A semana do 18 ao 22 do mes de abril celebramos a Semana do Libro no noso cole con diferentes actividades. "Os luns ao sol" é unha actividade que levamos a cabo tódolos luns dende hai meses na que, se o tempo o permite, o alumnado de 5º e 6º de E. P. le ao alumndo de E. I. no patio escolar xunto ao resto de niveis. Ademais, como cada mércores, fixemos o "Apadriñamento lector" no que os maiores len ou representan un conto aos máis cativos. Ao rematar a semana chegou o turno dos mestres que leron contos en diferentes linguas: galego, castelán, inglés, francés e italiano. Ademais, resolvemos a pregunta do concurso "Elemental, Querida Libroreta" e foi Noa Costas Estévez de 5º de E.P. a gañadora deste concurso. Noraboa Noa!!!

Este ano o Salón do Libro infantil e xuvenil de Pontevedra abriu as portas da súa XVII edición baixo o lema "Canta bichería!". Ata alí achegámonos a meirande do alumnado do noso centro para aprender moitas curiosidades sobre moi distintos tipos de animais (salvaxes, domésticos, acuáticos, polares, insectos...) e gozar desta divertida experiencia!

      Despois dos problemas de son que tivemos no Nadal, o fabuloso grupo artístico de 2º de primaria retomou a súa obra e saíu a escena. Fíxoo na nosa biblioteca, no espazo "Divertivenres". Actuaron moi ben e o público quedou abraiado.

O pasado 21 de marzo celebramos na Biblioteca o Día da Poesía. Cada clase leu o poema que traballara na clase a tódolos seus compañeiros, e así gozamos dunha boa experiencia poética todos xuntos.

O 24 de febreiro conmemoramos o nacemento dunha grande da literatura galega, Rosalía de Castro. Unha muller cun avanzado pensamento político e social ("Follas novas", "El caballero de las botas azules") e cunha posición crítica e feminista ("Las literatas") que fixo que os rapaces de 6º fixeran a súa propia versión de Rosalía.

Aquí vos deixamos o remate final do traballo que realizaron: investigaron, recompilaron, escoitaron, versionaron e finalmente debuxaron.