Convivencia e mediación

A semana do 25 ao 29 de novembro reflexionamos sobre o tema da violencia de xénero no instituto. Debo sinalar que o centro vén de sumarse a iniciativa do concello: Cambre en Negro. Ademais de outras actividades, fixemos un xardín-denuncia no que participou todo o alumnado. Tratábase de que nun taboleiro, forrado con céspede artificial, cada rapaz puxera unha flor natural e unha frase para apoiar as vítimas de violencia de xénero ou aos familiares que a sufriron .

Con todas estas sentidas mensaxes, unha rapaza do equipo de fixo un "collage" do que vos mostramos o resultado.

Edén Avecilla Carrera

Entre o luns, 21 de novembro, e o venres, 25 de novembro, no IES David Buján vanse desenvolver as seguintes actividades:

• Durante a semana, todo o alumnado está convidado a encher o Taboleiro homenaxe ás mulleres vítimas do maltrato. Os rapaces e rapazas do Centro poderán traer unha flor natural á que se lle engadirá unha tarxeta cunha mensaxe de apoio a unha destas mulleres.

• Desde o luns, a música nas diferentes linguas estará presente nos períodos de lecer. Trátase de reflexionar sobre as mensaxes contidas nas cancións.

• O luns –entre as 16:45 e as 18:10- o alumnado de 3º da ESO participará nun Obradoiro de Rap sobre igualdade impartido por Diego Calatayud. A idea é compoñer un rap de denuncia desta forma de violencia.

• Desde Normalización Lingüística vaise promover unha recreación visual do poema "Baldosas" de Carlos Negro. Estará instalada toda a semana no vestíbulo do centro.

• Ao longo da semana o alumnado de 3º de PMAR realizará a gravación dunha curta sobre violencia machista, con guión de Yanira Gabarri.

• O venres 25 de novembro, durante o primeiro recreo, proxectarase o lipdub sobre igualdade, organizado polos Servizos Sociais do Concello co alumnado de 2º de ESO. Durante o segundo recreo un grupo de rapaces e rapazas de 1º Bach. plasmarán unha interpretación particular dun tableau vivant, neste caso non tomarán como modelo un cadro senón unha situación de violencia de xénero. O mesmo día, para o alumnado do grupo de Convivencia e Mediación a ONG Ecos do Sur fará a presentación da súa campaña “Poder para transformar a súa vida”. Trátase dunha campaña de crowdfunding para axudar a 30 mulleres sobreviventes da violencia de xénero.

Na tarde do luns 3 de Outubro os alumnos de 1º ESO fixemos un roteiro a carón do Río Mero, para comezar o curso coñecéndonos un pouco millor.

Comezamos na cafetería, onde encargamos os riquísimos bocatas de Aurora, e despois de facer acopio de provisións comezamos a andar ata Ponte Telleira, acompañados dos nosos titores: Marta, Juan e Martín; a orientadora Begoña e Chelo do equipo de Convivencia. Xa acampados, dimos boa conta da comida (e dos postres caseiros que trouxeron algúns profes) e despois fixemos actividades en grupo.

Guiados por monitores da OMIX, que organizaban as actividades, xogamos e compartimos momentos de lecer, que de seguro servirán para coñecernos millor e mellorar a nosa convivencia.

O pasado venres 19 de febreiro, recibimos no centro á Directora Xeral de Xuventude. O noso instituto foi seleccionado para facer o acto de presentación do Pasaporte Solidario. O noso alumnado tivo a oportunidade de mostrar o seu traballo no ámbito da solidaridade e o profesorado do grupo de convivecia puido comentarlle á Directora Xeral ás súas iniciativas e mostrarlle á aula de convivencia.