CONTÁDENOS O VOSO DÍA DAS LETRAS 2023
Este ano, no noso cole, quixemos seguir coa tradición que comezamos na pasada edición das Letras Galegas. Foi así como vivimos un “Forcarei coas Letras (2ª edición)”, onde homenaxeamos a D. Francisco Fernández del Riego a través dunha serie de actividades diversas.
Esta proposta serviunos para conmemorar as Letras Galegas 2023. Marcámonos como obxectivos a conseguir os seguintes:
SOLICITUDE DO COMEDOR ESCOLAR PARA O CURSO 2023-2024
Seguindo as Instrucións enviadas pola Consellería, os usuarios de comedor poderán dispoñer deste servizo previa presentación do Anexo II. Modelo de autodeclaración e especificacións relativas á renda do 2022 no centro.
Teña en conta que:
- Dispón ata o venres 8 de setembro do 2023 para entregar o anexo no centro.
- Aquel alumnado que non entregue este anexo non poderá facer uso do servizo.
- Se quere facer un simulacro de taxas para o pago do comedor pode facelo premendo na imaxe.
LIBROS DE TEXTO. CURSO 2023-2024
Durante o vindeiro curso escolar 2023-2024 contaremos co seguinte listado de Libros de Texto (ficheiro engadido). É importante indicar que:
- No 1º e 2º nivel da Educación Primaria, o alumnado deberá mercar os libros de texto ao ser estes funxibles.
- Contamos con Fondo de Libros Solidario nos niveis de 3º e 4º de Educación Primaria. Os listados das adxudicacións estarán expostos no taboleiro interior ao centro. Contactade co centro se tedes dúbidas.
- O alumnado de 5º e 6º nivel de Educación Primaria está inscrito no programa de Educación Dixital- " E- Dixgal" polo que non terá libro de texto nin acceso ao fondo de libros. Si a axuda de material escolar.
II CONCURSO DE CARTEIS PARA A FESTA DE CACHAFEIRO- FREIXEIRA
Debuxo gañador (Pablo Porto Cortizo)
Dende a Comisión de festas de Cachafeiro-Freixeira fixeron un chamamento aos rapaces e rapazas do colexio para participiar no II Concurso de Carteis.
Tras revisar as distintas creacións do alumnado, do CEIP de Soutelo de Montes e o noso, decidiron conceder os seguintes premios:
- Debuxo gañador (publicarase na portada do libro da comisión) para Pablo Porto Cortizo de Infantil do CEIP Nosa Señora das Dores.
- 2º posto para Noa Tato Gulías de 5º de EP do CEIP Nosa Señora das Dores.
2º posto: Noa Tato Gulías
- 3º posto para Martina Couceiro Constela do CEIP de Soutelo de Montes.
Recordade que o 1 de xullo poderedes ver todos os debuxos expostos na carballeira da Freixeira. Non volo perdades!
4º CAMPAMENTO DE VERÁN DO CONCELLO DE FORCAREI
Esta semana abriuse o prazo de inscrición para participar na cuarta edición do campamento municipal de Forcarei.
Está dirixido a nenos e nenas de entre tres e doce anos, é dicir, nados entre os anos 2011 e 2019. As actividades comezarán o 3 de xullo e prolongaranse ata o 8 de setembro, con grupos abertos tanto no centro social de Forcarei como no salón de actos de Soutelo de Montes. Celebraranse de luns a venres, de 9:00 a 14:00 horas. Os interesados poden apuntarse ata o 23 de xuño.
Esta iniciativa busca favorecer a conciliación da vida laboral e familiar durante as vacacións estivais dos escolares.
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »