Ola, familias!

Aquí tedes a primeira entrega da vosa fantástica participación na actividade "Os nosos contos buscan voz" do programa Lectura e Familias.

Non podemos estar máis contentos. Xa temos tres máis!

Botádelle un ollo as súas recomendacións!

Parabéns, a Iria, a Xavi e a Naihara!

Clicade nas imaxes para ver os vídeos.

Dentro do PLAN PROXECTA e do programa ALIMÉNTATE BEN, tivemos unha actividade chamada "FAI CLIC AO TEU BOCATA", onde ademais de aprender cousiñas sobre alimetación saudable mediante divertidos xogos, tivemos a oportunidade de probar BOCATAS DE SABORES NOVOS!!!! bocata de sardiñas con tomate, de mexillóns con pemento e leituga...Experimentamos con novos sabores, todos eles deliciosos!!!!!

E para finalizar, tiveron todos un agasallo moi útil.

Grazas por todo!!!!!!

Xa temos unha recomendación máis. Neste caso, Andrea de 4º de primaria propón un dos libros da colección LOS COMPAS.

Parabéns, Andrea!

Clicade na imaxe para ver o vídeo.

E seguindo co proxecto de Aliméntate Ben, aquí temos un RAP, cantado polos alumnos e alumnas de 4º de primaria e así animar a tomar unha RICA E SAUDABLE ENSALADA!!!

Fai clic no enlace para escoitar a canción.

O alumnado de Educación Infantil e 1º ciclo de Primaria tiveron unha saída a Apípolis, onde aprenderon a importancia das abellas no coidado do noso planeta.

Xa logo, no noso cole, o alumnado de 2º de primaria investigaron máis en profundidade e  quixo compartir os seus coñecementos co resto do cole con este mural informativo tan bonito e interesante.

E os pequechos e pequechas de 1º primeiro tamén aportaron o seu gran de area con esta colmea tan chula!!!

Seguimos cos ODS:

Bo día, familias!

O vindeiro martes 9 de maio ás 16:30 horas estades invitados á charla da asociación Espazo Lectura de Gondomar.

Compartirán con vós información sobre un dos temas máis importantes: como acompañar aos vosos fillos e fillas no proceso lector.

Non perdades a oportunidade de acudir!

Contarán a súa experiencia como familias no fomento e animación á lectura, e darán criterios para a selección de lecturas.

Esta actividade atópase incluída no programa Lectura e Familias.

O centro proporcionará servizo de atención a cativos.

O venres 28 de abril recibimos na Tepoteca a visita de Irimia Fernández Álvarez.

 A rapazada gozou fedellando polos diferentes xogos educativos en galego propostos por Brazolinda.

Ola, familias!

Hoxe os de primeiro quixeron aportar á Conmemoración do Día do Libro un estupendo programa de Reboradio. Estade atentos a estas pequechas e pequechos tan profesionais...

Durante esta semana Tepo e Tepa teñen preparadas moitas sorpresas paa conmemorar o Día do libro.

Aquí tedes algunha delas. Estade atentos e atentas pois seguriño que hai máis...!

 "Todos os días son o día do libro"

Montse Pena Presas cedeu o texto Dar de ler para a celebración do día do libro nas bibliotecas escolares.