Aproveitando que o PDI de centro son os medios de comunicación e este trimestre adícase aos medios audiovisuais, o alumnado do centro estivo fedellando cos micros, cámaras, iPads e apps de edición do espazo creativo de BiblioSello.

Fixeron uns traballazos! Dádelle ao PLAY.

O grupo de infantil cóntanos o seu libro favorito da Biblioteca.

En 1º e 2º fixeron unhas reseñas literarias marabillosas. E nótase o que lles gustou estar diante da cámara!!

Esta semana a adicamos ao Día do Libro, por iso dende as aulas e a biblioteca fixemos un montón de actividades: dende adiviñar o libro oculto a través dunhas pistas diarias, invitar as familias a que lerán un conto nas aulas dos seus fill@s, a crear os libros das súas vidas...

Deixámosvos un video para que vexades o moito que traballaron e desfrutaron. 

Un ano máis, as cativas e os cativos do noso pequeno colexio, amosaron que a unión e o esforzo conxunto, ten a súa recompensa e así o fixeron na Liga Escolar de Natación.

Despois de tres xornadas nas que competiron con máis de 400 nenas e nenos de diversos colexios, os nosos compañeiros e compañeiras, quedaron moi ben situados tando de forma individual coma grupal. De 26 colexios participantes o noso quedou no 8º posto. De forma findividual cabe destacar o trofeo de gañadora na categoría de benxamíns da nosa compañeira Irene Méndez Seijo, que este foi o seu derradeiro  ano xunto con dous compañeiros máis que o vindeiro curso comezan a súa andaina no instituto.

Dende a ANPA queremos agradecer a tódolos participantes o seu esforzo e a todos os pais e nais por asistir as xornadas os domingos e estar ahí animando.

Esperámosvos o vindeiro curso. Parabéns a todos e todas!

ANPA SARDOMELA

Instalación Artística do 2º Trimestre seguindo o PDI da Biblioteca Escolar deste curso "Dende o Sello para o Mundo" baseada na radio.

 

 

 

Ver esta publicación en Instagram

Una publicación compartida de CEIP Plurilingüe O Sello (@ceip.o.sello)

No obradoiro deste mes, o alumnado de 5º compuxo uns poemas inspirándose nos contos tradicionais. Graváronos e editáronos co Audacity.

Foi a primeira vez que se enfrontaron a este reto pero quedáronlles moi xeitoso, ou non??