Mañá intensa hoxe no Caselles. Como xa é habitual dende fai un par de anos, despedimos o trimestre cunha chea de obradoiros, e iso que algúns non se puideron facer por culpa da chuvia: xardiñería, manualidades, pintura, inglés, atrezzo, linguaxe de signos, obradoiro naturézate, cociña e música foron o tema dos nosos obradoiros. Unha forma diferente de aprender cousas novas!
Comezamos a celebración do Entroido o xoves día 4 co "Certame Gastronómico". As familias e os nenos colaboraron cos seus doces, houbo cantidade e calidade, tanto que aínda quedaron para o venres.
E o venres desfile. Este ano continuamos co tema da auga, 1º e 2º foron de pingüíns, 3º de bonecos de neve, 4º de pingas de auga, 5º de peixeiros e peixeiras e 6º de mariscadores e mariscadoras. Nun día espléndido desfilamos ata a praza do Seixo, e a volta tomamos un rico chocolate acompañado de filloas, orellas e biscoitos do Certame Gastronómico. Un día redondo!
Hoxe no Pedro Caselles fixemos un pequeno acto para celebrar o día da paz. Xuntámonos todos no patio aproveitando o bo tempo. Primeiro os nenos e nenas de 5º curso cantaron "We are the world", e todos acompañaron co estribillo.
Despois todos xuntos escenificamos coas nosas "bailarinas"(feitas en días anteriores na clase) a"Danza da fada do azucre" do Crebanoces de Tchaikovsky.
Nas dúas primeiras horas tivemos unha gran sorpresa, xa que nos apareceu polas clases o mesmísimo Papa Noel, nin máis, nin menos; que viña acompañado duns axudantes moi especiais: os nenos e nenas de 6º!!! Repartiron caramelos e cantáronnos unha panxoliña, e Papa Noel sempre con eles.
Despois baixamos ao ximnasio onde gozamos da actuación do grupo Migallas, cando remataron entregámoslle o cheque do cross solidario a Asociación Avelaíña.
E para rematar o día tomamos un chocolate con biscoitos.
Despois de moito aprazar, por fin puidemos celebrar a nosa Festa do Outono.
Empezamos a mañá coa nosa Carreira Solidaria, este ano o diñeiro recadado será para a Asociación Avelaíña: http://www.avelaiña.es/ . Os nenos e nenas esforzáronse ao máximo para facer o maior número de voltas posibles. Rematamos cunha carreira de "maiores" na que participaron membros de Avelaíña e algunhas nais e pais.
E despois do recreo continuamos a xornada cos xogos populares e o magosto. Fogueiras e xogos encheron o nosos patio. Xogos de sempre e xogos novos en relación coa auga.
Aquí vos deixamos un video co festival das Letras Galegas celebrado na clausura da Semana Cultural do pasado mes de maio onde actuaron os nenos e nenas de diferentes cursos.
E alá nos fomos o colexio enteiro rumbo as illas Cíes. Un barco enteiriño para nós. Disfrutamos da illa e tamén da travesía en barco, para moitos unha experiencia única.
Este ano o tema arredor do que xirou o noso entroido foi a auga. Os de 1º e 2º foron de medusas, 3º de peixes, 4º de chuvia, 5º do Ciclo da Auga e 6º de buceadores. Aqui tedes o video e as fotos: