A Consellería vén de publicar a Resolución do 10 de abril de 2018 (DOG 26 de abril de 2018) pola que se ditan instrucións para o desenvolvemento da avaliación individualizada dos alumnos e alumnas de 3º de Educación Primaria.
AS PROBAS REALIZARANSE OS DÍAS 23 E 24 DE MAIO
A avaliación individualizada ten carácter informativo e orientador para os alumnos e alumnas e familias, equipos docentes, centros e Administración educativa. Complementan a información que reciben e orientan a toma de decisións na elaboración de plans de mellora.
En consecuencia, deben servir para:
* Achegar información individualizada de cada alumno ou alumna avaliado sobre o seu progreso no grao de adquisición das competencias obxecto de avaliación e contribuír á detección de dificultades na aprendizaxe.
* Achegar información e orientar os centros educativos para que, en función dos resultados obtidos polo seus alumnos e alumnas, cada centro adopte as medidas necesarias que redunden na mellora do proceso educativo.
A Xunta de Galicia publica unha guía sobre as Avaliacións de Primaria, nela dan resposta as seguintes preguntas:
- Que son estas probas?
- Para que serven?
- Por que son importantes?
- Quen as fai?
- En que consisten?
- Características das probas.
- É un sistema novo de avaliación?
Pincha no enlace para ver a guía.
