Publicada a convocatoria de proxectos de formación do profesorado de formación profesional que se van implantar no curso 2022-2023 en centros públicos dependentes da Consellería de Cultura, Educación, Formación Profesional e Universidades.

Cada proxecto deberá contar cun coordinador ou cunha coordinadora e poderá incorporar profesorado de diferentes centros que compartan a súa necesidade de formación, coa finalidade de acadar o óptimo aproveitamento dos recursos.

Publicada a listaxe provisional de persoas admitidas e excluídas de bolsas do programa Retorna Mocidade convocadas pola Orde do 4 de agosto de 2022. Data de publicación: 14/11/2022

Poderanse presentar as reclamacións oportunas no prazo de cinco días hábiles contados a partir do día seguinte ao desta publicación.

Os días 9 e 10 de novembro terá lugar o II Encontro galego sobre Ciberseguridade no Edificio Fontán da Cidade da Cultura de Galicia que contará coa participación como relatores de profesorado e alumnado dos Cursos de Especialización en Ciberseguridade dos centros CIFP Politécnico de Santiago, CIFP Rodolfo Ucha e IES San Clemente, que impartirán tamén os obradoiros técnicos Wireshark/tshark para análise forense en rede e Threat Hunting e Intrusión nunha contorna de Directorio Activo e análise forense dese ataque.

Publicada a listaxe de solicitudes admitidas e excluídas das bolsas Retorna mocidade convocadas pola Orde do 4 de agosto de 2022. Data de publicación: 31/10/2022

Publicada a Orde do 13 de outubro de 2022 pola que se fai pública a resolución das axudas económicas para o alumnado que realiza formación práctica en centros de traballo ou formación profesional dual, convocadas pola Orde do 7 de xuño de 2022.

• Orde do 13 de outubro de 2022
• Máis información sobre as axudas FCT

O próximo 4 de outubro celebrarase a Xornada de FP Básica na Escola Galega de Admisitración Pública, en Santiago de Compostela, na que máis de 200 persoas implicadas na atención educativa do alumnado dos ciclos formativos de grao básico compartirán un espazo común para a reflexión, a construción de coñecemento e a difusión sobre estas ensinanzas.

• Programa da xornada

Publicada a Orde do 29 de setembro de 2022 pola que se acorda a ampliación do prazo para a presentación de solicitudes no procedemento regulado na Orde do 4 de agosto de 2022, pola que se establecen as bases reguladoras e se convoca o programa Retorna mocidade para persoas galegas residentes no estranxeiro interesadas en retornar e cursar determinados estudos de formación profesional no curso académico 2022/23 en centros educativos de Galicia (código de procedemento ED333B).

Publicada no DOG a Resolución do 20 de setembro de 2022, da Dirección Xeral de Formación Profesional, pola que se fai pública a relación de centros que conformarán a Rede galega de dinamización da relación con empresas na FP no curso 2022/23, no marco do Plan de recuperación, transformación e resiliencia.

• Resolución do 20 de setembro de 2022