Cuarto de primaria

PLANTANDO ÁRBORES CON PINCEIS DE ABANCA

Xov, 2024-05-02 22:18 — carme

ESTE XOVES, 2 DE MAIO, LEVAMOS A CABO NO CENTRO UN PROXECTO ESCOLAR POLA SUSTENTABILIDADE QUE UNE CULTURA E COIDADO DO MEDIO AMBIENTE A TRAVÉS DA UTILIZACIÓN DE PINTURAS FOTOCATALÍTICAS ANTICONTAMINACIÓN. ESTAS PINTURAS NON SÓ NON CONTAMINAN, SENÓN QUE ADEMAIS ABSORBEN E DEPURAN OS CONTAMINANTES QUE HAI NO AIRE, COMO OS ÓXIDOS DE NITRÓXENO E OUTROS GASES CONTAMINANTES DA INDUSTRIA E O TRÁFICO RODADO. O PROXECTO CONSISTIU NUNS OBRADOIROS DE PINTADO DE BOLSAS DE TEA CON TEMÁTICA AMBIENTAL. ESTA ACTIVIDADE ESTÁ IMPULSADA POLA OBRA SOCIAL ABANCA EN COLABORACIÓN CON VELLA ESCOLA E ENMARCADA NO PLAN PROXECTA, A TRAVÉS DO PROGRAMA ESCOLA VERDE.

PODEDES VER O PROCESO DA ACTIVIDADE NAS SEGUINTES IMAXES:

- OUTRO GRUPO DE CRIANZAS DE 5ºEP, PARTICIPOU NO PINTADO DUNHA PAREDE DO CENTRO (NESTE CASO, POR CUESTIÓNS METEREOLÓXICAS, A PAREDE FOI NO INTERIOR), USANDO IGUALMENTE AS MESMAS PINTURAS E CON TEMÁTICA AMBIENTAL E ALGÚN OUTRO GUIÑO, COMO NESTE CASO, UNHA GUITARRA PARA FACER REFERENCIA AO PERSONAXE PROTAGONISTA DA REVISTA MUSICAL CREADA NESTE CURSO.

XULIA PISÓN INTRODÚCENOS NO MUNDO DO COMIC.

Mar, 2024-04-30 00:47 — carme

ENMARCADO NAS ACTIVIDADES ORGANIZADAS POLO EQUIPO DINAMIZADOR DA BIBLIOTECA, ESTE ÚLTIMO LUNS DE ABRIL, O ALUMNADO DE 4º TIVO UN ENCONTRO COA ILUSTRADORA, ESCRITORA E ARTISTA VISUAL XULIA PISÓN, AUTORA DE CÓMICS COMO "MICROALGAS", "MCCACTUS", "LEGADO", ETC. XULIA PISÓN, DESPOIS DE DEIXAR A PROFESIÓN DE ENFERMERÍA, CURSOU ESTUDIOS SUPERIORES DE ILUSTRACIÓN E VEUNOS A CONTAR MOITAS TÉCNICAS PARA A REALIZACIÓN DE CÓMICS. TAMÉN NOS FALOU DO SEU PROXECTO RELACIONADO COA INVESTIGACIÓN DAS MICROALGAS E DOS SEUS BENEFICIOS PARA O DESENVOLVEMENTO SOSTIBLE E O MEDIO AMBIENTE.

EXPLICOUNOS OS PASOS A DAR PARA FACER UN CÓMIC: GUION, MINIATURAS DAS PÁXINAS, BOCETO A LAPIS, DEBUXO FINAL, DISTINTAS TÉCNICAS PARA O DESEÑO DE PERSONAXES, UTILIZACIÓN DE FORMAS E CORES, VIÑETAS, LIÑAS DE MOVEMENTO, ONAMATOPEAS...

COAS PAUTAS DADAS POR XULIA, PUXEMOS EN PRÁCTICA TODAS AS TÉCNICAS. XULIA SUPERVISOU TODOS OS NOSOS TRABALLOS E DEUNOS MOITOS CONSELLOS PARA QUE SIGAMOS ELABORANDO CÓMICS. FOI MOI DIVERTIDO!

PLANTAMOS NO MONTE PEDROSO

Mar, 2024-04-30 00:07 — carme

ENMARCADO NO PLAN PROXECTA, A TRAVÉS DO PROGRAMA ESCOLA VERDE, O ALUMNADO DE CUARTO DE PRIMARIA, ACUDIU AO PEDROSO A FACER UNHA PLANTACIÓN DE DIVERSAS ÁRBORES AUTÓCTONAS (FREIXOS, CASTIÑEIROS E CARBALLOS) CO FIN DE EVITAR A DEFORESTACIÓN. ACOMPAÑÁRONNOS OS AXENTES AMBIENTAIS SANTIAGO NEIRA E XABIER VIDAL, ASÍ COMO O EQUIPO DE BRIGADISTAS E MOTOBOMBISTA DO DISTRITO FORESTAL III. APROVEITAMOS PARA VISITAR A CASETA DE VIXIANCIA DE INCENDIOS DESDE ONDE PUIDEMOS VISUALIZAR TODA A COMARCA DE SANTIAGO E ARREDORES. FIXEMOS UN PERCORRIDO POLAS RUTAS DE SENDEIRISMO DO MONTE PEDROSO E DESFRUTAMOS DUNHA XORNADA MOI DIVERTIDA EN CONTACTO COA NATUREZA.

PLANTANDO

REGANDO E "REGÁNDONOS"

VISITANDO A CASETA DE VIXIANCIA

MERENDANDO

EXPLORANDO

REMATAMOS RECIBINDO UNHAS MEDALLAS POLA NOSA COLABORACIÓN CO MEDIO AMBIENTE!!!

OBRADOIROS DE CONSUMO RESPONSABLE CON MANS UNIDAS

Dom, 2024-04-07 23:35 — carme

HOXE VEUNOS VISITAR MIRIAM PARA FALARNOS DA IMPORTANCIA DE LEVAR A CABO UN CONSUMO RESPONSABLE NAS NOSAS CASAS. MANS UNIDAS É UNHA ONG INTERNACIONAL ESPAÑOLA CONSTITUIDA POR VOLUNTARIOS E QUE LOITA PARA ERRADICAR A FAME E A POBREZA NO MUNDO. POR MEDIO DO PROXECTO "FAME CERO" ANALIZAMOS OS NOSOS HÁBITOS DE CONSUMO E A NECESIDADE DE CAMBIAR MOITOS DELES:

ANALIZAMOS NUN VIDEO O REPARTO POUCO EQUITATIVO E A DIFERENZA ENTRE NÓS E O TERCEIRO MUNDO.
FALAMOS DO QUE NÓS PODEMOS APORTAR PARA LOITAR CONTRA A DESIGUALDADE.
FIXEMOS UN ESTUDO DO QUE ALMORZAMOS HABITUALMENTE.
INVESTIGAMOS DE ONDE PROCEDEN MOITOS DOS NOSOS ALIMENTOS.
FIXEMOS FINCAPÉ DA IMPORTANCIA DE CONSUMIR PRODUTOS LOCAIS.
INCIDIMOS NA REGRA DAS "3R" E ENGADIMOS DÚAS MÁIS: REDUCIR, REUTILIZAR, RECICLAR, REPARAR E REPENSAR.
COMPROMETÉMONOS A COLABORAR PARA AXUDAR AO CAMBIO.

VELAQUÍ ALGUNHAS IMAXES DA ACTIVIDADE:

A ESCRITORA MARÍA CANOSA, VEUNOS A FALAR DE RUBICUNDO

Xov, 2024-03-21 01:23 — carme

Blogue de Carme

O MÉRCORES 20 DE MARZO, A ESCRITORA MARÍA CANOSA VISITOU O NOSO CENTRO PARA COMPARTIR CO ALUMNADO DE 4º AS AVENTURAS DOS PROTAGONISTAS DO LIBRO QUE ESTIVEMOS A LER NESTE TRIMESTRE: RUBICUNDO, O COSEDOR DE VENTOS. PREGUNTÁMOSLLE MOITAS COUSAS SOBRE A SÚA PROFESIÓN DE ESCRITORA E SOBRE COMO CREA AS SÚAS HISTORIAS E PERSONAXES. GUSTOUNOS MOITO ESCOITALA. VELAQUÍ OS MOMENTOS DO ENCONTRO COA ESCRITORA:

DESPOIS DA CHARLA, MARÍA ASINOUNOS OS LIBROS A CADA UN E TAMÉN DEIXOU UNHA DEDICATORIA NO LIBRO DA BIBLIOTECA. MENTRES, APROVEITAMOS PARA LER EN GRUPO ALGÚN EPISODIO DO LIBRO.

FOI UN ENCONTRO MOI DIVERTIDO!

VISITAMOS A CIDADE DA CULTURA E FOMOS A VER A OBRA DE TEATRO "HUGO"

Xov, 2024-03-14 23:38 — carme

O xoves, 14 de marzo fixemos unha saída a Santiago para ver a obra de teatro "Hugo", no auditorio de Abanca. Grazas a ela puidemos coñecer como é unha persoa con transtorno de espectro autista e aprendemos un pouco máis sobre a importancia da empatía, da necesidade de comunicarnos e da beleza da diferenza.

Antes, pasamos pola Cidade da Cultura e visitamos no Museo unha exposición sobre pintura de José María Barreiro, pintor vangardista de Forcarei. Aquí quedan uns momentos da actividade:

VISITAMOS OS MUSEOS CIENTÍFICOS CORUÑESES

Mér, 2024-01-10 00:01 — carme

INICIAMOS O 2º TRIMESTRE CUNHA SAÍDA MOI INTERESANTE: O MARTES, 9 DE XANEIRO O ALUMNADO DE 4º FOMOS A CORUÑA A VISITAR A DOMUS (O MUSEO DO HOME) E A CASA DAS CIENCIAS (PLANETARIO). DESFRUTAMOS DAS MÚLTIPLES ACTIVIDADES INTERACTIVAS QUE HAI NOS DOUS MUSEOS, COÑECEMOS UN POUCO MÁIS O CORPO HUMANO, APRENDEMOS MOITO SOBRE AS ESTRELAS, PLANETAS, CONSTELACIÓNS E FIXEMOS UNHA VISITA PANORÁMICA POLA CIDADE DA CORUÑA. FOI UNHA MAÑÁ MOI DIVERTIDA. SE CLIKAS AQUÍ PODES VER TÓDALAS FOTOS.

CAXOTO, UN CONTACONTOS MOI DIVERTIDO!

Sáb, 2023-12-23 07:06 — carme

PARA REMATAR O TRIMESTRE FÍXONOS UNHA VISITA UN PAXE REAL MOI PECULIAR. CON MOITO HUMOR DEUNOS UNHAS INSTRUCCIÓNS DE COMO TEMOS QUE FACER PARA QUE OS REIS NOS TRAIAN AGASALLOS, XA SABEDES: DEIXARLLES COMIDA SAUDABLE, TER O CUARTO RECOLLIDO, ESCRIBIRLLE UNHA CARTA BEN FEITA, NON PEDIR MOITAS COUSAS,... REMATAMOS CANTANDO XUNTOS UNHA CANCIÓN DE MANUEL MARÍA DO SEU LIBRO "SOÑOS NA GAIOLA". VELAÍ ALGÚNS MOMENTOS DA SESIÓN.

VISITAMOS A EXPOSICIÓN QUE O CEIPP A RAMALLOSA TEN NO MUSEO DO POBO GALEGO

Sáb, 2023-11-25 02:28 — carme

ESTE VENRES O ALUMNADO DE 4º FOMOS AO MUSEO DO POBO GALEGO PARA VER A EXPOSICIÓN DOS TRABALLOS ESCOLARES PREMIADOS NA XII EDICIÓN DO PROXECTO DIDÁCTICO ANTONIO FRAGUAS. TRÁTASE DUNHA ESCOLMA DE ELEMENTOS DO NOSO PATRIMONIO MATERIAL E INMATERIAL, COMO OS ENTROIDOS DE GALICIA, A HISTORIA ORAL, A TOPONIMIA, OS XOGOS POPULARES, OS CONTOS, RADIO ESCOLAR, ETC. TRABALLOS REALIZADOS POLOS DISTINTOS CURSOS DO NOSO COLE DURANTE O PASADO CURSO ESCOLAR. ENCANTOUNOS VER OS NOSOS TRABALLOS NUN LUGAR TAN EMBLEMÁTICO COMO O MUSEO DO POBO GALEGO. APROVEITAMOS PARA VER ALGUNHA SALA DO MUSEO, A SÚA FAMOSA ESCALEIRA DE CARACOL E TAMÉN O PANTEÓN DE GALEGOS ILUSTRES, ONDE ESTÁN ROSALÍA E CASTELAO.

PAGA A PENA VISITALA!

"O MEU VECIÑO TOTORO" NA SALA NÚMAX

Sáb, 2023-11-25 01:36 — carme

O PASADO VENRES 24 DE NOVEMBRO, O ALUMNADO DE 4º FOMOS Á LIBRERÍA NÚMAX A VER "O MEU VECIÑO TOTORO". TRÁTASE DUNHA PELÍCULA DE ANIMACIÓN XAPONESA ONDE O SEU DIRECTOR, MIYAZAKI, TRATA DE INCULCAR O AMOR POLA NATURALEZA A TRAVÉS DOS SEUS PERSONAXES: UNHA FAMILIA QUE SE TRASLADA AO CAMPO E ALÍ AS DÚAS FILLAS ATOPAN A TOTORO, UN ESPÍRITU CO QUE COMPARTEN MÁXICAS AVENTURAS.

DESFRUTAMOS COS PERSONAXES E RIMOS MOITO COAS OCORRENCIAS DOS PROTAGONISTAS.