CEIP Nosa Señora das Dores

Dende o CEIP Nosa Señora das Dores queremos felicitarvos estas festas e para iso empregamos unha panxoliña interpretada no festival do pasado xoves 21 no colexio.

Grazas a todos e a todas polo traballo realizado para a posta en marcha do festival, ao alumnado pola súa interpretación, aos músicos pola colaboración desinteresada e as familias por vir e compartir esta xornada tan emotiva connosco.

Onte estivemos nos Minicines Central de A Estrada desfrutando de "Mavka, la guardiana de los bosques" xunto cos nos@s compañeir@s do CEIP de Soutelo. Esta actividade enmarcada nos Contratos Programa, CPInclúe e CPInnova, permite crear momentos de convivencia de centro e intercentro e, ao mesmo tempo fomentar valores como o respecto e coidado pola natureza.

Preme AQUÍ para velo máis grande.

Esta última semana lectiva de decembro ven cargadiña de propostas. Agardamos que tanto @s máis pequen@s como @s maiores desfruten destas xornadas.

O equipo de biblioteca e o EDLG xunto coa colaboración das nosas familias elaboraron este singular Calendario de Nadal. 

O funcionamento é sinxelo. Cada un dos días do mes de decembro irase presentando a lectura dun fábula. Polo tanto, o 31 de decembro, contaremos con 31 textos. 

Non volo podedes perder! 

O pasado martes, 24 de outubro, celebrouse o Día das Bibliotecas Escolares. Nós agardamos ata onte, venres, para inaugurar "A Maxia dos venres" e contar coa presenza de Ana Meilán.

As nenas e os nenos de infantil e primeiro coñeceron ao lobo Rigoberto, un lobo curioso cun pequeno problemiña de gases. 

Os compañeiros e compañeiras de segundo, terceiro e cuarto mergulláronse nun universo moi especial: o das historias.