CEIP Plurilingüe Ben-Cho-Shey |

BIBLIOTECA EDUARDO DÍAZ FIDALGO

Mér, 24/05/2023 - 11:28 — benchoprofes

Hai xa tempo, cando estabamos no confinamento, unha alumna que se chama Carla e que hoxe está en sexto A, contounos aos profes e compañeiros que tiña un familiar chamado Eduardo Díaz Fidalgo, de Loñoá, e que escribira uns libros moi bonitos e interesantes. Logo Carla fixo un traballo sobre el, e puidemos ler as súas historias, que a familia nos cedeu para a biblioteca. Quedamos tan marabillados coa beleza destes libros, que quixemos poñerlle o nome do autor á biblioteca do colexio. O día 19 de maio, e co gallo das Letras Galegas, fixemos un emotivo acto, tendo a sorte de contar coa presencia dos familiares. Moitas gracias!

Álbum: CURSO 2022-2023 -> BIBLIOTECA EDUARDO DÍAZ FIDALGO

III MUNDIAL BEN CHO SHEY: 2ª XORNADA

Mér, 17/05/2023 - 20:50 — mtemes

III MUNDIAL BEN CHO SHEY: INAUGURACIÓN E RESUMO PARTIDOS 1ª XORNADA

Mér, 17/05/2023 - 13:30 — Anónimo

Bo día.

Ao longo deste curso vaise celebrar o III Mundial Ben Cho Shey . Os equipos están formados por o alumnado de cuarto,quinto e sexto de educación primaria. Os nenos e nenas de terceiro de primaria farán as funcións de árbitros/as e de cámaras, reporteiros/as e periodistas de Bencho-radio .

O 16 de marzo foi a cerimonia de inauguración e comezou a rodar a competición.

Aquí vos deixo un resumo do desfile inaugural e as mellores xogadas dos primeiros partidos.

A xogarrrr!!!!

O NOME DA NOSA BIBLIOTECA

Mar, 16/05/2023 - 17:25 — benchoprofes

O venres día 19 de maio, e no contexto da semana das Letras Galegas, imos chamar a nosa biblioteca co nome dun escritor de Loñoá, chamado Eduardo Díaz Fidalgo. Ollade esta presentación para coñecer mais a súa obra.

Descubrídeo con nós, xa veredes o que fan os magos da literatura!

DÍA INTERNACIONAL DE HIXIENE DE MANS

Mar, 09/05/2023 - 14:28 — mtemes

Bo día.

O 5 de maio celebrase o Día da hixiene de mans , para movilizar as persoas de todo o mundo para aumentar a adherencia a hixiene das mans nos centros de saúde , protexendo así das infeccións a traballadores da saúde e a pacientes.

No noso centro, a enfermeira do colexio Isabel Miguel Dougoud en colaboración co persoal sanitario do centro de saúde do Pereiro , representadao por Ana Isabel Parada Folgoso , levamos a cabo o 8 de maio unha actividade de sensibilización co alumnado de Educación Infantil e de 4º de Educación Primaria.

O pasaron xenial e sabemos asearnos mellor!!!!

Álbum: CURSO 2022-2023 -> DÍA INTERNACIONAL DE LIMPEZA DE MANS

OBRADOIRO DE RADIO

Ven, 05/05/2023 - 22:31 — anatato

O xoves 4 de maio tivemos unha visita moi especial en Bencho -Radio. Damián , de Ponte nas Ondas , veu explicarnos como emitir un programa en streaming. A rapazada de 5º E.P. o pasou moi ben e ademáis fixeron un programa en streaming.

Pincha na imaxe para escoitar o programa.

MENÚ MAIO

Ven, 28/04/2023 - 10:51 — mtemes

DÍA DO LIBRO

Xov, 27/04/2023 - 11:01 — nancyfernandezcid

Este ano para conmemorar o Día do Libro en Bibliobencho fixemos unha cheiña de actividades.

O luns día 17 de Abril, grazas a profe Celi, viñeron as aulas de 5 anos A e B, Pily e Belén, as responsables da Biblioteca do Pereiro de Aguiar, para contarnos dous contos: "A vaca que puxo un ovo" e "O coelliño blanco ", e regalarnos uns marcapáxinas. Tamén nos deixaron unha maleta cheiña de libros. Moitas grazas por compartir con nós esta experiencia.

O venres 21 de abril, a AMPA agasallounos coa obra de teatro "Tesouro", representada por Trecola teatro.

O luns 24 de abril, realizomos un apadrinamento lector. O alumnado de 4º, 5º e 6º de Educación Primaria leulle uns contiños os máis pequerrecho do cole.