Complementarias

O pasado xoves tivemos a gran sorte de poder contar coa visita de representantes da directiva e xogadores do BASKETMI FERROL. Falaron con nós, contáronnos as súas experiencias, fixeron unha demostarción e finalmente xogaron con nós. Tivemos a posibilidade de probar as súas sensacións xogando e manexando unha cadeira de rodas. Experiencia inclusiva e enriquecedora. Totalmente recomendable, repetiremos..

CONCELLO DE FERROL - O TALENTIÑO

“O Talentiño” o Certame de novos talentos artísticos

O tecido veciñal de Canido xunto á Concellería de Cultura do Concello de Ferrol intentan buscar novos talentos xovenes das artes musicais e da danza nun concurso baixo o nome de “O talentiño”.

A “O Talentiño” poderán presentarse aqueles rapaces e rapazas ferroláns con idades entre 6 e 18 anos (ampliamos idades debido á gran acollida de público), ambas idades incluídas, que residan ou estuden na cidade de Ferrol e realicen algunha(s) das seguintes actividades artísticas: cantar, interpretación de instrumentos musicais e danza. Establécense 2 categorías de participación: – Categoría A: Música (Canto ou interpretación de Instrumentos musicais) – Categoría B: Danza.

PROCESO DE SELECCIÓN

O gañador de cada categoría elixirase nun proceso de dúas rondas. A primeira fase de preselección, aberta xa ata o 15 de abril consistirá no envio de videos e anexos de inscrición ao correo talentocanidofest@gmail.com<mailto:talentocanidofest@gmail.com>

As propostas seleccionadas concursarán o 30 de abriL nun festival que servirá de antesala ás festas dos maios. Tratarase dun festival que será presentado polos músicos ferroláns Joaquín Enríquez e Elisa Esperante e que contará como xurado con: Lucía Pérez (catante eurovisiva) Xabier Vizcaino (músico e compositor) e Eva Faraldo (profesora de música e danza).

Os seleccionados pasarán a formar parte dun catálogo web de xóvenes talentos, e os gañadores obterán un vale para gastar en comercios locais.

Toda a información e bases poden consultarse na web http://talentos.avcanido.org<http://talentos.avcanido.org/> ou no instagram @otalentino

Recibide un cordial Saúdo.

1 adxunto

PLAN CORRESPONSABLES DA UDC

Dende a Universidade da Coruña ofertan o PLAN CORRESPONSABLES, é unha nova política pública que ten por obxecto iniciar o camiño cara á garantía do coidado como un dereito en España desde a óptica da igualdade entre mulleres e homes. Os obxectivos deste PLAN son actuar directamente con programas e acción que incidan directamente na promoción da igualdade entre mulleres e homes fomentando a corresponsabilidade e favorecendo a conciliación das familias con nenas, nenos, mozas e mozos menores de 16 anos inclusive. Son unha serie de actividades de carácter gratuito (surf, windsurf, catamarán, parkour e skate), nos meses de febreiro e marzo.

Para máis información

A inscrición nestas actividades realizarase a través da seguinte ligazón

https://corresponsables.udc.gal/udc/privada/admin/index.xhtml

1 adxunto

DÍA DO PEÓN 2022

Este ano celebramos o Día do Peón con máis forza que nunca; en primeiro lugar queremos agradecer a gran colaboración que tivemos por parte do profesorado e alumnado e por suposto a Adolfo Mira da Asociación de Torneiros "Virutas" que nos amosou o belo que é ver traballar a madeira ata que sae esa buxaina.

A continuación tedes unha pequena selección de fotos do evento.

SEMANA DA SEGURIDADE VIARIA DE FERROL

Co fin de conseguir entre todos o reto de CERO VÍCTIMAS, o Concello de Ferrol organiza un conxunto de accións interesantes e atractivas para os nen@s e xóven@s de Ferrol tales como:

- PARQUE DE EDUCACIÓN VIARIA NA RÚA

- SIMULACIÓN DE ACCIDENTE DE AUTOBÚS EN ESTEIRO COA PARTICIPACIÓN DUN GRAN DISPOSITIVO DE RESCATE

- I CARREIRA SOLIDARIA POLA SEGURIDADE VIARIA (medallas a tod@ @s menores de 16 anos e interesantes premios)

- MARCHA CICLISTA POLA SEGURIDADE VIARIA (agasallos e sorteo dunha bicicleta)

4 adxuntos

CONCELLO - RETALLOS DA TERRA MEDIA

Exposición "Retallos da Terra Media" que se vai a realizar entre os días 22 de decembro e 9 de xaneiro no Antigo Hospicio.

III XORNADAS ESCOLARES POLA ELIMINACIÓN DA VIOLENCIA DE XÉNERO

Xornadas escolares pola eliminación da violencia de xénero.

Folleto informativo

EXPOSICIÓN NO NOSO MUSEO

Aproveitando que este venres 12 celebramos o Día do Peón, recordamosvos que no noso centro dispoñemos dun MUSEO DO XOGO POPULAR único na cidade de Ferrol.

Aquí tedes a nosa exposición adicada ao peón, buxaina, trompo, ...

Máis información sobre o mundo do xogo popular en Brinquedia.

PONTE NO MEU LUGAR

O alumnado de 6º participará os vindeiros días 21 e 22 de outubro no Programa Ponte no meu lugar, unha recoñecida actividade promovida e desenvolvida por esta asociación que ten como principal obxectivo o de achegar a discapacidade en primeira persoa a través de dinámicas e accións participativas que procuran a reflexión entre o alumnado de 6º de Primaria e o profesorado.