a creación da Comunidad Europea do Carbón e dol Aceiro, que sentou as bases da Unión Europea tal como a coñemos hoxe. Os temas esbozados na Declaración —cooperación, unidade e paz entre os países europeos— seguen a estar vixentes setenta e catro anos despois. 

Canto sabes da UE? Propoñémoste algúns enlaces interesantes:

Xogo: A UE e eu

Zona de aprendizaxe con Material didáctico, xogos, liña cronolóxica da UE, novas e concursos

O concello de Lugo conmemora a data con varias actividades:

A UNED nas Xornadas de Orientación do IES Xoán Montes

Hoxe 8 de maio, o alumnado de 4º da ESO acudíu xunto as súas titoras e a orientadora ao salón de actos do Centro de Convivencia Uxío Novoneira para participar noutra xornada de orientación académica e profesional, organizada por Orientación do noso instituto.

Nesta ocasión puidemos coñecer da man da directora da UNED, Ana Belén Traseira, e da orientadora do mesmo, Carmen Gallego tanto a historia, ubicación, programas, proxectos, estudos, admisión... deste centro. Ademais tivemos ocasión de escoitar a dous alumnos do centro e estudantes en prácticas extracurriculares, VIctoria Filgueiras, de Educación Social, e Iván Fernández, de Ciencias  Ambientais, que compartiron connosco a súa experiencia, transmitíndonos a importancia de ter un obxectivo e loitar polo mesmo, que dos erros se aprende e que nunca é tarde para formarse.

Invitamos a visitar a páxina web e coñecer de primeira man todo o que nos ofrece este centro da UNED.

Imaxes de Beatriz López CC BY-SA

Distribuir contido


by Dr. Radut