CEIP SACO E ARCE ceip.saco.arce@edu.xunta.gal Teléfono 988 68 50 96 |

LETRAS GALEGAS 2017

Ven, 12/05/2017 - 14:16 — maria

Resultado de imagen de letras galegas 2017

o vindeiro martes, día 16 de Maio, a partir das 11:00h, celebraremos a tradicional “Romaría das Letras Galegas” , na que haberá música, baile e teatro para tod@s,e como xa é costume no noso centro viremos tod@s vestidos acorde coa festa.

Estades tod@s convidad@s e sería bo que acudirades vestidos de forma tradicional.

Despois tod@s compartiremos uns pinchos e uns doces. Agardamos a vosa participación.

A escola permanecerá aberta ata as catro, funcionando os autobuses con normalidade. Todas as familias que desexen levar aos seus fillos antes , deberán avisar ao titor/a e asinar no rexistro de saídas.

1 adxunto

#RosalíaTe

Lun, 20/02/2017 - 17:35 — admin

O 24 de febreiro homenaxeamos a Rosalía de Castro.

Este ano, como coincidía coa celebración do Entroido, adiantámonos uns día e celebrámolo o día 20.

Achegámonos ao Centro de Día de Toén para compartir poemas, cantigas e xogos cos nosos maiores.

RosaliaTe - Actividade proposta pola AELG

Rosalíados - ... Bloguesquío

Códigos QR - Has de cantar - Non che teño medo moucho

Entroido 2017

Xov, 16/02/2017 - 22:45 — admin

Aí o vén, o Entroido xa está chamando á porta!

Os nosos disfraces, as nosas comedias e cancións xirarán en torno ao tema do proxecto TOLOS POLA CIENCIA

Durante a semana cumpriremos os mandados de Efrén, a nosa mascota. Aquí vos deixo os Mandadiños para que vaiades tomando nota


Luns, 20 de febreiro	Martes, 21 de febreiro

Mércores 22	Xoves 23

O Venres, 24 de febreiro, será a festa grande:

Desfile de Entroido ás 14:30.

Actuacións - cancións, bailes e comedias

Contamos coa participación da comparsa A TUNA da Universidade de Ciencias do Centro de Día.

Animámosvos a todos/as a que disfrutedes con nós, Vide disfrazados/as!!!!

Galería de imaxes

Escolarización 2017 / Admisión alumnado// Xornada de portas abertas

Xov, 16/02/2017 - 14:38 — maria

Aberto o prazo de solicitude de admisión: do 1 ao 20 de marzo de 2017.

Para as familias:

*Poden cubrir o formulario de admisión a través do menú Solicitudes - Admisión - Crear solicitude de admisión. Feito iso poden optar por:

Imprimir dito formulario e achegalo ao centro educativo que escollan para o seu fillo ou filla en primeiro lugar.
Se dispoñen de certificado dixital, presentalo en Sede Electrónica a través da aplicación.

*Nembargantes, para quen o queira cubrir a man o formulario, pódeno descargar a través da seguinte ligazón e entregalo no centro educativo:

Solicitude Galego

PREME: ENLACE Á INFORMACIÓN NA NOSA WEB

Información escolarización curso 17/ 18

· PROCESO DE RESERVA DE PRAZA : DO 1 AO 20 DE MARZO
· EXPOSICIÓN DO LISTADO PROVISIONAL DE ADMITIDOS E NON ADMITIDOS: 24 DE MARZO
· PRAZO DE RECLAMACIÓN DO 25/04 Ó 02/05.
· EXPOSICIÓN DE LISTAS DEFINITIVAS DE ADMITIDOS E NON ADMITIDOS: 12 DE MAIO.
· PERÍODO DE MATRÍCUAL DO 20 Ó 30 DE XUÑO.

Entrega de premios do I Concurso Muller e Nena na Ciencia

Dom, 12/02/2017 - 19:11 — admin

O sábado, 11 de febreiro, no Salón de Graos do edificio Politécnico do Campus de Ourense tivo lugar a entrega de premios do I Concurso de debuxo e redacción do Día Internacional da Muller e a Nena na Ciencia.

Lúa Domínguez Grande– 2º premio, co debuxo “Jane Goodall, unha defensora dos animais”.

José Vidal González Gómez – 2º premio, coa redacción “Segue o rastro dos teus ancestros con Rebecca L. Cann”.

Sofía González Iglesias – 3º premio, coa redacción “Elena García e os robots camiñantes”.

Presencia do evento nos medios de comunicación

"Exemplo de muller científica para os investigadores do futuro. A experta Verónica Salgueiriño falou sobre nanociencia aos nenos/as premiados no concurso". A Voz de Galicia

"Princesa non, mellor científica. O campus de Ourense celebrou cun concurso o Día da Muller e a Nena na Ciencia" Faro de Vigo/Redacción de Ourense

O acto comezou cunha conferencia sobre nanotecnoloxía da man da investigadora galega Verónica Salgueiriño. A continuación, o vicerreitor do campus de Ourense da Universidade de Vigo, Virxilio Rodríguez xunto coa investigadora entregaron os premios aos gañadores- un diploma, un libro sobre unha científica e un lapis de memoria- xa para rematar animaron aos gañadores a cursar grados de ciencias no Campus de Ourense.

Para ler máis. Souto dos Laretas - Bloguesquío

Tecendo a paz

Sáb, 04/02/2017 - 15:22 — admin

Entre todos e todas quixemos tecer unha grande rede de desexos e compromisos para reivindicar na escola a resolución non violenta dos conflictos . Cada neno/a debuxou o seu autorretrato e escribiu o seu compromiso persoal.

Tecendo a paz

Sons de Paz. Musical

Co Himno á alegría e "Rock sen guerra"

Recitado de poemas: O nenos e nenas de 2º recitaron un poema que eles mesmos escribiron.

Unímonos aos valentes. Iniciativa Mediaset Se buscan valientes (El Langui), Rap contra o abuso na escola. Sumámonos a esta iniciativa facendo nosa a canción que tan famosa se fixo estes días para cantala o día da PAZ.