Skip to Content

MATRÍCULA ABAU XUÑO 2024

Toda a información nos documentos adxuntos. Lembrade que debedes pagar as taxas a primeira hora do día 16 de maio e entregar os documentos no centro ese mesmo día.

Ningún alumno poderá darse de alta na aplicación NERTA sen aboar previamente as taxas ABAU, as taxas para o Título de Bac e entregar a documentación na secretaria do centro (16 de MAIO).

(Tede en conta que o día 17 de maio é festivo, e o día 20 e Non lectivo para o noso centro).

Viaxe fin de etapa a Lisboa 4º ESO

No seguinte documento atópase a información da viaxe a Lisboa para o alumnado de 4º ESO que terá lugar entre os días 12 e 17 de maio.

Viaxe Lisboa

Peche da Liña Emocional do Plan de Formación do Profesorado do IES Xoán Montes

A Liña Emocional do IES Xoán Montes acaba de rematar a súa formación por este curso, e que mellor resumo que esta imaxe de diversidade, como unha maneira de axudarnos a recordar que todas e todos os alumnos son únicos, diferentes, perfectos e marabillosos. 

diversidade

A beleza da Diversidade. Imaxe de Inés Iglesias

Bolsas e axudas para alumnado con necesidad específica de apoio educativo

O Ministerio de Educación acaba de abrir o prazo para a solicitude de "Becas y ayudas para alumnos con necesidad específica de apoyo educativo". 

O prazo está aberto dende o 30 de abril ata o 13 de setembro de 2024.

Podes consultar toda a información aquí.

bolsas

Saída extraescolar de 1ºESO a Lalín

O alumnado de 1ºESO desfrutou dunha completa xornada visitando a zona de Lalín organizada polo Departamento de Galego. Pola mañá aprenderon a facer pan na casa do Patrón. Aproveitando que o tempo acompañaba, deron un fermoso paseo polos arredores da casa do Patrón. A xornada finalizou no Pazo de Liñares onde se ubica o Museo do xoguete e as marionetas.

Velaquí unhas imaxes que ilustran a xornada:

pan 

Aprendendo a facer pan. Imaxe de Adrián Laureda

O día de Europa no IES Xoán Montes

Moitas foron as actividades que se levaron a cabo ao longo da mañá por parte do alumnado, profesorado e conserxes do noso centro.

Algunhas imaxes:

Traballo do alumnado de 2º ESO na materia de Historia e Xeografía. Fotos de Beatriz López

9 de maio Día de Europa

Cada 9 de maio, celebramos o Día de Europa en honor á Declaración Schuman, que foi pronunciada o 9 de maio de 1950, propoñendo a creación da Comunidad Europea do Carbón e dol Aceiro, que sentou as bases da Unión Europea tal como a coñemos hoxe. Os temas esbozados na Declaración —cooperación, unidade e paz entre os países europeos— seguen a estar vixentes setenta e catro anos despois. 

Canto sabes da UE? Propoñémoste algúns enlaces interesantes:

Xogo: A UE e eu

Zona de aprendizaxe con Material didáctico, xogos, liña cronolóxica da UE, novas e concursos

O concello de Lugo conmemora a data con varias actividades:

A UNED nas Xornadas de Orientación do IES Xoán Montes

Hoxe 8 de maio, o alumnado de 4º da ESO acudíu xunto as súas titoras e a orientadora ao salón de actos do Centro de Convivencia Uxío Novoneira para participar noutra xornada de orientación académica e profesional, organizada por Orientación do noso instituto.

Nesta ocasión puidemos coñecer da man da directora da UNED, Ana Belén Traseira, e da orientadora do mesmo, Carmen Gallego tanto a historia, ubicación, programas, proxectos, estudos, admisión... deste centro. Ademais tivemos ocasión de escoitar a dous alumnos do centro e estudantes en prácticas extracurriculares, VIctoria Filgueiras, de Educación Social, e Iván Fernández, de Ciencias  Ambientais, que compartiron connosco a súa experiencia, transmitíndonos a importancia de ter un obxectivo e loitar polo mesmo, que dos erros se aprende e que nunca é tarde para formarse.

Invitamos a visitar a páxina web e coñecer de primeira man todo o que nos ofrece este centro da UNED.

Imaxes de Beatriz López CC BY-SA

Correlingua 2024

Hoxe, 8 de maio, tivo lugar a celebración do Correlingua 2024.

O acto consistiu nunha andaina arredor da muralla, a lectura do manifesto para o fomento do galego e unha actuación musical.

Participou alumnado de distintos centros da provincia de Lugo e o IES Xoán Montes tivo unha participación importante ca presenza dos tres grupos de 1º da ESO, a lectura das alumnas Joana Vilaverde e Naya Abeledo e a obtención dun diploma pola colaboración na redacción do manifesto.

çcorrelingua

Correlingua 2024. Foto de Lorena Pardo

BTT de 1º Bachillerato

El lunes 6 de mayo se llevó a cabo una salida en BTT con alumnos de 1º de Bachillerato, organizada por el Departamento de EF.

 

Guiaron al grupo Lorena Pardo, Bruno Formoso y María. La Ruta es circular, río Miño arriba, a su paso por Lugo. 

Siendo una vuelta corta y “a pie” de la ciudad, presenta una gran variedad de paisajes (prados, bosques, el río, en el alto de Porto Meilán amplias vistas). Fundamentalmente es un recorrido llano y con algunas pendientes cortas, también presenta tramos sin dificultad y otros con alguna piedra suelta, con raíces, sinuosos y estrechos, sin alejarse mucho del río, hay que tener cuidado para no caerse a él.

 

Estos son los datos estadísticos de la vuelta: 

Distancia 12 km

Dificultad Técnica: Fácil

Altitud Mínima y Máxima: 406 m / 492 m

Desnivel positivo y negativo 374 m

Si queréis saber más de esta salida, aquí os dejo el enlace a un vídeo de 7’.

Vídeo BTT realizado por María Rodríguez

Distribuir contido


by Dr. Radut