Complementarias

O alumnado de 1º de bacharelato da materia Economía, e o de 2º da materia Economía da empresa deste curso participou no concurso YBT. Non todos conseguiron ser semifinalistas así que noraboa a estes selectos grupos de 1º (na foto de arriba) e de 2º (na de abaixo) que nos mostran orgullosos o diploma que o testemuña.

Como vén sendo tradicional, o alumnado de 2º de bacharelato da materia Economía da Empresa e, este ano, parte do de Tecnoloxía Industrial II, visitou a sede de Inditex en Arteixo.

Percorremos as instalacións durante dúas horas, mentres unha das responsables do departamento de Comunicación e Relacións Institucionais nos explicaba todas as fases do proceso que alí se desenvolve, e amablemente resolvía as dúbidas.

A experiencia... enriquecedora!

E por fin o recoñecemento á ilusión coa que o alumnado de 3º da ESO de PDC e 3º ESO A da materia Obradoiro de Iniciativas Emprendedoras participou na actividade do pasaporte solidario.

Temos que agradecer ao voluntario Cristóbal Ramírez que asistise ao noso centro para aclararnos todas as dúbidas e amosarnos todo o proceso dun proxecto tan ilusionante.

Parabéns a todos e a todas por ter sensibilidade e ser solidarios, cualidades que vos fan medrar como persoas.

Lembrade que o prazo de entrega para os concursos "Adiviña, adiviña..." e "Adiviña quen son"" remata o venres 7 de xuño. Non esquezades indicar no sobre, cando o entreguedes en secretaría, indicar para cal dos dous concursos é.

Como ben sabedes toda a información está no blog do departamemto: MatemáticasXM.

O departamento de matemáticas convoca a 4º edición do concurso "Matemáticas na música". Para consultar as bases pincha http://matematicasxoanmontes.blogspot.com.es/