Dende o centro estamos moi preocupados ante a crecente obesidade infantil, por iso queremos mellorar os hábitos alimenticios nas merendas do noso alumnado.
A alimentación é a base necesaria para un bo desenvolvemento físico, pero tamén psíquico e social dos nenos e nenas.
Consideramos recomendable que ao longo da semana o alumnado trouxera merenda variada, seguindo o seguinte cadro:
*OS PEDIATRAS E AS PEDIATRAS RECOMENDAN QUE O BOCATA NON SEXA DE PAN DE MOLDE.
Ademais a alimentación debe ser responsable.
Continuamos fomentando esta responsabilidade reducindo os materiais de refugallo que se xeran coas merendas.
Esta iniciativa que comezamos xa fai dous cursos, con gran resposta por parte das familias consiste en traer a merenda nunha friameira e auga nunha botella reutilizable.
