PREVINDO O ACOSO ESCOLAR E A VIOLENCIA DE XÉNERO
Enviado por admin o Lun, 11/14/2022 - 12:50Un curso máis o CEIP López Ferreiro participou do Plan Director para a convivencia e mellora da seguridade nos centros educativos e os seus arredores, desenvolvido pola Policía nacional,
Nesta ocasión, a formación e información preventiva xirou en torno ao acoso escolar e a violencia de xénero. Partindo de situacións que simulaban a realidade, a rapazada dialogou para tomar conciencia da necesidade de poñerse no lugar da outra persoa…
Quizais sexa este o camiño para evitar males maiores.
COMEZOU A FAENA NO NOSO HORTO ESCOLAR.
Enviado por admin o Lun, 11/14/2022 - 12:49Despois dunha boa semana de chuvias, algunhas familias voluntarias do CEIP López Ferreiro, así como as súas nenas e os nenos, achegáronse co sacho na man ata o centro educativo.
Estiveron acondicionando a zona do horto escolar para que a que este sexa un recurso máis dunha metodoloxía activa baseada na experimentación, na observación, e moi especialmente, no respecto polo mundo natural a partir do traballo colaborativo.
A proposta partiu conxuntamente do Equipo de medio ambiente e da ANPA do CEIP López Ferreiro. A bo seguro que pronto se verán os seus froitos!
O ALUMNADO DO CEIP LÓPEZ FERREIRO SÚMASE Á DEFENSA DO NOSO PATRIMONIO.
Enviado por Anónimo o Mar, 10/25/2022 - 23:34Se hai unha emisora que defende o patrimonio e a súa vinculación co noso país veciño, sen dúbida que esa é Ponte...nas ondas.
O venres 21 de outubro, que ademais é o Día do Podcast,o alumnado de 6º acudiu ata a Salón Nobre do Colexio de Fonseca, para gravar un programa
especial co que se pretende axudar a inscrición de Ponte...nas Ondas! no rexistro de boas prácticas co Patrimonio Cultural Inmaterial (PCI) da
UNESCO.
Durante a semana anterior, as nenas e os nenos traballaron nas aulas de xeito colaborativo para buscar información sobre as tradicións e diferentes
persoeiros da vida cultural e política galegas: o alcalde de Santiago, o gaiteiro Bartolo, o músico Pancho Álvarez, o reitor da USC, o Conselleiro
de Educcaión, Luz Fandiño, Antonio Couceiro..., e o alumno de 6º do López Ferreiro, Lois Bazal.
Finalmente, o seu traballo, mermado por cuestións organizativas dunha emisión en directo, viuse reflectido nas entrevistas que se realizaron, por
medio dunhas locutoras e locutores que o propio alumnado seleccionou.
No seguinte enlace, pódese seguir toda a emisión:http://pontenasondas.org/?lang=es
DÍA EUROPEO DA REANIMACIÓN CARDIOPULMONAR
Enviado por Anónimo o Lun, 10/24/2022 - 22:01O 16 de outubro, celébrase o Día europeo da reanimación cardiopulmonar.
Para concienzarse da súa importancia, o alumnado de 6º do CEIP López Ferreiro acudiu o martes 18 ata a Praza do Obradoiro. Recibiron unha xornada de formación en materia de primeiros auxilios baseada en reanimación cardiopulmonar, conuta PAS e demais coñecementos básicos.
No acto estiveron presentes, ademaIs persoal voluntario da Cruz Vermella, de Protección Civil, e cargos importantes da Xunta como o propio Conselleiro de Educación.
Unha xornada formativa e interesante á par que divertida...Porque, ao ritmo da Macarena, segundo as nenas e os nenos, calquera se reanima!
Programa Piale
Enviado por Anónimo o Xov, 10/20/2022 - 22:55Dende o 5 de outubro, unha mestra do noso centro está a participar nun programa de formación organizado pola Consellería de Educación e Ordenación Universitaria para a mellora da competencia lingüística e comunicativa en lingua estranxeira do profesorado.
Ademais, esta experiencia tamén servirá para coñecer o sistema educativo canadense, contribuir na formación para impartir clases na rede de seccións bilingües, favorecer a actualización metodolóxica e compartir experiencias con outros profesionais da materia.
Esta modalidade en concreto consiste nun itinerario formativo en tres fases:
1º Un curso de formación en inglés na Comunidade Autónoma de Galicia (unha semana)
2º Inmersión no país falante da lingua estranxeira, neste caso Canadá (catro semanas)
3º Elaboración de materiais
Enlace á convocatoria:
https://www.xunta.gal/dog/Publicados/2022/20220120/AnuncioG0598-110122-0001_gl.html
EDL 2022 (European Day of Languages)
Enviado por Anónimo o Lun, 10/10/2022 - 20:34
Xa estamos de volta e coa cabeza chea de ideas e ilusión por facelas.
Comezamos cos preparativos, nas primeiras semanas, para celebrar o 26 de setembro o Día das Linguas Europeas.
Este ano inscribímonos na plataforma de EDL,
no apartado dos eventos, para rexistrar o noso:
https://edl.ecml.at/Events/EventsDatabase/tabid/1772/EventID/25816/q/WRISTBAND/language/en-GB/Default.aspx
Tamén estivemos a vestir 3 árbores con follas multilingües, as árbores foron un traballo
do Equipo de Actividades Extraescolares, a súa coordinadora a profesora Ana Robles.
Primeiro simulacro do curso
Enviado por admin o Lun, 10/03/2022 - 10:48Ao final, a experiencia foi todo un éxito e mesmo chegaron os bombeiros, protección civil e unha ambulancia. O persoal responsable destes medios compartiu as súas impresións co alumnado de educación infantil, e mais o de 1º e 2º.
ATA O VINDEIRO CURSO - SEE YOU!
Enviado por Anónimo o Ven, 06/24/2022 - 19:48O Equipo de Dinamización de Seccións Bilingües queremos despedirnos agradecendo a alumnado, profesorado, persoal non docente, familias e a todos e todas aquelas persoas que facilitaron cada actividade que levamos a cabo ao longo de todo o curso.
Esperamos volver contar con toda a axuda e colaboración recibida.
Deixamos un anaco do espectáculo de despedida que o alumnado desfrutou como actividade final.
https://drive.google.com/file/d/1U23JhjalQR046_rdLgRMSrINePMwla8J/view?usp=sharing
HAPPY SUMMER :)
Circular 1/2022: Avaliación
Enviado por admin o Xov, 06/23/2022 - 10:42- « primeira
- ‹ anterior
- …
- 4
- 5
- 6
- 7
- 8
- 9
- 10
- 11
- 12
- …
- seguinte ›
- última »