blogue deadmin

Un ano máis a dirección e o departamento de Orientación do C.P.I. Virxe da Saleta, en colaboración cos Concellos de San Cristovo de Cea e de Piñor poñen en marcha asXornadas de Orientación Académica e Profesional. Destinadas ao alumnado da E.S.O. e ás súas familias chegan este ano á súa VI edición. Celebraranse, como en anos anteriores, na aula de música do CPI Virxe da Saleta.A primeira das dúas xornadas será o próximo lunes, 20 de abril, a partir das 15:30 h., sobre Formación e Inserción Laboral, coa participación dos seguintes poñentes:

D. Noemí González Camba. Licenciada en Dereito. Xuiza de Instrucción. Exalumna do CPI Virxe da Saleta.

D. Sonia Moral Álvarez. Esteticista e Terapeuta Natural. Xefa da Perruquería Moral. Exalumna do CPI Virxe da Saleta.

D. Oscar Rodríguez Gómez. Bombeiro no Parque Comarcal de Chantada.

Dª Marta Pérez Adán. Licenciada en Mediciña. Xinecóloga do Hospital Cristal- Piñor.

Dª Nuria Álvarez Rodríguez. Diplomada en Turismo. Máster en Planificación e Dirrección de Empresas Turísticas. Traballadora da Empresa de Organizacións de Eventos ServiturCea.

 A seguinte xornada está prevista para o mércores día 22 de abril, a partir das 15:30 h., sobre o Emprendemento e Mundo Laboral, coa participación dos seguintes poñentes:

D. José Enrique Rodríguez López. Fundador da empresa Rodríguez López Auto.

D. Omar Rodríguez Reboredo. Policía do Corpo Nacional de Policías. Exalumno do CPI Virxe da Saleta.

Dª. Uxía Alonso Crespo. Enxeñeira Técnica Forestal e Enxeñeira de Montes. Xerente da empresa “Frutos da Mellora”.

Dª. Fatima Fernández Fernández. Xornalista. Exalumna do CPI Virxe da Saleta

D.ª Hilda Rodríguez Fernández; Licenciada en Farmacia. Farmacéutica de San Cristovo de Cea.

O equipo de biblioteca coordinou a actividade de conmemoración do día internacional dos dereitos humanos. Celebrámolo no noso comedor. Todo o alumnado compartiu o seu traballo artístico realizado os días previos sobre cada un dos dereitos e acompañouno cun relato sobre eles.

É tempo de Samaín. É tempo das cabazas, trememos de medo. Pasámolo ben. Queredes saber por que?

Durante toda a primeira semana de novembro o alumnado de infantil realizou actividades relacionadas co Samaín: na pizarra dixital interactiva, usando pintura de dedos, decorando a clase. Contamos ademais coa colaboración de todas as familias na elaboración das típicas cabazas desta época. Aquí tedes unha galería de imaxes que ilustra os seus traballos.

Chega o magosto. Gústavos o noso cartel? Son as nenas e nenos de 3 anos de Infantil. Como é 2014 pois dixemos, veña, o magosto para o 14. Así que preparade para asar as castañas, comer os chourizos e botar unhas cantigas. Este ano non cantaremos sós, temos a actuación estelar d'Os Biruxes que veñen, ademais, cos seus amigos da residencia de maiores da Saleta. Botaremos o verdegaio, o galo e outras pezas populares. E haberá tempo para xogos populares coma o pano, a carreira de sacos, etc. E tamén para chinar a cara que é o que máis nos gosta. Se o día ven bo iremos ao campo da Saleta. E se chove temos plan B no polideportivo do centro. Que viva o magosto!!