Blogue de Laura

PARA TRABALLAR A NOSA CONCIENCIA FONOLÓXICA, CONSTRUIMOS PALABRAS RELACIONADAS CO VOLCÁN CON LETRAS MÓBILES. DESPOIS COMPROBAMOS SE O FIXERAMOS CORRECTAMENTE. POR GRUPOS DE TRES, FORMAMOS A PALABRA PALMA (O NOME DA ILLA) E CONTAMOS O NÚMERO DE LETRAS.

TOCAMOS PEDRAS VOLCÁNICAS. SABEDES POR QUE PESAN TAN POUCO? COÑECIADES QUE A PEDRA PÓMEZ TAMÉN É DE ORIXE VOLCÁNICA?

ESTAMOS A APRENDER COUSAS DOS VOLCÁNS. INVESTIGAMOS NOS LIBROS DA BIBLIOTECA, A NOSA COMPAÑEIRA ALESS TROUXO FOTOS, PROCURAMOS INFORMACIÓN EN INTERNET...

TODOS OS DIAS REPASAMOS OS BITS DE INTELIXENCIA RELACIONADOS CO TEMA E ADICIONAMOS ALGÚN NOVO. PUIDEMOS VER A DISTANCIA DO NOSO COLE ÁS ILLAS CANARIAS, UTILIZANDO O GOOGLE EARTH. APROVEITAMOS ESTA FERRAMENTA PARA SITUAR OS VOLCÁNS MÁIS IMPORTANTES. DESCUBRIMOS QUE O VOLCÁN MÁIS ALTO DO SISTEMA SOLAR ESTÁ EN MARTE E CHÁMASE MONTE OLIMPO.

ESTA SEMANA COMEZAMOS A FALAR DA NOTICIA DO VOLCÁN DA PALMA. DIXERON COUSAS MOI INTERESANTES:

-" O VOLCÁN ESPERTOU".

- "TEN 7 BOCAS".

-" TEN METEORITOS".

- " TEN UN CASTELO DE LAVA".

- " OS REIS MAGOS VAN BUSCAR O CARBÓN ALÍ. A MIÑA AVOA AXUDABA".

- " TIRARON LIXO DENTRO DO VOLCÁN".

- " HAI QUE BOTARLLE AUGA E CONXELALO".

- " ONDE VIVÍAN OS DINOSAUROS HABÍA UN VOLCÁN".

- " HABÍA UNHA PISCINA DE LAVA".

- " A LAVA ESTÁ DIRIXÍNDOSE AO MAR. ESTÁ AFECTANDO AS CRIATURAS DO MAR".

- " BOTA LUME".

- " O MAR BOTA LUME".

- " EN POMPEIA HOUBO UN VOLCÁN".

- " O VOLCÁN É UNHA MONTAÑA CUN BURATO".

- " A LAVA É PEDRA LÍQUIDA QUENTE QUE CANDO NON PODE AGUANTAR MÁIS CALOR, EXPLOTA".

- " OS BICHOS COA LAVA PÓDENSE CONVERTIR EN HUMANOS MONSTROS".

- " O VOLCÁN É UNHA ROCHA MOI GRANDE QUE TEN BURATOS PARA BOTAR O LUME".

DECIDIMOS QUE QUEREMOS SABER O QUE É UN VOLCÁN, AS SÚAS PARTES (COMO É) E PORQUE SAE A LAVA. ESCOLLEMOS "EXPLOSIÓN VOLCÁNICA" COMO TÍTULO PARA O NOSO PROXECTO. COMEZAREMOS A INVESTIGAR PARA APRENDER MOITAS COUSAS!  

PROCURAMOS NOTICIAS DO VOLCÁN E PARTICIPAMOS NUNHA VIDEOCHAMADA COA COMPAÑEIRA CHLOÉ QUE VIVE NAS ILLAS CANARIAS. EXPLICOUNOS TODO O QUE ESTÁ A PASAR E APROVEITAMOS PARA FACERLLE PREGUNTAS E ENVIARLLE MOITA FORZA E ÁNIMOS! GRAZAS COMPAÑEIR@S, PROFE MÓNICA E FAMILIA DE CHLOÉ.

POR EQUIPOS (ROSA E VERDE) CLASIFICAMOS OS NOMES E OS PRIMEIROS APELIDOS DE CADA CRIANZA. DESPOIS DO RECREO,  NECESITAMOS UN POUCO DE RELAXACIÓN! PROBAMOS AS LANTERNAS QUE PROXECTAN ANIMAIS E APROVEITAMOS PARA APRENDER CURIOSIDADES.

MATERIAIS:

3 OVOS COCIDOS

3 BOTES

AUGA

SAL

AZUCRE

CULLER

PASOS:

1º. BOTAMOS A AUGA NOS BOTES. 

2º. NUN BOTE ENGADIMOS SAL, NOUTRO AZUCRE E REMEXEMOS.

3º. INTRODUCIMOS OS OVOS

QUE PASARÁ?

NA AUGA CON SAL O OVO FLOTA. NA AUGA CON AZUCRE, FLOTA MENOS E NO BOTE QUE CONTÉN AUGA, AFÚNDESE. A AUGA SALGADA É MÁIS DENSA E PROVOCA QUE O OVO FLOTE.

A SARA, A NOSA XEFA DO DÍA, QUIXO PROBAR QUE PASARÍA CUNHA CASTAÑA. A CASTAÑA FLOTABA NOS TRES BOTES.