Infórmase de que todas as solicitudes presentadas neste centro para o vindeiro curso 2023/2024, están admitidas.

A información contida nos informes só pode facerse pública única e exclusivamente no taboleiro interior do centro, ou ben pode ser consultada telemáticamente a través da aplicación admisión alumnado, empregando a chave 365 ou o certificado dixital.

Un saúdo.

O mércores 29 de marzo o alumnado de 1º fixo unha saída ao Parque de Bombeiros de Santiago de Compostela. 

Alí explicáronlles moi ben a maneira de actuar en caso de emerxencia, así coma o número ao que hai que chamar. Subiron ao camión, probaron a mangueira, tocaron a sirena, visitaron todas as instalacións e desfrutaron moito.

De agasallo levaron para a casa un casco e un chaleco co que fixeron a visita. A cambio os bombeiros recibiron uns debuxos feitos polos nenos.

Agradecidas pola súa acollida.

O mércores 15 de marzo, o alumnado de 3º de Primaria puido desfrutar dun espectáculo de teatro e danza interpretado pola compañía Caramuxo Teatro, no Teatro Principal en Santiago de Compostela.

Este espectáculo chamado ¨Ela¨, crea un mundo fantástico a través das cores, a arte e o universo creativo da pintora Maruxa Mallo. Unha mestura de poesía, humor, teatro e danza onde descubrir o imaxinario desta muller excepcional. 

VER FOTOS NA GALERÍA

Dende hoxe está en marcha o reto do 8M, que podedes consultar no blog de biblioteca.

Xa podedes ver os vídeos do festival de Nadal no noso canal de YouTube, premendo no enlace que tedes debaixo.

                       https://www.youtube.com/@ceipcasasnovoa/videos