Para o Samaín as clases de cuarto realizaron as seguintes actividades:
CONTOS DE MEDO COOPERATIVOS :
a) Primeiro limos na web galiciaencantada sobre monstros e cocos típicos de Galicia. Logo sorteamos estes seres, de modo que a cada grupo tocoulle un ser fantástico co que tiñan que crear o seu conto.
b) Por grupos foron dando ideas e creando a súa historia.
c) Revisamos os contos e organizamos que parte lía cada membro do grupo. Unha vez distribuído, crearon en folios A3 debuxos en grande coa súa parte.
d) A parte máis chula foi poder ler os contos ós nenos e nenas de Educación Infantil. MOITAS GRAZAS por escoitarnos con tanta atención e grazas ás profes de infantil por deixarnos compartir con eles as nosas historias.
LUCES , CÁMARAS E ACCIÓN:
Por equipos, sorteamos monstros, personaxes malvados de películas e libros etc. Cada grupo debía organizar unha pequena representación para que os demais adiviñasen de que malo malísimo se trataba.
TRITURAMEDOS:
Como todos os anos, no cole prepárase o Trituramedos. As clases de cuarto prepararon os medos de forma cooperativa, saíron ó patio e por grupos foron conversando sobre cousas que lle daban medo. Logo de darlle á lingua, pasaron as ideas ó papel a modo de folio xiratorio. Por último, os folios papounos o Trituramedos.
SESIÓN DE PELI CON PALOMITAS
