ADMISIÓN 16-17_LISTAXES DEFINITIVAS

No arquivo adxunto poden consultar as listaxes definitivas de admitidos e non admitidos para o curso 2016-17.

Maios, Letras Galegas

O pasado 16 de maio, e seguindo coa tradición, celebramos os maios, e homenaxeamos a Manuel María, autor ao que se lle adica este ano o Día das Letras Galegas.

 O alumnado xuntouse no patio de columnas, onde se  fixo o maio, e arredor del, cantaron, recitaron, representaron, tocaron...

    Un día de celebración!!

 

 

 

 

 

As fotos poden velas na Galería.

 

ADMISIÓN 16-17_LISTAXES PROVISORIAS DE ADMITIDOS E NON ADMITIDOS

Nos adxuntos van as listaxes provisorias de admitidos e non admitidos dos diferentes cursos.

O prazo para presentar reclamacións ou recurso é 27, 28 e 29 de abril, 2 e 3 de maio. 

Saída ao Teatro Principal

O pasado 23 de febreiro o  alumnado de 1º de E.Primaria  asistiu a ao teatro Principal  a ver “ Babiliglub”,  unha novedosa obra infantil en luz negra que introduce ao público nunha aventura de títeres baixo un mar de música, movemento e cor.

Babiliglub conta coa música de Elena Paz e Xosé Liz; e un elenco formado por Óscar Ferreira, Rogelio Lema e Xurxo Cortázar.

ADMISIÓN 16-17

Entroido 2016

                  

Alumnado e profesorado do López Ferreiro, celebramos un ano máis o tradicional Entroido.

Este ano viaxamos ata a Idade Media, desde alí chegaron: dragóns, reis e raiñas, trovadores,  templarios, mesoneiras e mesoneiros, bruxas e magos, vikingos e Robins Hood, que fixeron deste venres 5 de febreiro  unha xornada colorida e festiva.

Pronto terán as imaxes na Galería da páxina,mentras tanto esta é unha pequena mostra.

Bo Entroido a todas e todos!

!

Saída ao Auditorio

O vernes 22 de xaneiro o alumnado de 5º asiste no Auditorio de Galicia, xunto a outros escolares de outros municipios, a unha sesión didáctica a cargo de Pablo Carpintero, onde se lles explicou a orixe dos instrumentos tradicionais de Galicia (vento, corda, percusión, etc) e onde se escoitou o seu son a través de varias pezas que interpretou Pablo e un grupo de acompañamento e bailadores e bailadoras. A sesión estivo apoiada visualmente por unha presentación fotográfica que recolle distintos momentos da historia de Galicia a través da súa instrumentación

 

Visita a Meteogalicia

O martes 19 de xaneiro, o alumnado de 5º tivo a magnífica oportunidade de visitar as instalacións de Meteogalicia. Ao coincidir en martes os nenos e nenas tiveron a ocasión de asistir a solta unha radiosondaxe que permite recoller datos do estado da atmosfera en tempo real, durante un período de 5 horas. A máis diso as clases foron á sá de pantallas onde se vían distintos mapas do tempo con información específica e en tempo real. Asímesmo tamén recibiron dúas charlas onde se lles deu a coñecer os distintos instrumentos de medida dos diferentes factores climáticos (temperatura, humidade, chuvia, etc.) e como se producen os distintos fenómenos atmosféricos (nubosidade, sarabia, efecto invernadoiro, etc). O alumnado prestou un grande nivel de atención e soubo responder con moito acerco as preguntas formuladas polo persoal da citada entidade.

 

Saída ao teatro

                                                      

  O alumnado de 5º e 6º asistiron a un espectáculo de danza “Só unha excusa”, da man da Compañía !Las Tricotouses”, no Teatro Principal, o 18 de xaneiro. O traballo artístico desta compañía ofreceulles aos alumnos a posibilidade de ver unha improvisación de danza acompañada de iluminación especial para a través de movemento corporal escenificar catro distintos estados de ánimo. O espectáculo veuse complementado cun taller de danza no colexio que tivo lugar o mércores 20 de xaneiro.

Guía abalarmóbil familias

Esta é uhna guía completa con información para o acceso e instalación da aplicación abalarmóbil para as familias do alumnado. 

Para poder acceder deben ter incorporado o seu número de teléfono móbil nos datos do centro, para asegurarse  notifiquen a súa  titoría ou  a secretaría o seus números de teléfono móbil indicando se é do pai ou da nai. 

Distribuir contido