Skip to Content

   Enlace Aula Virtual                       

SEMANA CLIMÁTICA 2024

Esta semana celebramos a Semana Climática: 21 de marzo Día Internacional dos Bosques; 22 de marzo Día Internacional da Auga, 23 de marzo Día Meteorolóxico Mundial; 26 de marzo Día Mundial do Clima.

Diferentes propostas leváronse a cabo para tomar conciencia da importancia do medio ambiente e do compromiso sustentable que pretendemos en cada acción que realizamos no cole.

Para ver parte algunhas das actividades que se levaron a cabo pulsa no enlace: https://voznaturaxnv.wordpress.com/2024/03/26/semana-climatica-2024/

 

ESCOLA DE FAMILIAS- Obradoiro de Crianza SeXgura. De 16:30h a 18:30h.

O vindeiro mércores, 3 de abril, a ANPA iniciará a Escola de Familias co obradorio de CRIANZA SEXGURA, unha actividade onde as familias de todos os cursos, persoas coidadoras, con tutela ou ámbito profesional vinculado ás crianzas poderán aprender, cuestionar e resolver dúbidas afectivosexuais en relación as/os meniñas/os do fogar durante 2 horas, a través do acompañamento profesional, favorecendo un espazo seguro e libre de xuízos. Traballarase con diversos materiais, ferramentas e recursos.

O obradoiro levarase a cabo no centro escolar de 16:30h a 18:30h. É totalmente gratuíto e será impartido pola educadora social Tamara Rodríguez Pereira.

O seguinte mércores 17 de abril, continuarase co mesmo obradoiro pero con contidos diferentes na mesma hora e no mesmo lugar.

Agardamos que sexa do voso interese e esperamos contar coa vosa presencia para aprender xuntos/as.

PROCESO DE ADMISIÓN

Informamos que o prazo para realizar as solicitudes de ADMISIÓN (alumnado de nova incorporación ao centro) para o vindeiro curso 24-25 abrangue dende o 1 de marzo ata o 20 de marzo.

  A solicitude de admisión Anexo II-ED550B  pode presentarse de 3 formas

 

1) Informáticamente na Aplicación AdmisionAlumnado e presentala asinada de xeito manual no centro.

 

2) Informáticamente na Aplicación AdmisionAlumnado e asinala en Sede Electrónica con certificado dixital.

 

3) Cubrir a solicitude Anexo II-ED550B manualmente e presentala asinada presencialmente no centro.

 

O seguinte Manual para as familias servirá de guía para poder cubrir o Anexo II:

 

Manual para as Familias.

 

Para máis información poden consultar o archivo premendo na imaxe.

 

 

 

DÍA DE ROSALÍA DE CASTRO 2024

Desde o Equipo de Dinamización de Lingua Galega, celebramos a conmemoración do Día de Rosalía, 23 de febreiro, cun Recital de poemas. 

A idea foi recompilar distintos poemas polo alumnado para despois lelos na clase e recitar, elixir un compañeiro, ou compañeira, para a posta en escena ou compartir o Recital todos  e todas xuntos.

Houbo moitas propostas diferentes pero a participación foi espectacular, tanto por parte do alumnado coma do profesorado, ademais de contar coa presenza dunha nai no noso acto , Tamara, que o fixo fantásticamente ben, o que agradecemos enormemente.

O resultado é, esta marabillosa presentación, no que así homenaxeamos á nosa autora máis universal. 

Admitidos no proceso de reserva de prazas

 

Todo o  alumnado procedente do CRA Antía Cal que fixo a súa reserva para 1º de E. P no noso centro foi admitido.

Lembrar formalizar a matrícula no mes de xuño (matriculación do 20-30 de xuño).

11 febreiro

O 22 de decembro de 2015, a Asemblea Xeral decidiu establecer un Día Internacional anual para recoñecer o rol crítico que xogan as mulleres e as nenas na ciencia e a tecnoloxía, a través da Resolución A/RES/70/212.

O Día Internacional da Muller e a Nena na Ciencia, que se celebra o 11 de febreiro, é implementado pola UNESCO e ONU-Mujeres, en colaboración con institucións e socios da sociedade civil que teñen como obxectivo promover ás mulleres e as nenas na ciencia. Este Día é unha oportunidade para promover o acceso e a participación plenos e equitativos na ciencia para mulleres e nenas.

Este ano tivemos con nós a Rosario Domínguez Petit (Mima), para falarnos e aprender con ela sobre as Ciencias Mariñas e das moitas mulleres científicas do mundo e de Galicia.

Moitas grazas Mima!!!!

ENTROIDO 2024

Esta semana celebramos o entroido coa temática  "Artes e Oficios" e, a pesares da chuvia, puidemos gozar dun tempo en compañía todos e todas xuntas: familias, profes e alumnado.

As 7 artes ( arquitectura, escultura, danza, literatura, música, pintura e o cine) a través dos oficios, algúns/as das súas  representantes, e os conxerses chegaron da man do 1º ciclo; os exploradores e exploradoras fixeron descubrir un 2º ciclo mergullado nas conquistas e nas viaxes e no 3º ciclo os oficios antigos achegáronnos un pouquiño máis aos nosos antepasados recentes.

As larpeiradas do entroido puxeron o toque doce da festa...Un día e un día! As merendas saudables hoxe saltámolas un pouquiño!

O alumnado de 6º preparounos unha sorpresa teatral con coplas para enxuiciar ao meco e a mequiña que non remataron nada ben. O lume fixo a súa presencia queimando con eles todas as culpas...se é que algunha había! 

Grazas por compartir!

 

                                                                                    PULSA NA IMAXE

 

XORNADA DE PORTAS ABERTAS

Preme na imaxe

Distribuir contenido


by Dr. Radut