Día do libro e día das letras galegas

Para a conmemoración destes dous eventos, a biblioteca organiza un concurso de frases relativas á lectura, aos libros ou ás bibliotecas. O concurso tén dúas modalidades. As alumnas e alumnos do centro poden elixir a cita que máis lles gusta das expostas no panel de citas situado na planta baixa do centro ou ben crear eles mesmos unha frase relativa a un dos temas propostos: o libro, a lectura, a biblioteca. As bases son as seguintes.

SORTEO DE CITAS FAVORITAS:

se es alumno ou alumna do instituto, podes participar ata o xoves 14 de maio
para iso debes cubrir este impreso, ou ben un dos situados a carón da caixa correspondente na mesa da planta baixa
no impreso debes escribir unha das citas expostas no panel da planta baixa. Tamén podes ver as citas expostas premendo en calquera das imaxes deste artigo
o venres 15 extraerase ao chou o gañador ou gañadora
o premio consistirá nun vale por importe de 20 € en libros

CONCURSO DE CITAS PERSOAIS ORIXINAIS:

se es alumna ou alumno do instituto, podes participar ata o xoves 14 de maio
para iso debes cubrir este impreso, ou ben un dos situados a carón da caixa correspondente na mesa da planta baixa. Ten en conta que a frase debe ser orixinal, creada por ti, e non copiada
o venres 15 o xurado, composto polo equipo de biblioteca, decidirá cal é a mellor cita persoal orixinal
o premio consistirá nun vale por importe de 20 € en libros