Skip to Content

Becas MEC de carácter xeral para o vindeiro curso 2024/25

Saíu publicada a convocatoria das becas  MEC de carácter xeral para o vindeiro curso 2024/25 dirixidas ao alumnado de ensinanzas postobrigatorias (BAC, FP grao básico, medio e superior, curso de acceso e preparación para probas de acceso á FP, ensinanzas artísticas profesionais e superiores, ensinanzas de idiomas en Escolas Oficiais, ensinanzas deportivas, estudos relixiosos superiores e Universidades).

Toda a información nos documentos adxuntos.

 

Global Money Week do 18 ao 24 de marzo

A Global Money Week é unha campaña anual mundial de concienciación sobre a importancia de que os xoves adquiran unhas nocións financeiras desde pequenos e de que vaian desenvolvendo os coñecementos, habilidades e actitudes necesarias para tomar unhas decisións financeiras sólidas. Está organizada pola Rede Internacional de Educación Financeira da OCDE (OCDE/INFE), na que participa o Plan de Educación Financeira – Finanzas para todos (Banco de España, CNMV, y Ministerio de Economía, Comercio y Empresa).

Este ano celébrase baixo o lema Protexe o teu diñeiro, asegura o teu futuro (en inglés Protect your money, secure your future).

Esta semana, para participar nesta iniciativa, desenvolveremos un obradoiro co mesmo lema co alumnado de Economía e emprendemento de 4º da ESO, e afondaremos nos coñecementos financeiros para preparar a participación no concurso financeiro do 4 de abril.

E ti... protexes o teu diñeiro?

Remate obradoiros de comunicación asertiva para alumnado de 4° ESO

Esta semana rematamos os obradoiros con Maisqueteatro. Un ano máis o alumnado quedou moi satisfeito coas dinámicas de role playing e dramatización deseñadas para aprender a expresar a súa asertividade e comunicarse eficazmente.

comunicación

Obradoiro 4ºESO. Imaxe de Inés Iglesias. CC BY-SA

 

Visita ao MUNCYT na Coruña

O alumnado de 2ºESO visitou o MUNCYT (Museo Nacional de Ciencia e Tecnoloxía) na cidade da Coruña nunha actividade organizada polo Departamento de Tecnoloxía. Ademais de coñecer o propio museo, tiveron a oportunidade de participar nun obradoiro de nanotecnoloxía. 

Na imaxe pódese ver o avión Boeing 747 Lope de Vega no que se trasladou o Guernica de Picasso de Nueva York a España no 1981.

muncyt

Boeing 747 no MUNCYT. CC BY-SA

Acreditación competencia dixital alumnado

A resolución do 28 de Febreiro de 2024 dita instrucións para a acreditación das competencias dixitais do alumnado.

Véxase aquí as ligazóns a toda a  información.

Resumo con toda a información.

Resolución 28 de febreiro de 2024.

 Anexo IV

Competencias dixitais e Demo da proba

Venres de Educación cívico tributaria

Onte venres 1 de marzo, tivemos a oportunidade de desfrutar de varias charlas impartidas por técnicos da Axencia tributaria.

O alumnado de Formación e orientación persoal e profesional e de Economía e emprendemento de 4º da ESO, e de Economía de 1º de bacharelato, puido coñecer a importancia do pago de impostos para a obtención de bens e servicios públicos, así como dos principais tipos de impostos. 

Para afondar pódese entrar na páxina de Educación cívica tributaria da Axencia tributaria e, lendo as bases, participar no concurso nacional para centros escolares. Participa!

 

 

Obradoiro de reciclaxe no Centro de Interpretación Terras do Miño

Un grupo de 9 profesores do IES Xoán Montes, está a realizar ao longo desta avaliación a actividade formativa "A reciclaxe e segunda vida dos recursos". Entre as actividades, participaron o xoves 22 de marzo nun obradoiro no Centro de Interpretación Terras do Miño xestionado pola Deputación de Lugo tal e como se pode ver na súa web.

 

roomba 

Elaboración dunha "Roomba" con materiais reutilizado

Científicos o pitonisos? Como a Economía axuda a predecir o futuro.

Hoxe 29 de febreiro, tivemos a oportunidade de desfrutar dunha das charlas do programa A Ponte, da USC, que ademais de dar a coñecer os estudos de Grado ofrece información sobre o contexto investigador, social, cultural e espacial desa universidade.

Acompañounos Roberto Bande Ramudo, decano da facultade de ADE en Lugo, quen expuxo ao  alumnado de Economía e emprendemento de 4º da ESO e de Economía de 1º de bacharelato, o traballo dos economistas, e como grazas á utilización de modelos, que son simplificacións da realidade, podemos facer predicións.

Grazas Roberto, por compartir connosco os teus coñecementos e experiencia.

 

Participación na actividade "Fly the Future"

O alumnado de 2º da ESO puido hoxe, 27 de febreiro. desfrutar dunha actividade moi completa nas instalacións do Centro de Investigación aerotransportada de Rozas (CIAR) e do International Research center on advanced autonomous systems (IRCAAS).

O principal obxectivo do programa Fly The Future é espertar no estudantado da ESO a vocación polas carreiras universitarias STEM para potenciar a súa empregabilidade no futuro, en centros de investigación e empresas como as que atoparán no Polo Aeroespacial de Galicia como Avincis, quen está a desenvolver un programa de I+D en colaboración coa compañía Telespazio centrado en dar resposta a importantes retos a través de tecnoloxías de sistemas non tripulados. 

Recibiron unha charla STEM e visitaron a torre de control e o hangar na primeira parte da actividade, na segunda parte (IRCAAS, Avincis), ademais de analizar por que voa un avión, observaron as características do prototipo UA5 LUMES, visitaron o vehículo móvil de comando e control das aeronaves, a sala de simulador de voo e experimentaron cada un/ha un voo dun dron en entorno terrestre e mariño a través dunhas gafas 3D.

Voaron e aterraron satisfactoriamente!

  Actividade "Fly the Future" en Rozas

Olimpíada de Bioloxía

O alumno Tristán Pérez López de 1ºBAC A do IES Xoán Montes participou este venres 23 de febreiro na fase autonómica da Olimpíada de bioloxía en Vigo.

Bo traballo, Tristán!

olimpiadaOlimpíada de Bioloxía 2024 no UVigo.

 

Distribuir contido


by Dr. Radut